Ruuth 3:10 - Wëël Jwøk

¹⁰ 'Ba Böeeth aköö, «Nya nyaara, ïïno gwïëth Wuuö Jwøki; gïna tïïyï cään en na døøyï yia mo met, kaala bäth ec mana nyoothï dïkwøŋ, kiper mana kärï cäädhö køør jaga näk tïëŋu moa can wala moa näk kwääri.

Ruuth 3:10 Iomraidhean Croise

Wïlöölö 24:31

Ni kö Leeban, ni «Ööï, ø aa paayø, ïïni no ogwïëth Wuuö Jwøki en. ?Aŋø ni cuŋŋï wøk en? Aani øtø yaa nø jiiŋŋø jïrï, këël kar athïrööle thuwø yaa nø jiiŋŋø.»

Ruuth 1:8

Ni ö Naømi ni cään määr wääte karge riet, ni kööe, «Cou, ni ö ŋati man nø ni døø po menni. Beerra man ö Wuuö Jwøki ni nyooth bäth ec mare jïïu, kaawat mana nyoothu bäth ec jïra ki wääta na thøw.

Ruuth 2:11

'Ba aløk Böeethi jïgø ni kööe, ni «Gïïa tïïyï bëët jï mii cwørï køør thøw cwørï, këël mana weyï wäru ki meru ki pou kanya nywøl ï yie, ni ööï baŋ jøw mo poot kuyï dïkwøŋ anø caan jïra bëët.

Ruuth 2:20

Ni kö Naømi jï cï nyaare, ni «Ŋatøgø ogwïëth Wuuö Jwøki na näk mëëye käre paanyø bäätø, ø na kwøw, ki bäät cwøra ki wääta na näk onø thøø.» Ni cäŋ Naømi köö jï Ruuth, ni «Ŋatøgø beeye ŋat paara døc, ni ena tuuŋ ki cwøra.»

Ruuth 2:4

Kar kanyøgønø, Böeeth aöö ki Bethelem, ni määth jø kac ni kööe, ni «Met ec mar Wuuö Jwøk bëëde ki uuni.» Ni løkge gø, ni «Gwïëth mar Wuuö Jwøk bëëde ki ïïni.»

Ruuth 3:9

Ni kööe, «?Ïïna ŋa?» 'Ba aløk Ruuthi, ni «Aana ŋat tïïc marï ma Ruuth. Rïëp abïïnï bääta, kiper ïïna ŋata daa dööŋ ki gø.»

1 Camiel 15:13

'Ba kanya pïïc Camielli baŋ Cøøl, Cøøl Camiel amäädhe ni kööe jïgø, ni «Ïïno gwïëth Wuuö Jwøki. Aani, ciik Wuuö Jwøk akïtha bäät tïïc.»