Tayta 1:2 - Wëël Jwøk

² kiper mana ŋääthge kwøw mana näk adïëri mo bäŋ cuŋŋe mana buuk Jwøki cøøn, eni na kuc tööt.

Tayta 1:2 Iomraidhean Croise

Aydheea 1:20

'ba ni näk mo u kweer ni gëëmu, u thöör opëëlle thöörö.» Luummögø caana Wuuö Jwøki ki dhee kiree.

Kwään Jiy 23:19

Jwøk ba caal dhaanhø ni wø cäänö ki tööt; ni eni ba caal o dhaanhø ni wø laar acaaye wiil. ?Gïna näk ee caanø, a ba dee gø tïïö nidïï? ?Ni gïn mo ee buuö, a ba dee gø tïïö nee thur kare nidïï?

Mathiew 25:34

Kanyøgø eni na nyeya oköö jï jøøa en bäät cwïïe, ni ‹Ööu, u na näk ogwïëth Wära, nee buya käl maal na näk ojiiŋŋø kiperu ki mana täge ki kanya cwääc piny yie ci jïïu.

Mathiew 25:46

«Kanyøgø jøøgø geno ci kar ajäla mo bäŋ cuŋŋe, ni ö jøøa marge beer ni cige kar kwøw mana näk adïëri na bäŋ cuŋŋe.»

Maak 10:17

'Ba kanya ö Jecu na tïŋ wääth mare, dhaanhø mør areŋ baŋe, ni këël cøŋŋe piny nyïm gø, ni pëëny gø, ni «Dïpööy mana beer, ?agïnaŋø noo tïïa, kiper nee kwøw mana näk adïëri mo bäŋ cuŋŋe jooda?»

Maak 10:30

eno mooc ki jammi mo thööth yi pinyi ennø, ni kaala moa dïkwøŋ, teeŋ ka uudi, ki nyïïmëëe, ki mëëe, ko obwöre, ki pwöth, këël ki caannø thuwø. 'Ba piny mano ööi beeye kwøw mana näk adïëri na bäŋ cuŋŋe.

Jøøn 10:28

Ni cïpa jïge ki kwøw mana näk adïëri mo bäŋ cuŋŋe. 'Ba ge ba doo maara ränynyö, ni bäŋ ŋat mo doo gwëën ge wøk cera.

Jøøn 17:2

kaa mana wëëgï gø teek bäät jiy bëët, kiper nee cïpe ki kwøw mana näk adïëri mo bäŋ cuŋŋe jï moa cïpï jïre bëët.

Jøøn 17:24

Awuuö, a manynya geni thuwø, ge na cïpï jïra, nee bëëtge ki aani na aciel kanyo ena yie, na ajiem mana cïpï jïra nee neenge, kaawat mana mëërï ki aani, ki mana täge ni piny poot kär caa.

Jøøn 5:39

U wø määnyö yïth weet Jwøk, kiper you caarø ni yïth luupögø beeye noo jootu kwøw mana näk adïëri mo bäŋ cuŋŋe. Ni beege geni ni wø køp gïra.

Jøøn 6:54

Ŋat wø cam dëëra ni maath remma, ree da kwøw mana näk adïëri mo bäŋ cuŋŋe, ni eno tïŋa maal yi cäŋo cuŋ pinynyi yie.

Jøøn 6:68

Ni løgi ya Cayman Piterri jïre, «?Wui Kwäärö, waano ciwa baŋ ŋa? Luum kwøw mana näk adïëri na näk bäŋ cuŋŋe ena baŋï.

Moa Tïïc Nyïïatwieli 15:18

Luupögø caana Wuuö Jwøki, ŋata døøc jammi bëët mo ŋäc cøøn.›

Wëëlö Mana Göör Pøølli Baŋ Jø Röm 1:2

luumma kwøŋ buuk ki dhøk nyïïkuk moe yïth weet Jwøk na en kur keerge.

Wëëlö Mana Göör Pøølli Baŋ Jø Röm 16:25

Pwøc en jï ŋat wø løny jïre ki man wëëk u tëënnö ki køør luumma nyään na met ni wø køba, ni beeye luum Jecu Krictø, kaawat mana nyooth ri gïna näk tiere okwøŋ kan ki kany mo bäär,

Wëëlö Mana Göör Pøølli Baŋ Jø Röm 2:7

Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.

Wëëlö Mana Göör Pøølli Baŋ Jø Röm 5:2

Ni beeye ki køøre na jïtø ki karø ri met ec man ni cuŋŋø ree en, ni kanynyø kiper mana ŋäädhø noo nywaaø ajiem mar Jwøk.

Wëëlö Mana Göör Pøølli Baŋ Jø Röm 5:21

kiper nee met yi Jwøk tïme ni dwøŋŋa eni ki køør bëënynyö mano cööp ri kwøw mana näk adïëri mo bäŋ cuŋŋe ki køør Jecu Krictø na näk Kwääyø, kaawat mana ö raayi na dïïm jiy dïkwøŋ na känne ki thøø.

