Tayta 3:8 - Wëël Jwøk

⁸ 'Ba luummögø beeye adïëri. Naa manynya ïïni man køpï gïïögø døøc, kiper nee jøøgø no ojïëy ki Jwøk yøø, nee dëëtge makge ki man cïpge cwïnyge køør gïïo beyø na dege tïïö. Kiper gïïögø bee gïï ma wøpe døc, mo jiy kønye kønyø.

Tayta 3:8 Iomraidhean Croise

Jööp 22:2

na «?Aŋø, dhaanhø da gïn mo di kønyø dëër Jwøk? ?Këël dhaanhø mo wïïe leer, løny jïre ki man køny Jwøk?

Pwöc Leec Wïc 21:28

Ŋat wø kat luup ränynyö, 'ba ŋat wø wïny luubö ni beer, luup wø di lamø ni ba jook.

Mathiew 20:4

Ni kööe jïge, ‹Uuni thuwø, cou yi pwödhö mara. Aano cïpi jïïu ki gwel mo rømø ki tïïc mano tïïyu.› Køøre gena ci pwödhö.

Jøøn 12:44

'Ba Jecu dwøre atïŋ maal døc ni kööe, ni «Ŋat wø jïëy ki aani ni ŋääth a, ba jïëc aani keere, 'ba jïëya eni na jääŋ aani thuwø.

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Moa Tïïc Nyïïatwieli 12:15

Ni köge jïre, ni «Ïïna bøøl.» 'Ba na nieŋ ri gø ni beeye adïëri, gena köö, ni «Manøgø tïmö ni beeye nyïïatwiel maal mare.»

Wëëlö Mana Göör Pøølli Baŋ Jø Röm 4:5

'Ba mar ŋat wø ba tïïö, 'ba ŋäätha Jwøk ni wø jïëc jø raay ni marge beer, ŋatøgø ojïëc no obëënynyö ki køør ŋäädhe mare.

2 Körin 4:13

'Ba kiper mana tïme ni jïwa da teeŋ ŋäädhe aciel ki ŋata göödö, ni «Aana jïëy, ni beeye na cääna,» waani thuwø, waana jïëy, ni beeye ni cäänwa en.

Epeca 4:28

Kär dee kuu mo kwädö këët, 'ba beerra man tïïe ki cere ki tïïc ma adïëri, kiper nee lønye jïre ki man cïpe jï jø wø can.

1 Timöthi 1:15

'Ba luubö man en beeye adïëri møn mo doo jïëö, ni Krictø Jecu aö piny kuna piem jø raay. 'Ba beeye aani na näk wïth jø raay.

1 Timöthi 2:8

'Ba mana manynya nø, jiy doo lämö yïth kwörögø bëët, ni dëëtge ege cïp kur keerge, ni thaaŋge ceŋge jï Jwøk ni bäŋ gootø wala wëër.

1 Timöthi 5:10

'Ba eni wär tïme na dhaagø mo wøp mare ee nyoodhø kiper tïïe moa beyø ni wø tïïe, na ŋat mo piitha obwöre, mo pänhnha jiy, mo lwøga tiet jø Jwøk, mo kønya jøøa näk dëëtge da gïï mo leth, mo puta tïmö ni tïïya gïï wø beyø ki yïth jammi bëët.

2 Timöthi 1:12

Ni beeye ni jwøra gïï ni leth ii. 'Ba wïïa ba doo lääö, kiper ŋata ŋäädha ŋääa, ni ŋääa ni løny jïre ki man gwøk gïna wëëga eni këël mano këët cäŋöca.

Tayta 1:9

Ni eni doo maga luumma näk adïëri keda mana pwönynyi ki gø, kiper nee tïme ni maara pöö ki pwöc ma adïëri, ni pïëme ki jø wø taak pwöc moe thuwø.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Tayta 2:7

Ni nyoothï riï ki yïth jammi bëët, nee bëëtö mana beer kwanyge ki køørï. 'Ba kany wø pööï, pööï ki dwøl aciel, na pwöc mo bäŋ tuuk ree,

Tayta 3:1

Kööm geni ki man wøørge kwääri ki jøøa jïge da teek, ni bëëtge na dïleŋ luup, ni yïthge met ki man kunyge ri tïïe mo wø beyø bëët, ni cwïnyge leer,

Tayta 3:14

'Ba beerra man ö jø Jwøki moa en Kariit kaagø man kwanyge tïï gïï mo beyø, nee kany wø dee gïï mo leth mo tägö nee ge wø laarge kunynyö, ni ba bëëtge jaak.

Piliman 1:11

Dïkwøŋ eni bäŋ gïn mo ee kønyø dëërï, 'ba kawaane atïmö niï maare ka køny, ki aani bëët.

Ibaru 10:24

Beerra man neetø dëëtø ki man cøømmø cwïnynyø ni ø mëër ni tïïø ki tïïe mo beyø,

1 Piter 1:21

'Ba beeye ki køøre na tïmu nou ŋäätha Jwøk, eni na duu Krictø wøk ki yi thøø, ni mooc gø ka ajiem. Kiper manøgønø, jïëy maru ki ŋäädhe maru ena ri Jwøk.