Wïlöölö 1:21 - Wëël Jwøk

²¹ Ni ö Jwøki ni cwääc lääya døøŋŋø yi naama dwøŋ, ki gïïa näk dëëtge da jwïëy bëët ni wø cäädhi yïth pïï; ni cwääc geni ni thööth na wï tuuŋ man nø. Ni cwääc weny bëët thuwø ki køør wï tuuŋ man nø. Ni ö gïïögø ni jooti ya Jwøki na gïï mo beyø.

Wïlöölö 1:21 Iomraidhean Croise

Wïlöölö 1:18

kiper nee dïcäŋ ki wäär käärge na kare nee tar pääge ki muudhö. Ni ö Jwøki ni neen gïïögø ni joot ge ni beyø.

Wïlöölö 1:20

Køøre Jwøk aköö, ni «Beerra man jït yïth nämmi ki gïï mo thööth mo dëëtge da jwïëy; ni jït maalli bäre ki weny mo määdö yie.»

Wïlöölö 1:22

Ni ö Jwøki ni gwïëth geni ni kööe, ni «Nyöödu, ni nyaayu, ni pääŋŋu yïth näpa døøŋŋø bëët. Beerra man ö wenynyi ni nyaacge bäät piny thuwø.»

Wïlöölö 1:25

Ni ö Jwøki ni cwääc lääc paap bäät piny na wï tuuŋ man nø, ki lääc paac na wï tuuŋ man nø, ki gïïa näk muulö bäät piny bëët na wï tuuŋ man nø. Ni ö Jwøki ni joot gïnögø na gïn mo beer.

Wïlöölö 1:31

Køøre Jwøk gïïa tïïe bëët aneene, ni joot ge ni beyø døc. Ni tïme ni da abøøya ka amöölla. Ni beeye bïcier nïne.

Wïlöölö 2:19

'Ba Wuuö Jwøk lääc paap ki wec maal bëët ee nø cwääc ri ŋøøp piny. Ni käl geni baŋ dhaanhø kiper nee nyeŋ mo cak geni ki gøøni nee neene. Køøre dhaanhø nyeŋ gïïa näk kwøw bëët acaae, ni nyeŋ moa cak ge ki geni aput tïmö na nyeŋ moge.

Wïlöölö 6:20

Røk weny ri wï tuuŋ man nø, ki røk lääy ri wï tuuŋ man nø, ki røk gïï wø muuli bäät piny ri wï tuuŋ man nø, geno ö baŋï no oriewi riewi ni öge baŋï yi jääy, nee kwøwge buutï.

Wïlöölö 7:14

ni beege geni ki teeŋ wïth lääc paap bëët, ki teeŋ wïth lääc paac bëët, ki teeŋ wïth gïï wø muuli bëët bäät piny, ki teeŋ wïth weny bëët.

Wïlöölö 8:17

Ni kälï gïïa näk kwøw bëët wøk na en buutï thuwø, na näk weny ki lääy ki gïï wø muuli bäät piny bëët, kiper nee nyöötge ni tïmge ni thööth, ni jïtge ki nyïëdi, ni nyaacge bäät piny.»

Wïlöölö 8:19

Ni ö lääyi bëët ki gïï wø muuli ki weny bëët, na näk gïï wø cäädhi bäät ŋøøm bëët, ni cige wøk ki yi jääy na wï tuuŋ man nø.

Wïlöölö 9:2

Ni ö lääyi mo bäät piny bëët ki wec maal bëët këël gïï wø muuli bäät ŋøøm bëët ki rec naam bëët ni bëëtge ni lwäär ki uuni, ni tïmge ni ge böö ki uuni. Geno bëëdö ni ena ceŋŋu.

Wïlöölö 9:7

'Ba uuni, jïtu ki nyïëdi ni nyaayu, ni pääŋŋu piny nou thööth døc ni nyaayu yie.»

Jööp 12:7

«'Ba ennø, pëëny 'lääy niï pwönyge, ni pëënynyï wec maal nee caange jïrï,

Jööp 26:5

«Jwïëc jøøa no othøw kwanynyi ki lwär døc tiet pïï moa en yïth ŋøøm, ge ki jø wø bëëdö na aciel ki geni.

Jööp 7:12

?Aŋø, aana naama dwøŋ, wala lääna dwøŋ ni wø bëëdö yi kut, ni bëëdï naa iï määnynyö ki ŋat koor en?

Bwøth Wøk 1:7

'Ba nyïïkwaac Icriel gena nyöödö ni meetge rege ni thööth, ni nyaacge, ni tïmge ni teek døc; ni ö paaci bäre ni pääŋe ki geni.

Bwøth Wøk 8:3

Ni ö ogwäle ni nyaacge yi naam, ni öge wøk ki yi naam ni cige yi øtø marï, ki kar niine marï, këël bäät pëëm marï, ni cige yïth uudi mo jø kööre moï ni pärge bäät jiyï bëët, ni cige yïth këënne mou këël yïth gïï wø tëëdu ki ge.

Edhikiel 32:2

«Wär dhaanhø, wärï ki duut kïmmö kiper Peerø nyeny Ijep ni kööï jïre, «ni ‹Ïïni, dëërï apäärï ki ŋuu mo teek yïthakic wïth juurre, 'ba ïïni, ï caala lääna dwøŋ na en yi naama dwøŋ, niï bëëdö niï jaalla riï yïth nyeŋ näm moï, ni duupï pïï ki tietï, ni put tïmö no odhöönh.›

Joona 1:17

'Ba Wuuö Jwøk rëëö mo dwøŋ ajääŋŋe ni løøny Joona, ni ö Joona ni bëëde ki nïne adäk, wärre ki cääŋŋe moge, ni ena yi rëëö.

Joona 2:10

Køøre Wuuö Jwøk rëëö aput köömmö, ni ö rëëe ni ŋöö Joona wøk kanya näk otal.

Mathiew 12:40

Kiper Wär Dhaanhø ojïti ki nïne adäk ki wärre adäk piny, kaawat mana ö Joona na bëëde yi rëëö ki nïne adäk ki wärre adäk.