Wëëlö Mana Göör Pøølli Baŋ Jø Röm 9:4 - Wëël Jwøk

⁴ Kiper gena jø Icriel, ni beeye geni na tïïc Jwøki na nyïïe. Na ajiem, ki luupa tuut, ki ciik Jwøk na cïp, ki lam, ki gïïa buuk wëëga geni,

Wëëlö Mana Göör Pøølli Baŋ Jø Röm 9:4 Iomraidhean Croise

Wïlöölö 15:18

Dïcäŋöca Wuuö Jwøk atudö ki luubö ka Abram, ni kööe, ni «Ŋöömö man acïba jï nyïïkwaayï, ki mano täge ki naam jø Ijep këël mano këët naama dwøŋ, na näk Upareeti,

Wïlöölö 17:10

Ni luumma tuuda noo gwøgï, nee bëëde yïthakiyø ki ïïni këël nyïïkwaayï mo ööi køørï, beeye en; jiy moa näk cwøw bëët dïïu wär geni daŋ.

Wïlöölö 17:2

'Ba aani luumma tuuda tïïa tïïö nee bëëde ni nut yïthakiyø ki ïïni. Ni wëëga ïïni nyaay døc kiree.»

Wïlöölö 17:7

Ni ö luumma tuuda ni wëëga gø bëëtö yïthakiyø ki ïïni ki nyïïkwaayï mo ööi køørï, këël yi beenhnhø marge bäre, ni tïm luumma tuuda na gïn mo bëëdö na bäre bäre, kiper naa bëëda ni aana Jwøk maru ki nyïïkwaayï mo ööi køørï bëët.

Wïlöölö 32:28

Ni kö ŋatøgø, ni «Nyeŋŋï ba cwøl ni Jeekap këët, 'ba ocwøl ni Icriel, kiper ïïna ŋäbö ki Jwøk ni ŋäbï ki jiy thuwø, ni tïme ni käädhö ïïni.»

1 Nyeye 8:11

Køøre atïmö ni ba løny jï dïlämme ki man tïïcge tïïc marge, kiper pöölö mana en yie, kiper ajiem mar Wuuö Jwøk Øt Wuuö Jwøk apääŋe.

Neemiya 13:29

'Ba ï na Jwøk mara en, kär wïïï wïl ki geni kiper gïna tïïcge na jääpge kunhnhö mar dïlämme ki kunhnhö mo ba waany, ni raanyge luubö mana tuut kiper tïï dïlämme, ki mana tuut kiper tïï jø tuuŋ Libay.

Dut Pwøc 73:1

Bwøth Wøk 12:25

'Ba kanyo pïïyu yi ŋöömmo cïp Wuuö Jwøki jïïu keda mana caane, ajwöma manøgø dou gwøø.

Bwøth Wøk 34:27

Køøre Wuuö Jwøk aköö jï Modhe, ni «Göör luupögø piny, kiper ki køør luupögø yøø, aana nø tudö ki luubö ki ïïni ki jø Icriel.»

Bwøth Wøk 4:22

Køøre ïïno köö jï Peerø, ni gïna caan Wuuö Jwøki beeye en, ena köö, ni ‹Jø Icriel bëët neeta kaamar wäädö man wø näk kaa, ni beeye kanynya.

Bwøth Wøk 40:34

Køøre pöölö aput öö ni uum oduŋkaany røømmø, ni ö ajiem Wuuö Jwøki ni put tïmö ni päl yo oduŋkaara na näk kar bëëtö mar Wuuö Jwøk.

Aydheea 41:8

«Wui, ï na dhaanhnha ma Icriel ni bee ï Jeekap na näk yaa jierø, ni bee ï na nyikwaar nyawatwa ma Eeberam,

Aydheea 46:3

«Wui, jø dhi øt Jeekap, cegu ïthu ki mara, u na jø dhi øt Icriel moa no odööŋ, u na käära ki mana täge nou ena ec, naa poot bëëdö naa käära uuni ennø ki mana täge ki kanya nywøl uuni;

Aydheea 5:2

Eni pwödhö manøgø apuure ni kwäny kïte wøk, ni tøøk jer omøki moa beyø yie. Ni gëëde ka abïl koor dïëre, ni kunye ki buur man bii pï nyïïjenni yie. Køøre ena bëëdö ni koora nyïëdi mo beyø moo nywøl jer omøki mo pwöthögø, 'Ba atïmö ni nywøla nyïëdi mo reyø.

