Ruuth 2:10 - Wëël Jwøk

¹⁰ Køøre Ruuth cøŋŋe akëël piny ni kuul wïïe piny, ni kööe jï Böeeth, na «?Agïnaŋø na tïïc yiï ni met ki aani, ni cädï kipera en, ni ŋäyï ni aana dhaanhø ma jur mo path?»

Ruuth 2:10 Iomraidhean Croise

Wïlöölö 18:2

'Ba kanya ö Eeberammi na tïŋ wïïe maal ni lwïthe nyïme, jiy adäk ajoode ni cuŋŋö ni dïët ki eni. 'Ba na joot geni, ena pär maal ki dho oduŋkaara na bëëde yie ni reŋ baŋge nee røømme ki geni. Kanyøgø cøŋŋe akëël piny nyïmge,

2 Camiel 19:28

Wui nyeya, jø dhi øt wära bëët doo na rømi ka thøø nyïmï; 'ba aani, a na dhaanhnhï, aana tïïyï naa tïma naa ena røk jø wø cämö ki ïïni na aciel. ?Agïnaŋø noo dööŋ këët nø, noo cäŋa köö ni yiï cwaada cwaadø ki gø?»

2 Camiel 7:18

Køøre nyeya ma Deebit aci kar lam ni pï piny nyïm Wuuö Jwøk ni läme ni kööe, «?Wui Kwäärö Wuuö Jwøk, aana ŋa? ?A dhi øtø mara thuwø, nyïëdi, ni tïïyï gïïögø bëët yøø kipera?

2 Camiel 9:8

Kanyøgønø, Mepiböcëth cøŋŋe acäŋ këël piny ni kuul wïïe piny ni kööe, «?Wui nyeya, a na dhaanhnhï, a ba caal gwök mo othøw? ?A mëër man ni dwøŋ bäre en, orømø ki man nyoothï gø jïra?»

Ciik Kiper Dïlämme 19:34

Wëëllö mo path mo bëëdö dïïu wär raŋŋu kaamar ŋat pou, ni mëërru ki eni kaawat man wø mëërru ki dëëtu. Kiper uuna bëëdö na wëëlle yi ŋööm Ijep. Beeye aani na Wuuö Jwøk, Jwøk maru.

Mathiew 25:35

Kiper aana 'näk käci, ni mooyu aani ki cam. Aana 'näk riewi, ni mooyu a ki pïï. Ni ööa ni aana wëëllö, ni pänhnhu aani.

Luk 1:43

?Aŋø, gïn owëëk aani nidïï, ki man ö mii Kwääya na dee ö baŋa?

Luk 1:48

Kiper eni canna, a na laŋŋe, aneene. 'Ba kawaane, køør man en nø, beenhnhe bëët aano cwølge ni beeye aani na gwïëth.

Wëëlö Mana Göör Pøølli Baŋ Jø Röm 12:10

Ŋati man nø mëëre ki wati maya ki mëër man wø mëër nyïïmëëe ki gø. Ni ö ŋati man nø ni laar wödö wëëk wati maya.

Ruuth 2:11

'Ba aløk Böeethi jïgø ni kööe, ni «Gïïa tïïyï bëët jï mii cwørï køør thøw cwørï, këël mana weyï wäru ki meru ki pou kanya nywøl ï yie, ni ööï baŋ jøw mo poot kuyï dïkwøŋ anø caan jïra bëët.

Ruuth 2:13

Køøre Ruuth aköö, ni «Wui kwäärö, aana jïtö ki met ec baŋï, kiper cwïnya acømï ni caanï luup mo met jïra, këël na näk a ba kwaan røk jø tïïc moï na näk mään.»

Ruuth 2:19

Ni kö mii cwøre jïgø, ni «?Ïïno kwänyö kaa ki beel dïcäŋi? ?Ïïno tïïö kaa? Gwïëth oen bäät ŋata cädö kiperï enø.» Køøre ŋata tïïe baŋ gø acaane jï mii cwøre, ni kööe, ni «Nyeŋ ŋata tïïa baŋe dïcäŋi beeye Böeeth.»

Ruuth 2:2

'Ba Ruuth nyi jø Möap aköö jï Naømi, na «A kwaya ïïni naa cøøa dï pwöth, naa kwänya ki wïth beel moa no odööŋ piny yi pwöth ŋato yie met ki aani.» Ni løk gø jïgø, ni «Ciï nø, cï nyaara.»

Ruuth 2:9

Raŋ pwödhö mano kacge ni ciï køørge. Jø tïïc moa näk cwøw yaa cemø niï ba gutge. 'Ba ni näk dëërï da riew, ciï ni mäthï ki pïï moa wømge na en yïth dääe.»

1 Camiel 25:23

'Ba kanya ö Abigël na joot Deebit, ena laar eth piny ki bäät arëën mare, ni leeŋ ree piny nyïm Deebit, ni duu maal, ni këël cøŋŋe piny ni kuul wïïe piny.