Tayta 2:2 - Wëël Jwøk

² Ni köömmï jäle nee bëëtge mëëth, ni rege ege wøørø, ni ge ŋäc cäänö ni wïthge leer, ni geno jïëy ni ŋääthge møn, ni ge mëër, ni ge bëëdö ni teek karge.

Tayta 2:2 Iomraidhean Croise

Jööp 12:12

Leec wïc wø ena baŋ jøøa døøŋŋø, ni cwiic kwøw mo thööth, dhaanhø wø wëëge kwany tiet luup.

Pwöc Leec Wïc 16:31

Jïër ma lwaar beeye adun ajiem jï dhaanhø mo dwøŋ, ni wø joot ki køør bëët adïëri.

Aydheea 65:20

«Kar kaace otïmö ni bäŋ nyilaal mo thøw ni thiinh këët, ni bäŋ dhaanhø mo thøw ni kär jäŋ ki cwiiri. 'Ba ni näk dhaanhø thøw ni cwiiye dïpa, poot nëëni ni thiinh jaak; 'ba ni näk da ŋat mo ba pïï ri dïpa, di købø no ocienø.

Ciik Kiper Dïlämme 19:32

« ‹Wøørru jøøa wïthge da lwaar ni beege jäle, ni lwäärru aani, a na Jwøk maru. Beeye aani na Wuuö Jwøk.

Maak 5:15

Ni öge baŋ Jecu, ni jootge ŋata kwøŋ bëëdö ni dëëre da anäge no opï piny kaace, dëëre ka abïï ni wïïe odøø kare. Ni beeye ŋata kwøŋ anäga thööth na cwøl ni Liijan en dëëre. Ni putge lwäyö.

Luk 8:35

Kanyøgø jiy aci wøk kuna neenge gïna tägö; 'ba na pïïcge buut Jecu, ŋata aay anäge dëëre anwänge no opï piny tiet Jecu, dëëre ka abïï ni wïïe odøø kare. Ni putge lwäyö.

Moa Tïïc Nyïïatwieli 24:25

'Ba kanya ö Pøølli na piem gïr bëëtö mo beer, ki gïr män røk ki raay, ki kanya caan gø ni da kany mo luup jiy ŋøla piny yie mo poot ena nyïm, Pilik cwïnye abwøk ni kööe, ni «Ci wøk dïciel. Aano jïti ki kany cwøla ïïni yie.»

Wëëlö Mana Göör Pøølli Baŋ Jø Röm 12:3

'Ba a cäänna uuni u bëët ki køør met yi Jwøk na wëëk aani, nee bäŋe dhaanhø dïïu mo caar dëëre ni eno kadhø ni kaala mana dee caarø. 'Ba ŋati man nø wïïe wär caare døøc no orømø ki ŋäädhe mana wëëk Jwøki eni.

1 Körin 15:34

Cäŋu wïthu caarrø, ni ba bääyu këët. Kiper jø møøk bäŋ gïn mo ŋäcge kiper Jwøk. Ni gïn caana naa lääa wïthu.

1 Körin 9:25

Kiper jø wø tuuk bëët, dëëtge ege mänö ki yïth jammi bëët. Ni gïnögø tïïcge ni ge jïtö ka adun ajiem mo wø laar ränynyö, 'ba øøni, ø tïïö kaper nøø jïtö ki gïn mo ba maar ränynyö.

2 Körin 5:13

Ni näk waana bøøre, wa bøøl kaper Jwøk, 'ba ni näk wïthwa leer, leer kaperu.

Galeecia 5:23

ki mööl, ki män røk. Teeŋ gïïögøøni, bäŋ ciik aciel mo kwier ge.

Pilipay 4:8

'Ba mana dööŋ keere nø, nyïïmera, gïn wäro näk adïëri, ki gïn mo orømø ki wödö, ki gïn mo thïïŋ, ki gïn mo bäŋ raay dëëre, ki gïr mëër, ki luubö mo beer, ni näk beege gïï mo met, na gïï mo orømø ki pwøc, caarru gïïögø.

1 Thecalönika 5:6

Kiper manøgønø, kärø butø kaawat man wø tïïc jø møga. 'Ba beerra man bëëdø ni ø nëënö, ni dëëtø yøø gwøø.

