Tayta 1:11 - Wëël Jwøk

¹¹ Män geni nee lïŋge, kiper ge kiera wïth tuŋi møga karge bëët, kiper mana pööge ki pwöc mana ba dege pöö ki gø. 'Ba pwöc marge bee kiper nee ge jïtge ki gwel ki jöö mo patha kare.

Tayta 1:11 Iomraidhean Croise

Jeremaya 8:10

Kiper manøgønø, määrge omëëga jø møøk, ni cïba pwöth moge jï jøw oööi noo mac paac. Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø cwïnye atïmö ni päl ki jammi mo wø joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Edhikiel 13:19

Uuni, aana päätu yïthakic jiya kiper beek wø cwøl ni gäbci mo ena yi thäny cenø ki thääŋ kwön. Ki køør mana cäänu ki luup tööt jï jiya mo wø cek ïthge ki jap tööt, jiy moa ba doo rømø ki thøø anägu, ni ö jiyi moa ba doo rømø ki man bëëtge ni kwøw ni wëëgu ge kwøw.› »

Edhikiel 16:63

Køøre nø, noo wëënna ïïni ki japa reyø bëët na tïïyï, wïïï oparï ni lää wïïï, ni ba japï dhiï këët kiper lään wïc marï.› » Luummögø caana Kwäärö Wuuö Jwøki.

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Mikiya 3:5

'Ba man beeye mana caan Wuuö Jwøki kiper nyïïkuk Jwøk mo wø køp luup ki wïthge, ni wø bwøth jiya nee gaage wøk, ena köö, ni «Kany wø näk da jiy mo tiet lakge di lëëŋŋö ki gïn mo nyamge, ge wø puta tïmö ni ge køpa luum bëët-mëër jïge. 'Ba ni näk da jiy mo dhøkge kär mooø ki cam, ge wø puta tïmö ni ge køpa luum leny jïge.

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Luk 20:40

Kiper gena tïmö ni cwïnyge ba maarge mak këët ki man pëënyge gø ki pïëc.

Jøøn 10:12

'Ba ŋat mo tïïö ka jammi ni paa dïkwääy ni dïëk paa moe, kany wø joot kwac ni öö, dïëk wø wiie wiiø ni reeŋe. Ni ö kwaci ni maaŋ dïëk ni keeth geni.

Wëëlö Mana Göör Pøølli Baŋ Jø Röm 3:19

'Ba ŋääø ni gïn mo ocaan ciik Jwøki wø cäänna jøøa bëën ciik Jwøk, kiper nee bäŋe dhaanhø mo jaal dhee këët, nee jø piny bäre ba maarge köö ni mana many Jwøki kucge.

2 Körin 11:10

'Ba kaawat man bëët adïëri mar Krictø cwïnya en, atöör man na mara en ba mäni ki man wïnye yïth mïëc Akeea.

1 Timöthi 5:13

'Ba ki køør bëëtö manøgø thuwø, ge kwänynyö ki bëëtö jaak, ni tïmge ni ge wïïrö jaak ni ge cøøa paani nø, ni cige paani nø. Ni paa bëëtö jaak keere, 'ba ge tïmö ni gena dïwääc nyeŋŋi, ni ge cøøa yïth luup jø møøk, ni ge cara gïï mo ba mïërö ki man carge ge.

1 Timöthi 5:4

'Ba ni näk cï thøø jïre da obwöre wala nyïïkwaaye, beerra man kwanyge tïïc mana dege tïïö jï tuuŋge dïkwøŋ ki køør bëët jöör Jwøk, ni kønyge jøøa nywøl ge. Kiper gïnögø beeye gïn mo beer nyïm Jwøk.

1 Timöthi 6:5

ki pïëm mo ba cuŋ dï jiy moa wïthge reyø, jø wø kuy adïëri, ni wø caar gø ni bëët jöör Jwøk beeye jöö man joot jammi ki køøre.

2 Timöthi 2:18

jøøa gaa wøk ra adïëri, kiper mana caange gø ni duun wøk ki yi thøø anø tägö, ni raanyge ŋäädhe mar jø møøk.

2 Timöthi 3:6

'Ba dïge da jiy mo wø duunyö yïth mïëri, ni maaŋge wïth mään mo cwïnyge cwøk, na näk cwïnyge opäŋ ki raay, ni wïthge onoot gïïa reyø ni wø many cwïnyge,

Tayta 1:7

'Ba ŋat wø raŋ acooŋ Jwøk, kiper mana tïme na ŋat wø tïny Jwøk, doo bäŋ ajäla ri bëëtö mare, ni paa ŋat mo koorrø, wala ŋat mo cwïnye laara ränynyö ni wëëre, wala ŋat meeye, wala wïnni, wala ŋat mo cwïnye päl kiper gïn joode.

Tayta 1:9

Ni eni doo maga luumma näk adïëri keda mana pwönynyi ki gø, kiper nee tïme ni maara pöö ki pwöc ma adïëri, ni pïëme ki jø wø taak pwöc moe thuwø.

Tayta 3:10

'Ba ni näk da ŋat mo tïïya apääk, noo köömmï gø yie aciel wala ariiø ni luummï ba wïnynye, wär kwierï nø, ni ba dwätï ki gø këët.