Aydheea 60:19

Kanyøgønø, otïmö ni patha cäŋ këët noo cïp tar jïrï, ni patha tar mar dwääy noo rieny bäätï; 'ba a na Wuuö Jwøk, aano tïmö na tar marï mano bëëdö na bäre bäre; a na Jwøk marï, aano tïmö ni aana ajiem marï.

Jeremaya 31:20

Wuuö Jwøk aköö, na «?Aŋø, Ipariem paa wääda mana pere leth jïra? ?Aŋø, eni paa nyilaal mana met yia ki gø? Ka adïëri møn, këël na bëëda naa cäänö dëëre ki gïï mo leth, eni poot lääŋŋa lääŋŋö. Kiper manøgønø, cwïnya ena baŋe; ka adïëri møn, mëër mara nyoodha nyoodhø jïre.» Luummögø caana Wuuö Jwøki.

Jeremaya 31:33

'Ba luubö mano tuuda ki jø Icriel yïth nïröke beeye en: Aani, ciik 'moa okïtha wïthge, ni gööra geni yïth cwïnyge. Ni bëëda ni aana Jwøk marge, ni bëëtge ni gena jiya.

Jeremaya 31:9

Geno duui ni ge jwöŋö, ni bwødha geni ni ge lämö; ni wëëga geni wääth ni ge lwøra lak näm, ki øtjöö mo thïïŋ mo bäŋ gïn mo cwanyge tietge ree; kiper beeye aani na wää jø Icrielli, geni na jø Ipariem na caal kanynya.

Edhikiel 1:28

'Ba tar mana no orieny deŋŋe, nëëni kaamar daanø kany wø cööde maal ri køth. Ni manøgø beeye bëëtö mar ajiem mar Wuuö Jwøk. 'Ba kanya jooda gø, aana pädhö ki bäp yia, ni puta dwøl wïnynyö ni cäänö.

Odheea 11:1

«Aani, kanya poot jø Icrielli na wï jur mo thiinh, a mëër ki geni, ni cwöla geni wøk ki Ijep ni caala wääda.

Kwään Jiy 7:89

Køøre kanya ö Modhe na døny yo oduŋkaany røømmø kuna cääne ki Wuuö Jwøk, dwør Wuuö Jwøk awïnynye ni cäänna eni. Ni dwøl ööi ka bäät rëëbi mana näk nyuudhi mar wëën raay na en bäät acanduk man wø nyooth luumma tuut Jwøki ki jiy; ni dwørøgø ööi ki yïthakic gïïa näk ariiø na näk otïïö ki warkey na caal nyïïatwiet maal moa cwøl ni kirubëlli. Ni put Wuuö Jwøki cäänö ki eni.

Mathiew 21:33

'Ba Jecu aköö, ni «Cäŋu luubö mør wïnynyö mo keda leer. Da wää ŋøømmi mo opïïdhö ki jer omøki yi pwöthe, ni ciel gø ki ciel, ni tïïe ki kany wø bii nyïïomøki yie yi pwöthögø, ni gëëde ki øt koor, ni cïp pwöthögø ceŋ jø puur, ni aa paac mør.

Jøøn 1:17

Kiper Ciik Jwøk cïp ka ri Modhe, 'ba met ec ki moa näk adïëri ööi ka køør Jecu Krictø.

Jøøn 1:47

'Ba na ö Jecu na joot Nathaniel ni ööa baŋe, ena köö jïgø, «Neennu, man beeye nyï Icriel møn, mana näk bäŋ cwøk cwïnye.»

Moa Tïïc Nyïïatwieli 2:39

Kiper gïna buuk, buuga jïïu ki nyïïu ki jøøa kwörge bäyö bëët, këël jiy bëët moo cwøl Wuuö Jwøki na näk Jwøø baŋe.»

Wëëlö Mana Göör Pøølli Baŋ Jø Röm 3:2

Oduunnö møn ki yïth luup bëët. Mana dïkwøŋ beeye ni jø Juuth luup moa caan Jwøki awëëk geni.

