Ruuth 4:11 - Wëël Jwøk

¹¹ Køøre jøøa en dhi kiir kar acooŋa bëët ki jø døøŋŋø aköö, ni «Wa tïmö ni waana jiy mo ŋäc luummögø møn. Beerra man ö Wuuö Jwøki ni tïïc dhaagø mano ö paarï enø ni caala Reecal ki Liia, mään moa na ariiø na nyaac dhi øt Icrielli ki rege. Ïïno tïmö na dhaanhø mo okwär, ni wïny nyeŋŋï yi Eeparata na näk Bethelem.

Ruuth 4:11 Iomraidhean Croise

Wïlöölö 23:10

Kar kanyøgø Ëprön nutö dï jø poge ma jø Këth; ni ö Ëprönni nyï Këth ni dwøk gø jï Eeberam ni wïnyö jï jø Këth bëët, ni beege jøøa näk öö kar acooŋa mar pääny poge, ni kööe,

Wïlöölö 24:60

Ni gwïëthge nyige ma Rebëëka, ni köge, «Nya nyiwa, ïïno tïmö na mii jiyi ma kum kum, ni ö nyïïkwaayï ni maanyge mïëc nyïïmän moge.»

Wïlöölö 29:16

'Ba Leeban da nyïïe ariiø; ni nyeŋ mana dwøŋ beeye Liia, ni ö nyeŋ mana thiinhnhi ni näk Reecal.

Wïlöölö 29:25

'Ba na tïme na amöölla, ajoot Jeekapi ni beeye Liia. Ni kööe jï Leeban, na «?Agïnaŋø na tïïyï dëëra en? ?Aŋø, paa Reecal na tïnynya ïïni kipere na bëëde? ?Aperŋø nø na nøønï aani en?»

Wïlöölö 29:32

Ni ö Liia ni jït yie ki dhaanhø, ni lwaare ki gø na dïcwøø, ni cak nyeŋ gø ni Ruben, kiper mana kööe, ni «Wuuö Jwøk can mara ajoode, 'ba ki mano täge ennø, cwøra otïmö ni mëër ki aani.»

Wïlöölö 35:23

Wääte moa nywøle ki Liia beege Ruben na näk kany Jeekap, køøre ki Cimien ki Libay ki Juuda ki Icakar ki Dhebulan;

Wïlöölö 35:24

ni wääte moa nywøle ki Reecal beege Jocep ki Benjamen;

1 Nyeye 21:8

Køøre nyijøøgø agöödö ki weeli ki nyeŋ Akap, ni gøø ŋïï mar nyeya bäätge, ni jääŋ geni baŋ jø døøŋŋø ki kwääri mo wø bëëdö pääny na aciel ki Naböth.

1 Luup Nyeye 2:51

ki Calma wää Bethelem, ka Arëp wää Bëëth-Gader.

Pwöc Leec Wïc 14:1

Dhaagø mo wïïe leer paare wø këëlle piny, 'ba dhaagø mo wïïe känni paare wø di raanynyø ki cere.

Pwöc Leec Wïc 31:23

Eni, cwøre bëëdö ni ŋäc ki kar acooŋa, kany wø bëëde ni eno pï piny dï jø døøk paac.

Jeremaya 32:10

'Ba nyeŋŋa agööra yi wëëlö tier luubö mana jïëcwa bääte, ni mwöna gø ni jøøa cwøla nutö, ni cïba gwel bäät rumi ni røma geni.

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Mathiew 2:6

«ni ‹Ï na Bethelem ni en yi ŋööm Juuda, karï ba thiinh dï mïëc Juuda, kiper bee ïïni noo ö dïbwödhi ki riï, ŋato gwøk jiya ma jø Icriel.› »

Tiet Ciik 25:7

'Ba ni näk mo ŋatøgø ba many man dööŋe ki cï coki, cï coki doo cøøa dhi kiir kar acooŋa baŋ jø døøŋŋø, ni kööe, ni ‹Cöök cwøra akweer ki man tïïc nyeŋ coki nee bëëde ni di cwølø dï Icriel. Ena kweer ki aani, ki man caath køør kööŋŋö man wø dööŋ dhaanhe ki cï mädhö.›

Tiet Ciik 25:9

cï coki doo ööa baŋ gø nyïm jø døøŋŋø, ni käl warø wøk tier jwöre, ni ŋuut täärnyïm gø ki laaw. Køøre dhaaŋŋøgø mare dee caanø, ni kööe, ni ‹Man beeye teeŋ gïno tïïc dëër ŋat mo wï po coki ba geere.›

Ruuth 1:2

'Ba nyeŋ nyenøgø beeye Elimëlëk, ni nyeŋ dhaagø mare beeye Naømi; 'ba nyeŋ wääte na näk ariiø beege Malön ki Këliwön. Ni gena jø paac mo cwøl ni Eeparata, ni beeye Bethelem mana en yi ŋööm Juuda. Ni cige po jø Möap ni bëëtge kaace.