Ruuth 1:14 - Wëël Jwøk

¹⁴ Køøre gena cäŋ jwøk døc ni döötge ege tïŋ maal, ni ö Ørpa ni nuum dhi mii cwøre ni määtha gø ni aae. 'Ba Ruuth adööŋ buut nyijøøgø.

Ruuth 1:14 Iomraidhean Croise

Wïlöölö 31:28

?Aperŋø na mänï aani ki man määdha nyïïkwaaya ki nyïïa en? Gïna tïïyï enøgø, atïïyï ni wïïï kärï caarø.

Wïlöölö 31:55

'Ba na tïme na amöölla cøøn Leeban aö maal, ni määth nyïïkwaaye ki nyïïe ni gwïëth geni. Køøre Leeban aay ni døø paare.

2 Camiel 19:39

Kanyøgønø, jiy bëët aput kath løø Naam Jördan løøga, ni ö nyeya ni kadhe thuwø. Køøre nyeya dhi Bardhilay anuume ni gwïëth gø, ni ö Bardhilay ni put døø kanya bëëde yie.

1 Nyeye 19:20

Køøre eni dhäk aput wii piny, ni reŋ køør Ilaaja ni kööe, na «A cøø kuna määdha wära ki mera. Køøre nø, aano läm køørï.» Ni kö Ilaaja jïgø, ni «Døøgï; 'ba wïïï kär wïl ki gïna tïïa jïrï.»

Pwöc Leec Wïc 17:17

Nyawat wø bëënna mëër cooth, ni ö cöögö ni nywøli kiper køny cäŋ gïï mo leth.

Pwöc Leec Wïc 18:24

Da jiy mo manynya køør nyïïawäädi mo thööth, ni ge wø pätha yi ränynyö, 'ba da teeŋ nyawat mo gööga ri dhaanhø døc ni kaala cöögö.

Aydheea 14:1

'Ba Wuuö Jwøk cwïnye pädhö ki gïr dhi øt Jeekap, ni cäŋ jø Icriel jierrø, ni tïïc ge nee pïge piny yi ŋöömö marge, ni ö jøøa pathi ni dwätge ki geni ni kuurge dëëtge dhi øt Jeekap.

Dhekaraya 8:23

Wuuö Jwøk, eni na wïth jammi bëët, aköö, ni «Yïth nïne moøgø, jiy apaar ki røk wïth juurre ki dhøgi bëët abïïn ŋat Juuth man nø omakge ni köge, ni ‹Beerra man aa ki uuni na aciel, kiper awïnywa ni Jwøk ena buutu.› »

Mathiew 10:37

'Ba ŋato mëër ki wänni wala menni ni kaala mëër man mëëre ki aani, ba rømi ki man tïme na dhaanhnha. Ni ŋato mëër ki wääde wala nyaare ni kaala mëër man mëëre ki aani, ba rømi ki man tïme na dhaanhnha.

Mathiew 16:24

Kanyøgø Jecu bääge aluumme ni kööe, ni «Nee da dhaanhø mo manynya man ö køøra, eni dëëre wär taae, ni käär jaadhe na näk odëëdö, ni caath køøra.

Mathiew 19:22

'Ba kanya ö nyenøgø na wïny gïnögø, ena aay ni cwïnye opädhö. Kiper eni jïre da jammi mo thööth døc.

Moa Tïïc Nyïïatwieli 17:34

'Ba jø møøk adwätö ki eni ni jïëcge. 'Ba Dayönicia ŋat Ariøpaga ena dïge ki dhaagø mo nyeŋŋe Damari, ki jø møøk.

Tiet Ciik 10:20

Lwäärru Wuuö Jwøk na näk Jwøu, ni tïnynyu eni, ni göögu dëëre, ni kööŋŋu ri nyeŋŋe keere.

Tiet Ciik 4:4

'Ba uuni bëët na göök dëër Wuuö Jwøk na näk Jwøu, u poot bëëdö nou kwøw këël dïcäŋi en.

2 Timöthi 4:10

Kiper Diima aana wiie ni aae, kiper mana mëëre ki piny man en, ni ci Thecalönika. 'Ba Karecen aci Galeecia, ni ö Tayta ni ci Dalmacia.

Ibaru 10:39

'Ba ø ba en dï jø wø kwal dëëtge ni raanynyi, 'ba ø ena dï jø wø jïge da ŋäädhe, ni gwøga jwïëcge.

Ruuth 1:13

geni dou koorø këël mana dege døøŋŋø? ?A u doo kweer ki man nywøm uuni kiperge? Nyie määr nyïïa, ba løny, kiper bëëtö mara duua keec cwïny bääta mo kaala maru, kiper Wuuö Jwøk cere aluu raa.»

Ruuth 1:15

Køøre Naømi aköö jï Ruuth, ni «Neenï, nyägï adøø baŋ jø poge, ni døø baŋ juu moe; ïïni thuwø, ci läp køør nyägï nø.»

Ruuth 1:7

Ni tïŋŋe ki kanya bëëtge yie ki määr wääte karge riet, ni aacge ki jöö ni ge aa ŋööm Juuda.

Ruuth 2:11

'Ba aløk Böeethi jïgø ni kööe, ni «Gïïa tïïyï bëët jï mii cwørï køør thøw cwørï, këël mana weyï wäru ki meru ki pou kanya nywøl ï yie, ni ööï baŋ jøw mo poot kuyï dïkwøŋ anø caan jïra bëët.