Ruuth 4:10 - Wëël Jwøk

¹⁰ Këël Ruuth thuwø, nyijø Möap, cï Malön na no othøw, okäla nee tïme na cïïa, nee Malön jïte ki lwiidhø mo dööŋ ŋöömmögø jïre, nee nyeŋŋe ba rwäänye dï tuuŋge wala dï jø poge; dïcäŋi u tïmö ni uuna jiy mo ŋäc luummi en.»

Ruuth 4:10 Iomraidhean Croise

Wïlöölö 29:27

Thöör jwøk mar nywöm man turu nø, køøre nyiwa maya ocïpwa jïrï thuwø, køøre nø ï cäŋa tïïö jïra ki cwiiri abïriiø møøk.»

Wïlöölö 38:9

'Ba na neeni ya Önanni no obwöre moo nywøle paa moe, ena ci baŋ cï mädhi ni käre kööthe wiiø ki man cige dëër gø, 'ba cøøa piny jaak, kiper nee ba jïte ki nyilaal jï coki.

Pwöc Leec Wïc 18:22

Ŋat wø nyöömmi ki dhaagø, wø joota gïn mo beer, ni jïte ki met ec baŋ Wuuö Jwøk.

Pwöc Leec Wïc 19:14

Paac ki jap kwärö wø joot dhaanhe baŋ wänni, 'ba dhaagø mo wïïe da acaara wø cïpa Wuuö Jwøki.

Aydheea 48:19

Jø oööi ki rou kwäänge doo tïmö ni thööth kaamar akwöny deŋ naama dwøŋ, ni tïm kwään nyïïkwaayu ni thööth kaamar nyeŋ akwöö. Nyeŋge ba doo kïï wøk, ni ge ba doo raanynyø nyïma.»

Odheea 12:12

Kwarø ma Jeekap apäär wøk ni ci yi ŋööm jø Aram. 'Ba eni na Icriel nee nyöömme ki dhaagø, ena tïïc ni kwaaya dïëk na kar gwel moa dee køølø.

Odheea 3:2

Kanyøgø nyaanøgø aputa wïïl wøk ki gwet-bïrö ma apaar kurbïïc mo røm ka rumi man wø cwøl ni cekel, ki beel mo wø cwøl ni gäbci mo røm ka rumi man wø cwøl ni kömer mo yie aciel ki thääŋö.

Dhekaraya 13:2

Wuuö Jwøk, eni na wïth jammi bëët, aköö, ni «Dïcäŋöca, juu moa näk patha adïëri raanynya raanynyø yi ŋöömö ni tïme ni wïc ba par ki nyeŋge këët. Ge raanynya raanynyø ge bëët ki nyïïkuk Jwøk moa näk patha adïëri ki jwïëc juuga reyø na näk ba waany.

Milkiya 2:14

Ni pëëu ni kööu, na «?Aperŋø na ba jïëc geni?» 'Ba beeye kiper Wuuö Jwøk bëëdö ni neeta luum nywöm mana tuutu yïthakiyu ki cïïï mana nywømï ni ïïna wøp; 'ba ïïna tïïö ka atade dëëre, këël na bëëde ni uuna dëël aciel ki gø ni näk cïïï na tuutu luum nywöm ki gø.

Epeca 5:25

U na cwøw, mëërru ki määru kaamar Krictø na mëër ka acooŋ Jwøk ni cïp dëëre kiper gø,

Tiet Ciik 25:6

Køøre nyilaal mano nywøl dhaaŋŋøgø dïkwøŋ, nyeŋ gø doo gööra ri nyeŋ wänni mana thøw, kiper nee nyeŋ wänni ba rwäänye dï Icriel.

Ibaru 13:4

Beerra man tïm nywömmi na gïn mo owøørø jï jiy bëët, ni ba wëëk kar joot dëël mar nywöm ränynyö. Kiper kääpe ki jø lugi, marge oŋøl Jwøki wøk.

Jøcua 7:9

Kiper gïnögø wïny jø Keenanni wïnynyö, këël jøøa bëëdö yi ŋöömmögø bëët, ni öge ni rumge wa dïër ni putge wïthwa dïïr na bäre. ?'Ba ennø, agïnaŋø noo tïïyï, nee nyeŋŋï bëëde ni poot wïnyö?»

Ruuth 4:9

Køøre Böeeth aköö jï jø døøŋŋø ki jï jiy bëët, «Dïcäŋi u tïmö ni uuna jiy mo ŋäc luummi en; gïïa en jï Elimëlëk bëët ki gïïa en jï Këliwön ki Malön bëët oŋeea baŋ Naømi.