Wëëlö Mana Göör Pøølli Baŋ Jø Röm 9:32 - Wëël Jwøk

³² ?A per ŋø nø? Beeye kiper na kärge køøre løpø ki køør ŋäädhe, 'ba atïïcge keda gïn mo ogöök ri tïïe. Ni cwanyge tietge ri kïn wø cwany tiel,

Wëëlö Mana Göör Pøølli Baŋ Jø Röm 9:32 Iomraidhean Croise

Aydheea 8:14

'Ba aano tïmö na kar bëëtö mana en kur keere kiperu; 'ba kiper dhi øt Icriel bäre beeye a kïnno cwany tiel noo wëëk ge pädhö, noo tïmö thuwø na akupa ka abïëp kiper jø Jerucalem.

Aydheea 8:15

'Ba mo thööth tietge ocwanyge ri kïnnögø, ni päthge ni tøcge; ni ö møøki ni mak geni ka abïëp.

Mathiew 13:57

Ni taakge gïr gø. 'Ba Jecu aköö jïge, ni «Nyikuŋ Jwøk bäŋ wø bëëdö ni ba wøør, 'ba beeye paac mana näk dï poge ki paare kiree noo ba wøøri yie.»

Luk 2:34

'Ba gena gwïëth Cimienni, ni kööe jï Meeri na näk mii Jecu, ni «Neenï, nyilaari acïp kiper nee jø Icriel mo thööth päthge, ni kwøw mo thööthi. Ni tïme na ŋïï man car gïï mo reyø dëëre,

Luk 7:23

Gwïëth en bäät ŋat maa käre taaø.»

Wëëlö Mana Göör Pøølli Baŋ Jø Röm 10:3

'Ba na kucge bëënynyö man wø ööi ki baŋ Jwøk ni tïmge ni ge caya man jootge bëënynyö marge keerge, dëëtge kärge cïbö køør bëënynyö man wø cïp Jwøki.

Wëëlö Mana Göör Pøølli Baŋ Jø Röm 11:11

?Kiper manøgønø, a pëëö, ?Jø Icriel, tietge acwanyge ni päthge na bäre bäre? Ba doo løny. 'Ba beeye dhal luubö marge na tïm pïëmmi man piem jiy ki gø ni pïï baŋ juurre, kiper nee jø Icriel døøc mo këëö.

Wëëlö Mana Göör Pøølli Baŋ Jø Röm 4:16

Beeye tiere na tïm gïnni en no ogöök ri ŋäädhe, kiper nee buuk tïme ni bëënna met yi Jwøk, nee cööp kare na adïëri jï nyïïkwaac Eeberam bëët, ni paa jï jø wø bëën ciik Jwøk keerge, 'ba këël jø wø nywaak ŋäädhe mar Eeberam, kiper ena kwarø bëët,

1 Körin 1:23

'Ba waani, wa wø køpa gø ni Krictø anäk bäät jaadha no odëëdö, ni wø ö jø Juuthi ni wø cwanyge tietge ki gø, ni näk luum bøøl ki jï juurre.

1 Piter 2:6

Kiper ogöörö yi wëël Jwøk, ni «Neennu, aani, a kïtha yi Dhayan ki kïdi, na näk mo ojierø na pere leth na näk kïn gøøt, 'ba ŋat wø jïëy ki eni ni ŋääth gø, wïïe ba doo lääö.»

1 Piter 2:8

na «Kïdi mano cwany tiet jiy, na kïnno wëëk ge päänhnhö.» Ni tietge cwanyge kaper na dhalge luubö, kaawat mana kwøŋ geni mëëŋ gø.