Tayta 1:7 - Wëël Jwøk

⁷ 'Ba ŋat wø raŋ acooŋ Jwøk, kiper mana tïme na ŋat wø tïny Jwøk, doo bäŋ ajäla ri bëëtö mare, ni paa ŋat mo koorrø, wala ŋat mo cwïnye laara ränynyö ni wëëre, wala ŋat meeye, wala wïnni, wala ŋat mo cwïnye päl kiper gïn joode.

Tayta 1:7 Iomraidhean Croise

Wïlöölö 49:6

A ba doo pïïa piny ki geni ciel kany wø cuŋge; ni ba dwäta ki geni kar acooŋa marge, kiper jiy anäkge jaak kanya wëërge, ni ŋørge ojwöc dhäk jaak ki køør dïwït marge.

Pwöc Leec Wïc 14:17

Ŋat mo laara wëër, jammi wø di tïïö ki bäŋ acaara, ni ŋat wø caar tïï gïï mo reyø, jiy män ki gø.

Pwöc Leec Wïc 15:18

Ŋat wëëye, pïëm wø di tääö, 'ba ŋat mo ba laar wëër wø mäna pïëm.

Pwöc Leec Wïc 16:32

Ŋat wø ba laar wëër beerra eni ni kaala ŋat mo oteeø, ni ŋat wø mak cwïnye beerra eni ni kaala ŋat wø mak pääny ki tøŋ.

Luup Dïpööy 7:9

Kär cwïnyï läädö ki man laarï wëër, kiper wëër bëëdö tier jwöth ŋat mo wïïe bäŋ acaara.

Aydheea 28:7

'Ba këël nyikuk Jwøk ki dïlämme, ge mädhö ki kwøŋ mo keec, ni cääthge ni ge näännö ni ge bøømmø ki meerø. Ge bëëdö ni wïthge ocwöth køøŋe, ni ge cäädhi ni ge bøømmø kany wø mäthge ki kwøga keec. Ge bëëdö ni ge näännö ki meerø kany wø nyuunh geni ki luup, ni tïmge ni ge bääö ni luup ba ŋølge na adïëri.

Edhikiel 44:21

Ni bäŋe dïlämi mo mäthi ki køøŋø kany wø näk mo eni dunynya yi kal mana en dïër.

Ciik Kiper Dïlämme 10:9

ni «Ïïni ki wäätï, kär nou bëëdö ni uuno mädhö ki køøŋ nyïïomøki wala køøŋø mo keec, kany wø cou yo oduŋkaany røømmø, kiper nou ba thøwu. Manøgø tïmö na ciik mo bëëdö na bäre bäre ki yïth beenhnhe mou,

Mathiew 24:45

«?Na a laŋŋø mane nø, ni wïïe leer mo maar ka ŋääth, ni cuumi kwääye bäät laaŋe mo wø tïïö bëët paare, nee cam marge nee wø mëëk ge kany wø näk ma kare?

Luk 12:42

Ni kö Kwäärö, na «?A laŋŋø mane nø, ni wïïe leer mo maar ka ŋääth, ŋat mo doo cuum kwääye bäät laaŋe bëët paare, nee caapge wø pääŋŋe jïge kany wø näk ma kare?

Epeca 5:18

Käru meeyø ki kwøŋ, kiper beeye wø käl bëëtö mo raac, 'ba cwïnynyu päŋge ki Jwïëc Jwøk,

Pilipay 1:1

Aana Pøøl ki Timöthi, wa na laak Krictø Jecu. Wa määtha uuni na jø Jwøk bëët ni en dëër Krictø yi Pilipay, ki jø wø raŋ acooŋ Jwøk, ki jø wø tïny acooŋa.

Tayta 1:5

'Ba gïna wiia ïïni Kariit kipere, beeye kiper nee gïïa näk ogwäyö dwøgï karge, ni kwänyï ki jaae kiper acook Jwøk yïth päänye bëët, kaawat mana caana gø jïrï,

Tayta 2:3

Ni köömmi cïdëëre nee bëëtge na enønø thuwø, ni bëëtö marge wøp, ni ba tïmge na dïwääc nyeŋŋi, wala owär ki kwøŋ. 'Ba ge doo pöö ka gïïa beyø,

1 Piter 4:10

Kaawat man bëëde ni ŋati man nø ojïtö ki muuy en, røgu wär køønynyu ki ge, ni uuna jø tïïc mo beyø, mo teeŋ gïï met ec mo thööth mo Jwøk owëëk uuni.

1 Piter 5:2

Gwøgu pïïth mar Jwøk ni en ceŋŋu, ni paa ni uuno maa ki teek, 'ba tïïyu ka met ec kaawat man wø many Jwøki; ni paa kiper nou jïtu ki jammi ree, 'ba beeye kiper mana cïbu cwïnynyu køøre bäre.

2 Piter 2:10

Ni kadha jø wø rïïŋi køør gïïa reyø ni wø nieŋ cwïnynyi køørge røk, ni wø taak teek Jwøk. 'Ba kiper na bäŋe gïn mo wøørge ni cwïnyge teek, ge ba lwäär ki man janyge moa jïge da ajiem maalø.