Wëëlö Mana Göör Pøølli Baŋ Jø Röm 5:4

ni ö tëënnö ni käl bëëtö mo beer, ni ö bëëtö mo beer ni käl ŋäädhe.

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

Köløcia 1:27

'Ba gïna nyooth Jwøki jïge ki met yie, beeye ni moa beyø døc na näk rege da ajiem, na en ri luumma näk tiere okwøŋ kan, awëëk pällö dï juurre; ni luummögø beeye ni Krictø ena cwïnynyu, ŋata näk gïïa beyø na en nyïm ŋääth ka ree.

1 Thecalönika 2:15

ni beege jøøa 'näk Kwäärö ma Jecu ge ki nyïïkuk Jwøk bëët, na riem waani wøk. Geni, ge wø raanynya cwïny Jwøk, ni tïmge ni ge män ki jiy bëët,

1 Thecalönika 5:8

'Ba kiper mana näk mo øøna wäät dïcäŋ, beerra man gwøø dëëtø, ni kïthø kwöt nywïënyö mar ŋäädhe ki mëër kööthø, ni ö pïëmmi mana piem øøni ki gø ni wø ŋäädhø ni kïthø gø wïthø kaamar cöör nywïënyö.

1 Timöthi 6:12

Këël leny ŋäädhe ki leny ma wøp. Ni magï kwøw mana näk adïëri mo bäŋ cuŋŋe na cwøl ïïni kipere, kanya køpï luubö marï na wøp nyïm jøøa thööth na wïny gø.

1 Timöthi 6:19

'Ba kanyo tïïcge gïïögø ge këëlla tietge piny na wøp kiper yi nyïm, kiper nee un kwøw mana näk adïëri makge.

2 Timöthi 1:1

Aana Pøøl na nyïïatwiel mar Krictø Jecu ki køør mana many Jwøki kiper kwøw mana buue ni di cïbö ni en ri Krictø Jecu.

2 Timöthi 1:9

eni na piem øøni, na cwøl øøni ki cwönna en kur keere, ni paa kiper tïïe 'moø moa tïïø, 'ba beeye ki køør met ec mare ki mana manynye e keere, ni beeye met yie mana cïbe jïïø cøøn ki ri Krictø Jecu ni piny poot käre cwääö,

2 Timöthi 2:10

Kiper manøgønø, cwïnya yaa maa ki yïth jammi bëët kiper jø Jwøk, nee pïëm man piem geni ki gø na en ri Krictø Jecu jootge thuwø, ni beeye pïëm man wø cäädhi ka ajiema näk adïëri na näk bäŋ cuŋŋe.

2 Timöthi 2:13

'Ba ni näk jïïø bäŋ ŋäädhe, eni mare poot na adïëri. Kiper eni ree ba maar mooŋ.

2 Timöthi 2:15

Put dëërï mak døøc niï ciï nyïm Jwøk ni ïïna ŋat mo ee jïëö, na ŋat tïïc mo wïïe ba lääy, ni luum adïëri iï gwøø døøc na wøp.

Tayta 2:13

kany poodø ni ø koora kanyo gwïëth øøni na ŋäädhø, noo nëën ajiem Jwøø na dwøŋ, ni beeye Pïëmi ma Jecu Krictø,

Tayta 2:7

Ni nyoothï riï ki yïth jammi bëët, nee bëëtö mana beer kwanyge ki køørï. 'Ba kany wø pööï, pööï ki dwøl aciel, na pwöc mo bäŋ tuuk ree,

Tayta 3:7

kiper nee ø ŋunni ki met yie, nee ø tïmø ni øøna lwiidhi ri ŋäädhe mar kwøw mana näk adïëri mo bäŋ cuŋŋe.

1 Jøøn 2:25

'Ba gïna buue jïïø beeye kwøw mana näk adïëri mo bäŋ cuŋŋe.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

Juut 1:21

Ni bëënnu mëëc Jwøk, nou koora køny mar Kwääyø ma Jecu Krictø mano cööp ri kwøw mana näk adïëri mo bäŋ cuŋŋe.

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 17:8

Läänögø na jootï enø, nut dïkwøŋ cøøn, ni tøør ennø, ni eni ööa wøk ki yi buura näk bäye bäŋ cuŋŋe ni cøøa kar ränynyö. 'Ba jø wø bëëdö bäät piny na näk nyeŋge kär göörö yi wëël kwøw ki kanya täk pinynyi, yïthge othäŋŋi noo neenge Läänögø, kiper na nude dïkwøŋ cøøn, ni tøør ennø, 'ba eni poot öö.

1 Camiel 15:29

'Ba Jwø Icriel ni wø bëëdö ni dwøre ba dak ba cäänö ki tööt, na acaara mare ba wiile; kiper eni ba caal dhaanhø na acaara mare di wiilø.»