Tayta 2:11 - Wëël Jwøk

¹¹ Kiper met yi Jwøk man piem jiy bëët ki gø anyooth,

Tayta 2:11 Iomraidhean Croise

Aydheea 45:22

«U na jiy moa en teegi mo piny bëët, ööu baŋa nou piem, kiper bee aani na Jwøk, ni bäŋ Jwøk mør këët.

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Dhekaraya 4:7

«Wui, ï na kïnna dwøŋ! ?Ïïna agïnaŋø? Ïïni, ï tïmö na ŋøøm mo ree päärö nyïm Dherubabel. Køøre eni kïdi mana näk aŋuudi mar geer okäle ni kïth gø dëër Øt Jwøk ni jiy kwöŋŋö ki met ec, ni ‹Eno gwïëth Jwøki! Eno gwïëth Jwøki!› »

Mathiew 28:19

Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.

Maak 16:15

Ni kööe jïge, ni «Cou ni caathu dï piny bäre, ni køpu luumma nyään na met jï jiy bëët.

Luk 24:47

ni ö løk cwïny ki wec raac jiy ni købi ki nyeŋŋe yïth mïëri bëët, ni tägi ka yi Jerucalem.›

Luk 3:6

'ba jiy bëët pïëm mar Jwøk oneenge.› »

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Jøøn 1:9

'Ba taya näk adïëri na cïpö ki tar jï jiy bëët, beeye eni na ö piny.

Moa Tïïc Nyïïatwieli 11:23

'Ba na pïïe ni neen gïna tägö ki køør met yi Jwøk, yie amïnnö. Ni pwöny geni bëët døøc ki man bëëtge ni cwïnyge ena køør Wuuö, ni cwïnyge ege maa ni teek.

Moa Tïïc Nyïïatwieli 13:43

'Ba na keeth jiyi øt acooŋ lam, jø Juuth mo thööth, ki jøøa näk dëëtge ege løø na jø Juuth na cwïnyge en køør Jwøk, gena läp køør Pøøl ki Barnaba. Ni ö Pøølli ki Barnaba ni cäänge ki geni ni cøma cwïnyge ki man putge cwïnyge cïp køør met yi Jwøk.

Moa Tïïc Nyïïatwieli 13:47

Kiper beeye luumma caan Wuuö jïwa, na kööe, «ni ‹Ïïna thïïŋa niï tïmï ni ïïna tar kiper juurre, kiper nee pïëm man piem jiy ki gø kïthï yi piny kare bäre.› »

Moa Tïïc Nyïïatwieli 17:30

Kanya poot dhaanhe ni bäŋ gïn mo ŋääe, Jwøk abëëdö ni cwïnye ee cïp piny. 'Ba kawaane eni jiy bëët aköömme ki man løkge cwïnyge yi piny bäre.

Moa Tïïc Nyïïatwieli 20:24

'Ba jwïëya patha yaa caarø ni gïn mo pere leth jïra, mo daa gwøø. 'Ba mana manynya keere beeye ki man thööra tïïc mara, ki tïïc mana wëëk Kwäärö ma Jecu aani ki man køba gïr luumma nyään na met mar met yi Jwøk.

Wëëlö Mana Göör Pøølli Baŋ Jø Röm 10:18

'Ba a pëëö. ?Aŋø, geni, kärge wïnynyö? Awïnyge møn, keda mana caani ya Wëël Jwøki, ni «Döötge awïnyö bäät piny bäre, ni ö luupge ni këët dï piny bäre.»

Wëëlö Mana Göör Pøølli Baŋ Jø Röm 5:15

'Ba muuy mana cïp ba caal luumma dhal. Kiper ni näk jiy mo thööth othøw ki køør luubö mana dhal dhaanhe acielli, a teeŋ met yi Jwøk mo nyïëdi ki muuy mano cïp ki met ec noo pälli jï jiy mo thööth ki ri met yi ŋata näk aciel enøgø na näk Jecu Krictø!

Wëëlö Mana Göör Pøølli Baŋ Jø Röm 5:2

Ni beeye ki køøre na jïtø ki karø ri met ec man ni cuŋŋø ree en, ni kanynyø kiper mana ŋäädhø noo nywaaø ajiem mar Jwøk.

2 Körin 6:1

'Ba waana tïmö ni wa tïïö ka Jwøk na aciel, ni wa köömma uuni nee met yi Jwøk ba jïëyu ki dhøgu jaak.

Galeecia 2:21

Naa ba tïïc met yi Jwøk ni bäŋ tiere. 'Ba ni näk ciik Jwøk beeye wø jïëc dhaanhø ni mare beer ki køøre, nyootha gø ni Krictø athuunh jaak.

Epeca 2:8

Kiper beeye met ec na piem uuni ki køør ŋäädhe. Ni manøgø ba tïïc uuni, 'ba beeye muuy mana cïp Jwøki ki met ec,

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

Köløcia 1:6

na ö baŋu, kaawat mana keethe møn yi piny bäre ni känne ki nyïëdi ni nyaae, kaawat mana tïïc dïïu thuwø dïcäŋa wïnynyu gø yie, ni kwanynyu tier met yi Jwøk ka adïëri,

2 Thecalönika 2:16

'Ba kawaane, Kwääyø ma Jecu Krictø ki dëëre, ki Jwøk na näk Wääø, ŋata mëër ki øøni, na mooc øøni ki cøm cwïny mo bäŋ cuŋŋe, ki ŋäädhe ma wøp mar nyïm ki køør met yie,

1 Timöthi 1:14

Ni ö met eci mar Kwääyø ni tïme ni päl bääta, ki ŋäädhe ki mëër na en jï Krictø Jecu.

1 Timöthi 2:4

ŋat wø many man piem jiy bëët, ki man kwanyge gïïa näk adïëri.

2 Timöthi 1:10

na nyooth kawaane kiper mana joot Pïëmi marø ma Krictø Jecu, ŋata raany thøø ni käl kwøw, ni beeye kwøw mana näk adïëri mo bäŋ cuŋŋe, ni tïïc gø ni nëënö ki køør luumma nyään na met.

2 Timöthi 4:17

'Ba Wuuö acuŋŋö buuta, ni wëëk a tëënnö ki man køba luum Jwøk ki kare bäre, kiper nee wïny juurre bëët. 'Ba aana piem ni bødha dhi ŋuu.

Ibaru 12:15

Gwøgu røgu nee bäŋe ŋat mo kääŋi ki met yi Jwøk, nee bäŋe gïn mo keec mo tuy ni ööl uuni, ni raany jiy mo thööth.

Ibaru 2:9

'Ba ø neeta Jecu, ŋata tïïc ni thiinhnha eni ki nyïïatwiet maal ki kany mo thiinh kiper nee thøø bele kiper jiy bëët, ki køør met yi Jwøk. 'Ba ennø, ø neeta eni no orøønyø ka ajiem ki wödö kiper thøwa leth na jwøre.