Ruuth 1:16 - Wëël Jwøk

¹⁶ 'Ba Ruuth aköö, ni «Kärï köö jaak ni aa buutï, niï köömma aani ni køørï kär løpa; kiper kanyo ciï yie jaak a cøøa yie, ni kanyo bëëdï yie aano bëëdö yie thuwø; jiy moï geno tïmö na jiy 'moa, ni ö Jwøk marï ni tïme na Jwøk mara.

Ruuth 1:16 Iomraidhean Croise

2 Camiel 15:21

'Ba aløk Itay jï nyeya, ni kööe, ni «Ŋëët Wuuö Jwøk, ki ŋëëtï ï na nyeya; ka adïëri møn, kanyo bëëdï yie, ï na nyeya mara, niï bëëdö ki bëët kwøw wala bëët thøø, aano bëëdö yie thuwø, a na dhaanhnhï.»

Pwöc Leec Wïc 17:17

Nyawat wø bëënna mëër cooth, ni ö cöögö ni nywøli kiper køny cäŋ gïï mo leth.

Aydheea 14:1

'Ba Wuuö Jwøk cwïnye pädhö ki gïr dhi øt Jeekap, ni cäŋ jø Icriel jierrø, ni tïïc ge nee pïge piny yi ŋöömö marge, ni ö jøøa pathi ni dwätge ki geni ni kuurge dëëtge dhi øt Jeekap.

Daniel 2:47

Ni kööe jï Daniel, ni «Ka adïëri møn, Jwøï beeye wïth juu, ni beeye kwääc nyeye ni wø nyooth gïï mo tietge okanø, kiper mana lønye jïrï ki mana nyoothï tier gïn no okanø en.»

Daniel 3:29

Kiper manøgønø, aani, ciik man ŋøla beeye en: Noo dee jiy, ki wï jur, ki wïth dhøgi møøk mo cäänö ki luubö mo paa kare dëër Jwø Cidarak ki Micak ka Abedenagø, ge di tøyø na bulli, ni ö uudi moge ni tïï na wïthur. Kiper ki man bëëde cøøn en, bäŋ Jwøk mo jiy ee piemø ki øtjöö mo caala man nø.»

Daniel 4:37

Kawaane a na Nabukedenecör, a pwøya nyeya mar maal, ni tïŋa nyeŋŋe maal, ni jiema eni, kiper tïïe moe bëët beege adïëri, ni jïëth tïïe moe tiir, ni eni løny jïre ki man dwøk jiy piny mo wø bëëdö ni cwïnyge da atöör.

Odheea 13:4

«'Ba bee aani na Wuuö Jwøk, na bëëdö na Jwøk maru, ki mana täge ki mana enu yi ŋööm Ijep. 'Ba uuni, u doo bëëdö ni bäŋ Jwøk mør mo ŋäyu këët, ni näk mo paa aani keera, kiper bäŋ pïëmi mør këët, 'ba bee aani keera.

Dhekaraya 8:23

Wuuö Jwøk, eni na wïth jammi bëët, aköö, ni «Yïth nïne moøgø, jiy apaar ki røk wïth juurre ki dhøgi bëët abïïn ŋat Juuth man nø omakge ni köge, ni ‹Beerra man aa ki uuni na aciel, kiper awïnywa ni Jwøk ena buutu.› »

Mathiew 8:19

Kanyøgø nyen ma dïpööy mar ciik Jwøk aö baŋe, ni kööe jïgø, ni «Dïpööy, a cäädhö køørï, këël ï doo cøøa kaa.»

Jøøn 13:37

Ni kö Piterri jïre, ni «?Kwäärö, aŋø ni ba ööa køørï ennø? Jwïëya ocïba kiperï.»

Moa Tïïc Nyïïatwieli 21:13

'Ba Pøøl ajutö, ni kööe, na «?Agïnaŋø ni tïïyu enøgø, nou jwöŋö nou thääŋa cwïnya? Kiper yaa nø caar ni paa tööc keere, 'ba këël a doo thøw thuwø yi Jerucalem kiper nyeŋ Kwäärö ma Jecu, yia doo met.»

1 Thecalönika 1:9

Kiper geni ki dëëtge ge wø cäänö kiperwa, ni waana pänhnhu døc kanya bëëtwa dïïu, na ö uuni na løøu rou baŋ Jwøk, ni weyu juu, ni tïmu nou tïnynya Jwøk mana kwøw, na näk adïëri,

Jøcua 24:18

Ni ö Wuuö Jwøki ni riem wïth juurre bëët wøk nyïmwa, këël jø Amör na bëëdö yi ŋöömmi en. 'Ba ennø, waani thuwø Wuuö Jwøk tïnywa tïnynyö, kiper beeye eni na Jwøk marwa.»

Mana Nyooth 14:4

Beeye jøøa näk dëëtge kärge raanynyø ki mään. Kiper dëët mään kucge. Ni beeye geni wø caath køør Nyidiel kany wø ci yie jaak. Geni, ge wïïl wøk ka røk teeŋ jiy bëët, na këël wï Jwøk jï Jwøk ki Nyidiel.

Ruuth 1:15

Køøre Naømi aköö jï Ruuth, ni «Neenï, nyägï adøø baŋ jø poge, ni døø baŋ juu moe; ïïni thuwø, ci läp køør nyägï nø.»

Ruuth 1:17

Kanyo thøøï yie aano thøø yie, ni koony aani kanyo koony ïïni yie thuwø. 'Ba ni näk aano pääö ki ïïni, naa ba pääa thøøe kiree, Wuuö Jwøk aano jääle.»

Ruuth 2:6

Ni løgi ya ŋata näk wïth jø kac beel jïre, ni «Beeye nyijø Möap, na öö ki Naømi kanya duue ki Möap.

Ruuth 4:15

Eno tïmö na ŋato kwøw ïïni, na ŋato køny ïïni kanyo døøŋŋï; kiper ŋata nywøl gø beeye cï nyaarï na mëër ki ïïni, dhaaŋŋa pere letha eni jïrï ki wäätï abïriiø moa diï nywølø.»