Wëëlö Mana Göör Pøølli Baŋ Jø Röm 9:25 - Wëël Jwøk

²⁵ Kaawat mana caane møn yi wëël Odheea, ni «Jøøa näk patha jiya ocwøla ni jiya. Ni nyaana näk bäŋ omëëye, ocwøla no omëëya.»

Wëëlö Mana Göör Pøølli Baŋ Jø Röm 9:25 Iomraidhean Croise

2 Camiel 7:24

Wui Wuuö Jwøk, beeye ïïni na këël tiet jiyï piny ma jø Icriel, nee putge bëëtö na jiyï na bäre bäre, ni tïmï ni ïïna Jwøk marge.

Edhikiel 16:8

« ‹Køøre na cäŋa cur buutï na raŋa ïïni, ïïno nø pïï ri cwiic nywöm. Kanyøgø abïï mara aputa peer bäätï ni buŋa dëërï ki gø kiper wääth dëël marï; ni kööŋa ki man nywøma ïïni ni tuda ki luubö ki ïïni, ni putï tïmö ni ïïna thööŋŋa. Luummögø caana aani, a na Kwäärö Wuuö Jwøk.

Odheea 2:23

Jiya ma jø Icriel tietge okëëlla piny ni teek yi ŋöömö. Bäth ec mara onyoodha jï jøøa näk bäth ec kär nyoodhø jïge, ni kööa jï jøøa näk patha jiya, ni ‹Uuna jiy 'moa!› Ni köge jïra, ni ‹Ïïna Jwøk marwa!› »

Jøøn 16:27

Kiper Wuuö ki dëëre mëër ki uuni, kiper na mëërru ki aani ni jïëyu naa käla baŋ Wuuö.

Wëëlö Mana Göör Pøølli Baŋ Jø Röm 1:7

Uuni bëët na mëër Jwøki ki u yi Röm, a göönna baŋu, u na no ocwølø nou tïmu na jø Jwøk. Met ec bëëde bäätu ki bëët-mëër man wø ööi ki baŋ Jwøk na näk Wääø, ki Kwäärö ma Jecu Krictø.

1 Piter 2:10

'Ba dïkwøŋ u patha jiy mo nyeŋŋu ŋäc, 'ba kawaane uuna tïmö ni uuna jic Jwøk. Ni dïkwøŋ bäŋ køny mo you joodø, 'ba kawaane uuna jïtö ki køny.