Wïlöölö 1:11 - Wëël Jwøk

¹¹ Ni kö Jwøki, ni «Beerra man tuc bäät pinynyi ki luum, ki gïïa marr bëët mo duunnö ki köödhi, ki jenni mo nyöödö ki nyïëdi mo duunnö ki köödhi. Beerra man jït jenni ki nyïëdi ki køør teeŋ wï jaath man nø bäät piny.» Køøre gïïögø athur karge.

Wïlöölö 1:11 Iomraidhean Croise

Wïlöölö 1:12

Ni ö pinynyi ni tuue ki luum ki jenni ki gïïa marr bëët. Ni ö teeŋ wï gïna marri man nø ni jïte ki nyïëdi ki køør teeŋ wï tuuŋ man nø. Ni ö jenni ni jïtge ki nyïëdi ki køør teeŋ wï jaath man nø. Køøre Jwøk gïnögø ajoode na gïn mo beer.

Wïlöölö 1:29

Køøre Jwøk aköö, «Ennø, gïïa näk kännö ki nyïëdi bëët moa näk otuy bäät piny bäre acïba jïïu, ki jenni bëët moa näk nyïïge duunnö ki köödhi, kiper nee tïmge na cam jïïu;

Wïlöölö 2:16

Ni ö Wuuö Jwøki ni kööm dhaanhø ni kööe, ni «Løny jïrï ki man cämï ri nyïïjenni bëët jaak moa en ya ajïniina.

Wïlöölö 2:5

kar kaaca poot bäŋ teeŋ gïn mo thiinh mo cwøl na abuŋŋö mo otuy yïth ŋøøm bäät piny; ni bäŋ teeŋ gïn mo marr mo otuy bäät ŋøøm, kiper Wuuö Jwøk gïn cwøl ni køth en poot käre jääŋŋö bäät piny. Kar kaaca thuwø poot bäŋ dhaanhø mo purö wïth ŋøøm.

Wïlöölö 2:9

Ni ö Wuuö Jwøki ni wëëk ŋøøpøgø tuuö ki teeŋ jenni bëët mo nëëni ni mïërö, ni beyø kiper cam. Ni jaadha näk jaath kwøw thuwø ena dï ajïniinøgø; këël jaadha näk jaath wø ŋäc gïn mo beer ki gïn mo raac ki køøre ena kaace thuwø.

Jööp 28:5

'Ba ŋøøm ni wø joot cam yie, tiere piny ree wiilø ni keda oraany maaci.

Dut Pwøc 1:3

Eni caala jaath mo opiith deŋ naam, ni wø nyïïe ciek kany wø näk ma kare, ni bøøge moe ba när. Teeŋ ŋatøgø, gïï wø tïïe bëët thura karge.

Aydheea 61:11

Kaa teeŋ man wø ö pinynyi wø wëëk jammi tuuö, ni ö ajïniina ni wëëk köödhi moa piith yie tuuö, Wuuö Jwøk bëënynyö ki pwøc wëëge tuuö nyïm wïth juurre.

Jeremaya 17:8

Kiper eni tïmö ni caala jaath mo opiith lak naam, ni wø lweete këët piny, ni bäŋ gïn mo lwääre kany wø lëënh pinynyi; 'ba bøøge moe bëëdö ni marr jaak, ni bäŋ gïn lääŋŋe kiper yïth cwiiri mo meel, ni eni ba kääŋi ki man nyööte ki nyïëdi.»

Mathiew 3:10

'Ba këël kawaane ennø, ley onø cïp tiet jenni. Kiper manøgønø, jenni bëët mo wø ba nywøl ki nyïëdi mo beyø, ŋøda piny ni leeŋi maac.

Mathiew 6:30

?'Ba ni näk Jwøk luum mo ena yi pwöla ee døøc mo mïërö, ni bëëdö ni mar dïcäŋi ni diøø leeŋa maac, a uuni, u bäŋ dee gwøø ni kaala manøgø, u ni ŋäädhe maru thiinh en?

Maak 4:28

'Ba piny jammi nywøla e keere. Dïkwøŋ piith na luum. Køøre ŋøøk ki wïc. Køøre wïc kännö ki nyeŋ beel ma karge.

1 Körin 15:38

'Ba Jwøk wø cïpö ki dëël jï gø, keda mana manynye, ni teeŋ kunhnhö man nø, dëëre ena kur keere.

Ibaru 6:7

Kiper ŋöömö man wø maath pï køth man wø päth yie cooth, ni känne ki gïï ma wøpe jï jø wø puuri kiperge, wø gwïëth Jwøki gwïëdhö.

Jeemeth 3:12

?Nyïïmera, olaam doo nywøl ki nyïïjwiel, wala leemuun doo nywøl ki nyïïolaam? Kaawat manøgø thuwø, pï acäbö ba maar bänhnhö ni tïmge ni met.