Wïlöölö 1:28 - Wëël Jwøk

²⁸ Ni ö Jwøki ni gwïëth geni, ni kööe jïge, ni «Nyöödu ni nyaayu, ni pääŋŋu piny, ni dïïmmu gø, ni bëëdu ni jïïu da teek bäät rec naam ki wec maal ki gïïa näk dëëtge da jwïëy bëët mo bäät piny.»

Wïlöölö 1:28 Iomraidhean Croise

Wïlöölö 1:22

Ni ö Jwøki ni gwïëth geni ni kööe, ni «Nyöödu, ni nyaayu, ni pääŋŋu yïth näpa døøŋŋø bëët. Beerra man ö wenynyi ni nyaacge bäät piny thuwø.»

Wïlöölö 17:16

'Ba eno gwïëdha, këël mano mooa ïïni ki nyilaal ma dïcwøø mo käla dëëre kiree. Eni gwïëdha gwïëdhö, ni tïme na mii wïth juurre; ni tïm nyeye mo wïth juurre ni käla ree.»

Wïlöölö 17:20

'Ba luubö mana caanï kiper Icmiel awïnynya; ennø, eno gwïëdha, ni tïïa gø nee känne ki nyïëdi mo thööth, ni wëëga eni nyaay døc. Eno tïmö na wää kwääri apaar kurriiø, ni tïïa eni na wï jur mo dwøŋ døc.

Wïlöölö 24:60

Ni gwïëthge nyige ma Rebëëka, ni köge, «Nya nyiwa, ïïno tïmö na mii jiyi ma kum kum, ni ö nyïïkwaayï ni maanyge mïëc nyïïmän moge.»

Wïlöölö 26:24

Ni ö Wuuö Jwøki ni nyooth ree jïre yi wäänögø kiree, ni kööe, ni «Aana Jwø wäru ma Eeberam; kärï lwäyö, kiper a ena buutï. Ïïno gwïëdha, ni meeda nyïïkwaayï ni nyaacge ki køør dhaanhnha ma Eeberam.»

Wïlöölö 33:5

Ni ö Icøø ni tïŋ wïïe maal ni joot mään ko obwöre, ni kööe, «?A moi a jø kaa ni cäädhi ki ïïni en?» Ni kö Jeekapi, ni «Beege obwöre moa cïp Jwøki jïra ki met yie, a na laŋŋø marï.»

Wïlöölö 49:25

Ï na Jocep, teek marï ojootï baŋ Jwøa näk Jwø wäru, Jwø wø køny ïïni, ni beeye Jwøa en teeki jïre ni wø gwïëth ïïni, na ŋato gwïëth ïïni ki gwïëth mo ööi ki maal, ki gwïëth mo käla piny thuwø; ni gwïëth ïïni ni jïtï ko obwöre ki lääc paac mo thööth.

Wïlöölö 5:2

Ni cwääc geni na thwønh ki maath, ni gwïëth geni, ni cwøl geni na jiy dïcäŋa cwääc geni yie.

Wïlöölö 6:1

'Ba kar kanya tïm jiyi ni ge nyaay bäät piny, ni jïge da nyïïge ma nyïïakuue mo ege nywølø,

Wïlöölö 8:17

Ni kälï gïïa näk kwøw bëët wøk na en buutï thuwø, na näk weny ki lääy ki gïï wø muuli bäät piny bëët, kiper nee nyöötge ni tïmge ni thööth, ni jïtge ki nyïëdi, ni nyaacge bäät piny.»

Wïlöölö 9:1

Køøre Jwøk Nöa agwïëdhe ki wääte, ni kööe jïge, ni «Nyöödu ni nyaayu ni pääŋŋu piny.

Wïlöölö 9:7

'Ba uuni, jïtu ki nyïëdi ni nyaayu, ni pääŋŋu piny nou thööth døc ni nyaayu yie.»

1 Luup Nyeye 26:5

ni bïcierge beeye Amiel, ni bïrietge beeye Icakar, ni bäcge beeye Pelethay. 'Ba obwöre moøgø acïp Jwøki jïre ka køør gwïëth.

1 Luup Nyeye 4:10

'Ba Jabec alämö jï Jwø Icriel, ni kööe, «Gwïëth aani, Wuuö Jwøk, ni mooyï aani ki ŋøøm mo thööth; gwøk aani, ni koorï aani ceŋ gïï mo leth, nee bäŋe gïn mo leth mo pïï dëëra.» Køøre gïïa pëënynye atïïc Jwøki jïre.

Jööp 39:11

?Aŋø, løny jïrï ki man ŋääthï gø kiper teek mare na dwøŋ? ?Aŋø, tïïc marï na teek løny jïrï ki man leeŋï gø bääte?

Jööp 42:12

'Ba Wuuö Jwøk Jööp agwïëdhe yïth nïr gø moa en cään ni kaala mana dïkwøŋ. Ena jïtö ki rööm ma kume apaar kurŋween, ka athïrööle ma kume abïciel, ki dhää puur ma kume ariiø, ka arëëni ma mädhi ma kuma.

Aydheea 45:18

'Ba man beeye dwør Wuuö Jwøk, na cwääc maal, ni bee eni na Jwøk na cwääc piny na tïïc gø. Eni, piny akëël piny, ni käre cwääö nee bëëde ni ŋaam jaak, 'ba acwääe kiper nee beet. Ena köö, ni «Bee aani na Wuuö Jwøk, ni bäŋ jwøk mør këët.

Ciik Kiper Dïlämme 26:9

« ‹'Ba aani nyïma luua baŋu ni tïïa uuni nou nyöödu ni nyaayu, ni ö luumma na tuuda ki uuni ni wëëga gø thur kare.

1 Timöthi 4:3

jø wø män jiy ki nywöm, ni mänge jiy ki caammi møøk moa cwääc Jwøki, na doo jïëc jø wø jïëy ni ŋäcge adïëri ni ge dwøga met ec jï Jwøk.