Ruuth 1:12 - Wëël Jwøk

¹² Nyie määr nyïïa, cou døøgu nø, kiper aana nø jalø ni ba løny ki man jïta ki dïcwøø këët. ?Aŋø, këël a doo köö ni jïra da ŋäädhe ki man jïta ki dïcwøø dïwääni, ni nyööta ki wääta,

Ruuth 1:12 Iomraidhean Croise

Wïlöölö 17:17

Køøre Eeberam ree aleeŋ piny ni put ŋeethø, ni kööe ki yi cwïnye, ni «?Dhaanhø mo cwiiye oløny na dïpa doo nyöötö ki nyilaal møn? Ceera thuwø cwiiye oløny na pïërabïŋween. ?Eni poot nyöötö ki nyilaal møn?»

Wïlöölö 38:11

Kanyøgø Juuda aköö jï cï nyaare ma Tamar, «Ci døø po wäru ni bëëdï ni ïïna cï thøø, këël mano døøŋ wääda ma Ceela.» Kiper Juuda alwäyö ni kanymør Ceela thøw kaamar nyïïmenni. Køøre Tamar aay ni ci kuna bëëde po wänni.

1 Timöthi 5:9

Kär dee cï thøø mo nyeŋŋe göör røk määr thuunhnhi ni näk cwiiri moe poot kär tïmö na pïërabïciel, ni nywöm mare patha aciel.

Ruuth 1:11

'Ba Naømi aköö, «Nyie määr nyïïa, aayu nø. ?Aŋø ni manynyu wääth ki aani en? ?A poot nyöötö ki wääta møøk këët, mo tïmö na cwøwu?

Ruuth 1:13

geni dou koorø këël mana dege døøŋŋø? ?A u doo kweer ki man nywøm uuni kiperge? Nyie määr nyïïa, ba løny, kiper bëëtö mara duua keec cwïny bääta mo kaala maru, kiper Wuuö Jwøk cere aluu raa.»