Wïlöölö 1:16 - Wëël Jwøk

¹⁶ Ni ö Jwøki ni cwääc gïïa tar na näk ariiø na døøŋŋø døc. Ni tar mana dwøŋŋa eni beeye mana bëën dïcäŋŋi. Ni ö mana thiinhnhi ni tïme ni wäär bëënna gøøni. Ni ö Jwøki ni cwääc ceer thuwø.

Wïlöölö 1:16 Iomraidhean Croise

Wïlöölö 1:15

Beerra man bëëtge na tar mo rieny maal kiper nee cïpge ki tar bäät piny.» Køøre gïnögø aput thur kare.

Jööp 31:26

ni aano lwïthö baŋ cäŋ ni jooda gø no orieny, wala dwääy yaa lwiidhø ni cäädhi ka ajiem mare,

Jööp 38:7

kanya bëët ceerri mo amöölla ni ge wär na aciel, ni nyïïatwiet maal bëët ge kwöŋŋö ki met ec?

Aydheea 13:10

'Ba ceer mo maal ki moa näk dëëtge ege cøŋŋø otïmö ni ba cïpi ki tar. Cäŋ otïmö ni cøl kanyo tuule, ni ö dwääyi ni ba cïp tar mare.

Aydheea 24:23

Køøre dwääy wïïe olääi, ni ö cäŋŋi ni tïm waŋe ni law, kiper Wuuö Jwøk, eni na wïth jammi bëët, obëëdö na nyeya bäät Kïn Dhayan yi Jerucalem, ni ö ajiemmi mare ni nëëne jï dïbwöthe mo jiye.

Aydheea 40:26

Lwïthu ni raŋŋu maal mø. ?Japøge bëët ocwääya ŋa? Bee eni ni wø bëëdö na wïc bäätge ni wø ŋäc kwäänge, ni ge cwøle cwølø bëët ni man nø cwøle ka nyeŋ gø. 'Ba kiper mana näk mo dööŋö mare ki teek mare opöödhö, bäŋ aciel dëët japøge mo rwäänyi.

Aydheea 45:7

Bee a na tïïc tar na tïïc muudhö, ni bee a ni wø känni ki bëëtö mo beer, ni wø wëëk bëëtö mo raac tägö, bee aani na Wuuö Jwøk ni wø tïïc gïïögø bëët.

Jeremaya 31:35

Man beeye luumma caan Wuuö Jwøki, eni na tïïc cäŋ nee rienye ki waŋcäŋ, na cïp dwääy ki ceer kwörge nee rienyge ki wäär, eni ni wø dhäy naama dwøŋ, ni bëët odhänynyi mare ni lwör, eni na näk nyeŋŋe beeye Wuuö Jwøk, Jwø wïth jammi bëët,

Abakuk 3:11

Kanya tïm tar mar athëëre moï ni nimal, ni tar mar tøŋ marï nigaaŋ, cäŋ ki dwääy aput cuŋŋö karge maal.

Mathiew 24:29

«'Ba køør gïïo leth moo tägi yïth nïrögøøni, « ‹cäŋ oput tïïc ni cøl, ni ö dwääyi ni ba cïp taye, ni päänh ceerri ki maal, ni ö gïïa näk jïge da teek maal ni jäŋi.›

Mathiew 27:45

'Ba kanya tïme na caae apaar kurriiø ki dïcäŋ, piny atïmö na muudhö bäre këël caae adäk ka abøøya.

1 Körin 15:41

Teeŋ ajiem aciel ena jï cäŋ, ni teeŋ ajiem maya ena jï dwääy, ni ö teeŋ ajiemmi maya ni en jï ceer. Kiper cëërö man nø, ajieme ena kur keere.

Tiet Ciik 4:19

'Ba kany wø raŋŋu maal, nou jootu cäŋ ki dwääy ki ceer, ni wø en maal, gwøgu rou nee wïthu ba maaŋŋi ki man tïme nou lama geni ni tïnynyu geni. Kiper gïïögø beege gïïa cïp Wuuö Jwøki na näk Jwøu jï jiy bëët moa en bäät piny.

Mana Nyooth 21:23

'Ba paanøgø bäŋ cäŋ mo manynyi yie wala dwääy nee rienye bäät gø, kiper ajiem Jwøk beeye tar mare, ni ö lamba mare ni näk Nyidiel.