Ruuth 2:11 - Wëël Jwøk

¹¹ 'Ba aløk Böeethi jïgø ni kööe, ni «Gïïa tïïyï bëët jï mii cwørï køør thøw cwørï, këël mana weyï wäru ki meru ki pou kanya nywøl ï yie, ni ööï baŋ jøw mo poot kuyï dïkwøŋ anø caan jïra bëët.

Ruuth 2:11 Iomraidhean Croise

2 Camiel 21:11

'Ba gïna tïïc cï Cøølli ma Ricpa nyi Aya, acaan jï Deebit.

Luk 14:33

Kiper manøgø nø, ŋato wäro en dïïu noo ba taak japa en jïre bëët, ba maar tïmö na bääŋa.

Luk 5:11

'Ba na nø kälge jïëthe moge ya ageela, jammi bëët awiige piny ni caathge køør Jecu.

Luk 5:23

?A mane ni jööta eni na doo caanø, ki man købi ni ‹Raayï awec›, wala ki man caani, ni ‹Ö maal, ni cäädhï›?

Ruuth 1:11

'Ba Naømi aköö, «Nyie määr nyïïa, aayu nø. ?Aŋø ni manynyu wääth ki aani en? ?A poot nyöötö ki wääta møøk këët, mo tïmö na cwøwu?

Ruuth 2:10

Køøre Ruuth cøŋŋe akëël piny ni kuul wïïe piny, ni kööe jï Böeeth, na «?Agïnaŋø na tïïc yiï ni met ki aani, ni cädï kipera en, ni ŋäyï ni aana dhaanhø ma jur mo path?»

Ruuth 2:12

'Ba Wuuö Jwøk ïïno cunne kiper gïna tïïyï; ni ö eni na Wuuö Jwøk na näk Jwø Icriel, Jwøa ööï baŋe na kanï riï buute, ni mooc ïïni ki gïn mo beer.»

Ruuth 3:10

'Ba Böeeth aköö, «Nya nyaara, ïïno gwïëth Wuuö Jwøki; gïna tïïyï cään en na døøyï yia mo met, kaala bäth ec mana nyoothï dïkwøŋ, kiper mana kärï cäädhö køør jaga näk tïëŋu moa can wala moa näk kwääri.

Ruuth 4:15

Eno tïmö na ŋato kwøw ïïni, na ŋato køny ïïni kanyo døøŋŋï; kiper ŋata nywøl gø beeye cï nyaarï na mëër ki ïïni, dhaaŋŋa pere letha eni jïrï ki wäätï abïriiø moa diï nywølø.»