Wëëlö Mana Göör Pøølli Baŋ Jø Röm 9:22 - Wëël Jwøk

²² Këël na bëëde ni Jwøk manynya man nyooth wëëye nee teege tïïc ni ŋäc, ena tïmö ni poot bëëdö ni cwïnye ee cïp piny ki gïïo wëërö ki geni na rømø ki raanynyø,

Wëëlö Mana Göör Pøølli Baŋ Jø Röm 9:22 Iomraidhean Croise

Wïlöölö 15:16

'Ba nyïïkwaayï oruu paanøgø këël ŋweer beenhnhe, køøre geno duu kany, kiper raay mo jø Amör poot kär këët kanya manynyi ki man raany ge.»

Bwøth Wøk 9:16

'Ba gïna wiia ïïni kipere niï bëëdï, beeye kiper nee teek mara nyoodha jïrï, nee gïra køp bäät piny bäre.

Pwöc Leec Wïc 16:4

Wuuö Jwøk jammi bëët ee cwääö kiper tïïe moge, ni ŋata raac cøøa yi ränynyö cäŋ gïïa leth.

Wëël Kïmmö 3:22

ni beeye mëër mar Wuuö Jwøk ni wø ba jøøl na kärø ränynyö en, kiper bäth ec mare bëëdö na bäre bäre ni ba ränynyi.

Kwään Jiy 14:11

Ni kö Wuuö Jwøki jï Modhe, «?A ki kany mo nyïëdi nø noo poot jøøi ii naa poot ege taaø? ?A ki kany mo nyïëdi ni pootge naa ba ŋääthge en, këël na bëëde ni ŋïïce mo døøŋŋø yaa tïïö dïge?

Kwään Jiy 14:18

ni ‹A na Wuuö Jwøk a ba laar wëër, ni mëëya ni wø ba jøøl päl, ni ŋat mo obääyö ki ŋat ma adhala wëënna wëënnö. 'Ba ŋat raay poot ba wiia ka ajäla, ni raay moa tïïc wëëe poot coola coolø dëët obwöre moge, këël mano pïïe dää beenhnhe wala ŋweer beenhnhe.›

Wëëlö Mana Göör Pøølli Baŋ Jø Röm 1:18

Kiper wëëc Jwøk onyoodhø ni ööi ki maal dëët jø wø ba wøør Jwøk bëët ki rääö mar jiy na thiel adïëri piny ki køør rääö marge.

Wëëlö Mana Göör Pøølli Baŋ Jø Röm 9:17

Kiper wëël Jwøk aköö jï Peerø, ni «Beeye gïn kiree na thïïŋa ïïni kipere, kiper nee teek mara nyoodha ki riï, nee nyeŋŋa tïme ni wïnyö dï piny bäre.»

Wëëlö Mana Göör Pøølli Baŋ Jø Röm 9:20

?'Ba ï na dhaanhø, ïïna ŋa na doo dwök baŋ Jwøk? Gïn mo ocwääö doo köö jï ŋata cwääc gø, na «?Aŋø ni cwääyï aani na ennø nø?»

Wëëlö Mana Göör Pøølli Baŋ Jø Röm 9:21

?Aŋø, dïcwäc dääe jïre bäŋ teek bäät odhöönh mo ee göölö ki man cwääe ki dääe ariiø ro odhöönhögø na aciel enø? ?Na aciel ee kadø ni mïërö, ni maya ee cwääö na mar tïïc?

1 Thecalönika 2:16

kiper mana mänge waani ki man caanwa luum Jwøk jï juurre, nee ge piem. Ni beeye gïï wø tïïcge cooth ni ge meeta raay moge ni thööth. 'Ba ka aŋuudi, wëëc Jwøk arøm dëëtge.

1 Thecalönika 5:9

Kiper ø kär mëëŋ Jwøki wëër, 'ba beeye kiper nee pïëm man piem øøni ki gø nee joodø ki køør Kwääyø ma Jecu Krictø,

2 Timöthi 2:20

'Ba paac mo beer, patha dääe mo warkey wala dääe mo gwel-bïrö keerge ni wø en yie, 'ba yie da dääk jenni mo otieŋø thuwø, ki dääk odhöönhe, ni møøk tïïc kaper tïïe mo mïërö ni møøk tïïc kaper tïïe moa ba mïërö.

1 Piter 2:8

na «Kïdi mano cwany tiet jiy, na kïnno wëëk ge päänhnhö.» Ni tietge cwanyge kaper na dhalge luubö, kaawat mana kwøŋ geni mëëŋ gø.

1 Piter 3:20

jøøa dhal luubö dïkwøŋ kanya bëët Jwøki ni cwïnye ee cïp piny ni kurö yïth nïr Nöa, kanya tïïc jääy, jääna piem jøøa nøk keerge na näk abära ki thøw pïï.

2 Piter 2:3

'Ba kiper mano wärge ki uuni, uuno møøthge ki luup atade. 'Ba ajäla marge nutö cøøn ni ena dëëtge, ni ränynyö marge patha okääŋö.

2 Piter 2:9

'Ba ni näk eni na Wuuö gïïögø ee tïïö bëët, ŋääe ki man piem jø wø wøør Jwøk ki gïï wø pääny geni, ni maa jøøa reyø kar pöödö këël dïcäŋo ŋøl luup yie.

2 Piter 3:15

Ni ŋäyu gøøni ni koor mar Kwääyø ni bëëdö ni cwïnye ee cïp piny beeye kiper nee ø piem. Ni beeye mana göör cöögø ma Pøøl na näk omëëyø jïïu, ki køør leec wïc mana wëëk eni,

Juut 1:4

Kiper da jø møøk mo odunynyö ki jöö mør ki piny, jøøa näk omiiø cøøn kiper ajäl Jwøk, jøøa ba wøør Jwøk na wiil luum met yi Jwøk marø ni døøcge gø jöö man tïïcge gïï mo patha karge, ni kwierge Kwääyø ma aciel na näk Kwäärö ma Jecu Krictø.