1 Thecalönika 5:8

'Ba kiper mana näk mo øøna wäät dïcäŋ, beerra man gwøø dëëtø, ni kïthø kwöt nywïënyö mar ŋäädhe ki mëër kööthø, ni ö pïëmmi mana piem øøni ki gø ni wø ŋäädhø ni kïthø gø wïthø kaamar cöör nywïënyö.

1 Timöthi 1:10

Ni cïp kaper kääpe, ki cwøw mo wø døø rege ki niine, ki jø wø kwädö ki jiy, ki tööte, ki jø wø kööŋ ko oballe jaak, ki jø wø tïïc teeŋ gïï møøk bëët ni wø män ki pwöc ma adïëri,

1 Timöthi 1:14

Ni ö met eci mar Kwääyø ni tïme ni päl bääta, ki ŋäädhe ki mëër na en jï Krictø Jecu.

1 Timöthi 1:2

A göönna baŋï, ï na Timöthi, ï na wääda ma adïëri ki køør ŋäädhe. Met ec ki bäth-ec ki bëët-mëër na en jï Jwøk na näk Wuuö ki Krictø Jecu na näk Kwääyø bëëde bäätï.

1 Timöthi 1:5

'Ba tier pwöc marø beeye mëër mo käla yi cwïny mo tar, ki bëëtö ma adïëri, ki ŋäädhe ma adïëri.

1 Timöthi 3:11

Kaawat manøgø thuwø, mään doo tïmö na jiy mo owøørø, ni ge patha dïwääc nyeŋ, 'ba røkge dege mänö ki raay, ni geno ŋäädhö ki yïth jammi bëët.

1 Timöthi 3:2

'Ba ŋat wø raŋ acooŋ Jwøk doo tïmö na dhaanhø mo bäŋ gïn mo jøøŋŋi ri bëëtö mare, mo cïïe aciel, ni ree ee mänö ki raay, ni wïïe leer, ni eno rømø ki wøør, na ŋat mo pänhnha wëëlle, ni ŋäc pwöc,

1 Timöthi 3:4

'Ba eni doo pwönynya nyïïe ki jø paare bëët, ni luumme ojïëc nyïïe, ni eno wøør nyïïe ki yïth jammi bëët.

1 Timöthi 3:8

Kaawat manøgø thuwø, jø wø tïny acooŋ Jwøk doo tïmö na jiy mo owøørø, ni bäŋ luup oriewi dhøkge, ni ge patha oŋïyö ki maath kwøŋ mo thööth, ni ge patha owär ki joot jammi.

1 Timöthi 5:1

Kär ŋat mo dwøŋ joogï ki luubö mo teek, 'ba köömmï kaawat mana diï wäru köömmö, ni cäännï wøpe kaamar nyïïmeru.

Tayta 1:13

'Ba luummögø beeye adïëri. Kiper manøgønø, jook geni ki luubö mo teek, nee putge jïëy na adïëri ni ŋääthge,

Tayta 1:8

'Ba eni doo tïmö na ŋat mo pänhnha wëëlle, ni mëër ka gïïa beyø, ni wïïe leer, ni bëëte tiir, ni cwïnye ena køør Jwøk, ni ree ee mänö ki raay.

Tayta 2:7

Ni nyoothï riï ki yïth jammi bëët, nee bëëtö mana beer kwanyge ki køørï. 'Ba kany wø pööï, pööï ki dwøl aciel, na pwöc mo bäŋ tuuk ree,

Piliman 1:9

'Ba kiper nyeŋ mëër keere doo beerra mana daa ï kwaa, a na Pøøl, ni aana ŋat dwøŋ, a no otööny Krictø Jecu en.

1 Piter 1:13

Kiper manøgønø, caarru wïthu døøc ni magu wïthu, ni ŋääthu met ec ki cwïnynyu bäre, mano jootu yi cäŋo nyooth Jecu Krictø yie.

1 Piter 4:7

'Ba aŋuun jammi bëët kare acäännö. Bëëdu ni wïthu leer, ni koorru dëëtu ni lämu.

1 Piter 5:8

Koorru dëëtu, ni bëëdu ni nyeŋŋu you jabø. Kiper nyimän maru na näk anägö wïïrö ni caala ŋuu mo jwöŋö, ni eni caya ŋat mo løønye.

2 Piter 1:6

ni kuurru bëëtö ma wøp ki ŋäc luup, ni kuurru ŋäc luup ki bëëtö kar ni teek, ni kuurru bëëtö kar ni teek ki män røk ki raay, ni kuurru män røk ki raay ki bëët jöör Jwøk,