Tayta 1:10 - Wëël Jwøk

¹⁰ Kiper da jiy mo thööth mo wïthge teek, mo wø cara oballe, na jø cwøk, ni käätha jøø no odaŋø røk yøø.

Tayta 1:10 Iomraidhean Croise

Moa Tïïc Nyïïatwieli 11:2

'Ba køøre na døø Piterri Jerucalem ena jääl jøøa näk odaŋø.

Moa Tïïc Nyïïatwieli 15:1

'Ba da jø møøk mo oöö ki yi Judia, ni ge pwönynya nyïïmëëe, ni köge, ni «Ni näk mou ba daŋ ki køør kööŋŋö mana caan Modhe, u ba doo mara piem.»

Moa Tïïc Nyïïatwieli 15:24

«Awïnywa ni da jø møøk dëëtwa mou ege öölö ni ge kiera wïthu, këël na kärwa geni luummö.

Moa Tïïc Nyïïatwieli 20:29

Kiper ŋääa, ni køøra noo aaa, orude mo reyø døc ööa dïïu ni ba wecge pïïth.

Galeecia 2:4

'Ba luummögø täga baŋ nyïïmëëe moa näk patha adïëri na duny ya acooŋa ki waŋjöö mør mo kuc, ni ge raŋa pät marwa na en ri Krictø Jecu, nee wa cäŋge dwøk yi twöc.

Galeecia 3:1

Wui, u na jø Galeecia ni bäŋ wïdhi en! ?Aŋa na maaŋ wïthu, u na Jecu Krictø anyooth nyïmmu bëët ni eno gur bäät jaadha no odëëdö?

Epeca 4:14

kiper nee ø ba bëëdø kaamar obwöre këët ni wø wïïri køør pwöc ma teeŋi ki køør reek nyeŋ jiy ni wø maaŋ wïth jiy ki cwøkge.

1 Timöthi 1:4

ni ba öölge dëëtge ki leere, ki luup tiet tuŋi mo kwäre moge, ni wø känni ki pïëm mo bäŋ tiere, ni wø ba pwöny dhaanhø ki jöör Jwøk na en ri ŋäädhe.

1 Timöthi 1:6

'Ba jø møøk gïïögø awecge ni gaage wøk køør luup mo oballe jaak.

1 Timöthi 1:9

Ni ŋääø ni ciik Jwøk bäŋ wø caan kaper jøøa beyø, 'ba wø caan kaper jø wø wïnni na wïthge teek, ki jø wø kuc Jwøk, ki jø raay, ki jø wø bäŋ gïn wøørge ni wø taak mo Jwøk, ki jø wø nääŋ wëëkge ki mëëkge, ki jø wø nääŋ jiy jaak.

2 Timöthi 3:13

'Ba jøøa reyø, ki jø wø cwöö, rääö marge otïmö no okadhø døc, ni gena jø cwøk ni ge cøøga rege.

2 Timöthi 4:4

'Ba ge kweer ki man wïnyge adïëri, ni tïmge ni ge wïïra jöör leer.

Tayta 1:6

na jiy mo bäŋ ajäla ri bëëtö marge, mo määrge oceele, na jiy mo nyïïge ojïëy ni ŋääthge, ni paa jiy mo di køø, ni räänyö ki japge, wala wïthge teek.

Jeemeth 1:26

'Ba ni näk da ŋat mo dëëre ee caarø ni ena ŋat Jwøk, ni leebe käre gwøø, eni cøøga ree keere, ni lam mare bäŋ tiere.

1 Jøøn 2:18

Obwöre, man a aŋuun caa. 'Ba keda mana wïnynyu gø ni nyimän Krictø öö, kawaane jiy mo thööth mo män ki Krictø aöö. Kiper manøgønø, ŋääø nø, ni man beeye aŋuun caa.

1 Jøøn 2:4

'Ba ŋat wø köö, ni «Eni ŋääa,» ni bëëdö ni dhala gïïa ceme, ena dïtwöt, na adïëri ba en cwïnye.

1 Jøøn 4:1

Omëëya, kär jwïëy jïëyu bëët. 'Ba päänynyu jwïëy nee neennu nee gena mo Jwøk. Kiper nyïïkuk Jwøk mo thööth mo patha adïëri okeethø dï piny.

Mana Nyooth 2:14

«'Ba jïra da luup møøk mo ï yaa jäälö ki ge. Kiper jïrï da jø møøk kaagø mo ojïëy ki pwöc Beelam, ŋata pwöny Beelak ki jöö man wëëk wäät Icriel cwany tietge ki gø, nee ge cämge ki caammi mo wø 'näk jï juu, ni bëëtge ki bëët käp.

Mana Nyooth 2:6

'Ba gïn ni poot beer jïrï en, beeye kiper mana mänï ki tïïe mo jø Niköölac, na mäna ki ge thuwø.