Ruuth 4:9 - Wëël Jwøk

⁹ Køøre Böeeth aköö jï jø døøŋŋø ki jï jiy bëët, «Dïcäŋi u tïmö ni uuna jiy mo ŋäc luummi en; gïïa en jï Elimëlëk bëët ki gïïa en jï Këliwön ki Malön bëët oŋeea baŋ Naømi.

Ruuth 4:9 Iomraidhean Croise

Wïlöölö 23:11

ni «Kwäärö, beerra man wïnynyï mara; pwödhö manøgø ki kään kïdi mana en yie acïba jïrï bëët. Acïba jïrï møn nyïm jø powa bëët; kan dëër dhaanhø mana näk othøw yie.»

Ruuth 1:2

'Ba nyeŋ nyenøgø beeye Elimëlëk, ni nyeŋ dhaagø mare beeye Naømi; 'ba nyeŋ wääte na näk ariiø beege Malön ki Këliwön. Ni gena jø paac mo cwøl ni Eeparata, ni beeye Bethelem mana en yi ŋööm Juuda. Ni cige po jø Möap ni bëëtge kaace.

Ruuth 4:10

Këël Ruuth thuwø, nyijø Möap, cï Malön na no othøw, okäla nee tïme na cïïa, nee Malön jïte ki lwiidhø mo dööŋ ŋöömmögø jïre, nee nyeŋŋe ba rwäänye dï tuuŋge wala dï jø poge; dïcäŋi u tïmö ni uuna jiy mo ŋäc luummi en.»

Ruuth 4:8

Køøre ŋata doo dööŋ ki Ruuth aköö jï Böeeth, ni «Ŋeew ŋöömmögø nee tïme na marï.» Ni put warø mare gööny wøk.