Ruuth 2:7 - Wëël Jwøk

⁷ Ena köö, na ‹A kwaya ïïni naa cøøa kun kwänynya ki wïth beel køør jø kac.› 'Ba eni ööi ka aruunnø cøøn, ni put tïïc këël kawaane ennø, ni poot na pïïnne piny tier abïla ennø.»

Ruuth 2:7 Iomraidhean Croise

Pwöc Leec Wïc 13:4

Ŋat leth dëël gïï wø pare ni wø en cwïnye køørge ba joode, 'ba ŋat mo rweenhnhi ri tïïc bëëtö mare bëënynyö.

Pwöc Leec Wïc 15:33

Ki man lwäär Wuuö Jwøk duunnö ki pwöc leec wïc, ni dhaanhø mo mwöl jïtö ki wödö.

Pwöc Leec Wïc 18:23

Ŋat mo can wø cäänö ni kwaaya ree, 'ba ŋat mo okwär wø dwugö ni teek.

Pwöc Leec Wïc 22:29

?Dhaanhø mo rëëm tïïc ajootï? Eni wø bëëdö ni tïnynya nyeye, ni eni jiy jaak ba tïnynye.

Luup Dïpööy 9:10

Gïn wäro magï ki cerï ki man tïïyï gø put tïïc ki cwïnyï bäre; kiper bäŋ acaare, wala kwänynyö wala leec wïc ki tïïc mo di tïïö këët kar bëët jwïëc jøøa no othøw noo ciï yie.

Mathiew 5:3

«Gwïëth en bäät jø wø ŋäc can marge nyïm Jwøk, kiper buya käl maal beeye marge.

Wëëlö Mana Göör Pøølli Baŋ Jø Röm 12:11

Käru jøøm ki tïïu, 'ba bëëdu nou tïnynya Wuuö ni täärnyïmmu leer ki Jwïëc Jwøk ni en cwïnynyu.

Galeecia 6:9

Beerra man ba jøømø ki tïï gïïa beyø. Kiper øøno kää kanyo näk ma kare, ni näk mo bäätø ba wëëgø pädhö.

Epeca 5:21

Bëënnu røgu kiper mana lwäärru Krictø.

Ruuth 2:2

'Ba Ruuth nyi jø Möap aköö jï Naømi, na «A kwaya ïïni naa cøøa dï pwöth, naa kwänya ki wïth beel moa no odööŋ piny yi pwöth ŋato yie met ki aani.» Ni løk gø jïgø, ni «Ciï nø, cï nyaara.»

Ruuth 2:21

Ni ö Ruuthi nyijø Möap ni kööe, ni «Gïn mør acaane jïra thuwø; ena köö, ni ‹Ï doo bëëdö na aciel ki jø tïïc 'moa, këël mano thum beelli 'moa ki kac bëët.› »

Ruuth 2:6

Ni løgi ya ŋata näk wïth jø kac beel jïre, ni «Beeye nyijø Möap, na öö ki Naømi kanya duue ki Möap.

Ruuth 2:8

Køøre Böeeth aköö jï Ruuth, «Nya nyaara, wïnynyï; kär pwödhö man weyï ni ciï baŋ kwany yi pwödhö mør; 'ba bëëdu na aciel kany ki mään moi na jø tïïc 'moa ii.