Wëëlö Mana Göör Pøølli Baŋ Jø Röm 8:15

Kiper u kär wëëk jwïëy mo tïïya uuni na laaŋe nou cäŋu lwäyö. 'Ba uuna wëëk Jwïëy mo tïïya uuni na nyïï Jwøk. Kiper kany wø jwöŋø, ni «Abba, Awuuö,»

Wëëlö Mana Göör Pøølli Baŋ Jø Röm 9:6

Ni manøgø ba caan gø ni luum Jwøk kär thur kare. Kiper nyïïkwaac Icriel paa jø Icriel bëët,

2 Körin 11:22

?Aŋø, gena jø Ibaru? ?A aani? ?Gena jø Icriel? ?A aani? ?Gena nyïïkwaac Eeberam? ?A aani?

Galeecia 3:16

'Ba gïïa buuk, buuka jï Eeberam ki nyikwaare. Ni kär cwøl Wëël Jwøki ni «Nyïïkwaayï» ni kede ge thööth. 'Ba caana aciel keere, ni «Nyikwaarï,» ni beeye Krictø.

Epeca 2:12

Ni parru wïthu ki man näk kar kaaca karu bäär ki Krictø, ni uuna jiy mo path ki po jø Icriel, nou tøør ri luupa tuut Jwøki na buuk, ni jïïu bäŋ ŋäädhe kiper yi nyïm, ni jïïu bäŋ Jwøk piny.

Tiet Ciik 14:1

«Uuni, uuna jic Wuuö Jwøk na näk Jwøu; kanyo näk mo dhaanhø jwöŋö kiper dhaanhø mo othøw, kär dëëre pwöde ki gïn mo beth, ni ba gwäär wïïe wøk.

Tiet Ciik 29:1

'Ba man beeye luubö mana tuut Wuuö Jwøki ki jø Icriel yi ŋööm Möap, na kööm Modhe ki gø, kiper nee caane jïge, ni Wuuö Jwøk nwøya luubö mana kwøŋ tuut ki geni tier Kïn Körëp.

Tiet Ciik 29:14

'Ba luumma tuut Wuuö Jwøki na kööŋe kipere, ba tuude ka uuni keeru,

Tiet Ciik 31:16

Ni kö Wuuö Jwøki jï Modhe, ni «Neenï, ï thøw ni läpï køør kwäyu. 'Ba jøøi ii, kanyo pïïcge yi ŋöömö mano cige yie enø, ge gëëmö ki aani ni tïm cwïnyge no onieŋ køør juu møøk, kaawat man wø tïïc dhaaŋ paaci mo rïïŋö køør käp; ni wecge aani, ni kwierge luubö mana tuuda ki geni.

Tiet Ciik 4:13

Køøre luumma tuude ki uuni na kööm uuni ki gø nee kïthu bäät tïïc acaane jïïu, ni beege ciik moa näk apaar. Ni göör geni piny bäät opäp kïte ariiø.

Tiet Ciik 7:6

Gïïögø bëët dou tïïö kiper uuna jiy mo ena kur keerge jï Wuuö Jwøk na näk Jwøu. Wuuö Jwøk na näk Jwøu uuna jiere nou tïmu ni uuna thööge dï jiy bëët moa en bäät piny.

Ibaru 9:1

'Ba këël luubö mana kwøŋ tuut, yie da luup kiper yi jöö man käär lam ki gø, ki luup kiper kar lam mar pinyi en.

Ibaru 9:10

kiper mana tïme ni ge caana luup caammi, ki maath, ki luup lwøk na nyuudhi ma teeŋi keerge, ni beege jap dëël moa cem gøøc kanya di luumma nyään na wäŋŋi cööp kare.

Ibaru 9:3

'Ba ŋää abïï maya mana näk ogëëŋö, da thääŋö mør mo cwøl ni kanya en kur keere na mar Jwøk na pere letha eni,

Ibaru 9:5

'Ba bäät acanduk da gïï mo ocwääö ni caala nyïïatwiet maal mo cwøl ni kirubëlli, mo nyootha ajiem Jwøk, ni bwöpge ege määö bäät rëëbi mar kany wø ö Jwøki wø køny jiy yie. 'Ba kawaane atïmö ni bäŋ kany caanwa tiet japøgø yie këët.

Ibaru 9:6

'Ba moøgø beege gïïa jiiŋŋi kiper lam. Ni dïlämme wø cäädhö yi thääŋ oduŋkaanynya en wøk, ni ge tïïya jap wø lämge ki ge.