Ruuth 1:17 - Wëël Jwøk

¹⁷ Kanyo thøøï yie aano thøø yie, ni koony aani kanyo koony ïïni yie thuwø. 'Ba ni näk aano pääö ki ïïni, naa ba pääa thøøe kiree, Wuuö Jwøk aano jääle.»

Ruuth 1:17 Iomraidhean Croise

2 Camiel 15:21

'Ba aløk Itay jï nyeya, ni kööe, ni «Ŋëët Wuuö Jwøk, ki ŋëëtï ï na nyeya; ka adïëri møn, kanyo bëëdï yie, ï na nyeya mara, niï bëëdö ki bëët kwøw wala bëët thøø, aano bëëdö yie thuwø, a na dhaanhnhï.»

2 Camiel 19:13

Køøre thuwø wär caannu jï Amaaca, ni kööu, ‹?Aŋø, ø paa remø aciel, ni ø käla ri dëël aciel? Ennø, beerra man ö Jwøki ni tïïe ki gïn mo raac dëëra, ni näk miï ba tïmö na kwääy lwaa leny jïra na kar Jöap ki mano täge ennø.› »

2 Camiel 3:35

'Ba ni poot na dïcäŋögø, jiy bëët aö kuna kwaacge Deebit nee cäme; 'ba Deebit akööŋ ni kööe, «Ni näk mo da cam këël gïn mo thiinh jaak mo ya belø ni cäŋ poot kär päth piny, beerra man ö Wuuö Jwøki ni raany aani.»

2 Camiel 3:9

'Ba ennø møn, ni näk mo kööŋ mar Wuuö Jwøk kiper nyec mar Deebit ba tïïa ni thur kare, beerra man ö Wuuö Jwøki ni raany aani.

1 Nyeye 13:31

'Ba kanya nø lønye ki koony nyikuŋ Jwøk, ena cäänö ki wääte ni kööe, ni «Kanyo thøøa, wär a koonynyu yi bwörö mana koony nyikuŋ Jwøk manøgø yie, nou cïba cuu 'moa buut cuu moe.

1 Nyeye 19:2

'Ba Jedhebel ajääk baŋ Ilaaja ki dhaanhø ni kööe, ni «Teeŋ kar kany nø diøø, ni näk jwïëy moï kära raanynyø kaamar jwïëc nyïïkuk Baal moa raanynyï, aani, a raany juuwi 'moa raanynyø.»

1 Nyeye 2:23

Kanyøgø, nyeya ma Cølöman akööŋ ki nyeŋ Wuuö Jwøk ni kööe, ni «Ni näk mo luubö mana caan Adöniya en ba duunni ki thøø bääte, aani, a raany Jwøki raanynyø.

1 Nyeye 20:10

'Ba Ben-Adat acäŋ jääk baŋ Akap ki dwøl ni kööe, ni «Ni näk mo Cameria bäre ba raany jø lenynyi 'moa, a raany juuwi 'moa raanynyø, ni këël jø leny 'moa bur päänyögø dege jøøbø nee käärge ki ceŋge, ge ba rømi bëët.»

2 Nyeye 6:31

Ni kö nyeya, ni «Ni näk mo wï Ilaaca o Capath kära ŋul wøk dïcäŋi, aani, a raany Jwøki raanynyø.»

Moa Tïïc Nyïïatwieli 11:23

'Ba na pïïe ni neen gïna tägö ki køør met yi Jwøk, yie amïnnö. Ni pwöny geni bëët døøc ki man bëëtge ni cwïnyge ena køør Wuuö, ni cwïnyge ege maa ni teek.

Moa Tïïc Nyïïatwieli 20:24

'Ba jwïëya patha yaa caarø ni gïn mo pere leth jïra, mo daa gwøø. 'Ba mana manynya keere beeye ki man thööra tïïc mara, ki tïïc mana wëëk Kwäärö ma Jecu aani ki man køba gïr luumma nyään na met mar met yi Jwøk.

Ruuth 1:16

'Ba Ruuth aköö, ni «Kärï köö jaak ni aa buutï, niï köömma aani ni køørï kär løpa; kiper kanyo ciï yie jaak a cøøa yie, ni kanyo bëëdï yie aano bëëdö yie thuwø; jiy moï geno tïmö na jiy 'moa, ni ö Jwøk marï ni tïme na Jwøk mara.

Ruuth 4:15

Eno tïmö na ŋato kwøw ïïni, na ŋato køny ïïni kanyo døøŋŋï; kiper ŋata nywøl gø beeye cï nyaarï na mëër ki ïïni, dhaaŋŋa pere letha eni jïrï ki wäätï abïriiø moa diï nywølø.»

1 Camiel 14:44

'Ba Cøøl aköö, «Nyie Jönathan, ka adïëri møn, ï di nääö. Ni näk miï kär nääö, beerra man ö Jwøki ni raany aani.»

1 Camiel 20:13

'Ba ni näk mo wära manynya man tïïe ki gïn mo leth dëërï møn, ni kära luubö manøgø caanø jïrï nee wïnynyï, ni ba wëëga ï wääth ki man aayï ki jööt dëël, beerra man ö Wuuö Jwøki ni raany aani, a na Jönathan en. Ni ö Wuuö Jwøki ni bëëde ni nut buutï kaawat mana bëëde ni nut buut wära.

1 Camiel 25:22

'Ba diøø ka amöölla ni näk mo da dïcwøø aciel mo ena paare mo yaa wiiø ni kwøw, beerra man ö Jwøki ni raany aani, a na Deebit en.»

1 Camiel 3:17

Ni kö Ëli, na «?Agïnaŋø na caan Wuuö Jwøki jïrï? Nyie, kär mooŋï ki aani. Ni näk mo luup moa care bëët mooŋï mooŋø ki aani, Wuuö Jwøk tïïö ki gïn mo dwøŋ mo raac dëërï.»