Wëëlö Mana Göör Pøølli Baŋ Jø Röm 8:9 - Wëël Jwøk

⁹ 'Ba uuni, u ba en ri mo dëël. U ena ri mo Jwïëc Jwøk, ni näk Jwïëc Jwøk bëëdö cwïnynyu møn. Kiper ŋat wø Jwïëc Krictø tøør cwïnye, ŋatøgø patha mare.

Wëëlö Mana Göör Pøølli Baŋ Jø Röm 8:9 Iomraidhean Croise

Edhikiel 11:19

Aani ge mooa mooø ki cwïny aciel ni mooa dëëtge ki jwïëy mo nyään; cwïnynyi moge na caal kïte käla wøk dëëtge ni mooa geni ki cwïnynyi mo jööm kaamar rïŋö.

Luk 11:13

?'Ba ni näk u na näk jø raay muuö ŋäyu ki man cïpu ki muuce mo beyø jï nyïïu, a Wääu ni en maal nø, okääŋe nidïï ki man cïp Jwïëc Jwøk na en kur keere jï jø wø pëëny eni?»

Jøøn 14:17

na näk beeye Jwïëc Jwøk ni wø nyooth adïëri, na näk jø piny ba doo maara jïëy ki gøøni. Kiper eni ba neen jø pinynyi, ni kucge gøøni. 'Ba uuni, eni ŋäyu kiper eni bëëdö ka uuni, ni eno bëëdö cwïnynyu.

Jøøn 14:23

Ni løgi ya Jecu jïre, ni «Ni näk mo dhaanhø mëër ki aani, luumma gwøe gwøø, ni ö Wära ni mëëye ki gø, ni öwa baŋe ni bëëtwa ki eni na aciel.

Jøøn 3:34

'Ba eni na jääŋ Jwøki wø køpa luup Jwøk. Kiper Jwøk Jwïëye bäŋ wø cïbe ni ee rømø.

Jøøn 3:6

Gïn wø nywøl dëëlli beeye dëël, 'ba gïn wø nywøl Jwïëc Jwøki beeye jwïëy.

Moa Tïïc Nyïïatwieli 16:7

'Ba na pïïcge Micia, gena tïmö ni ge manynya man cige Bithinia, 'ba gena män Jwïëc Jecu.

Wëëlö Mana Göör Pøølli Baŋ Jø Röm 7:5

Kanya poodø ni ø bëënna moa wara cac dëëlli, gïïa reyø na wara nieŋø køørge, gena jiec ciik Jwøki, ni tïïge thäk dëëtø ni känge ki gïï mo duua thøø.

Wëëlö Mana Göör Pøølli Baŋ Jø Röm 8:1

Kiper manøgønø, kawaane bäŋ ajäla bäät jø wø en dëër Krictø Jecu.

Wëëlö Mana Göör Pøølli Baŋ Jø Röm 8:11

'Ba ni näk Jwïëc ŋata tïŋ Jecu maal ki yi thøø bëëdö cwïnynyu, ŋata tïŋ Krictø Jecu maal ki yi thøø, dëëtu ni bëën thøø enø ocäŋ wëëk kwøw thuwø ki køør Jwïëye ni bëëdö cwïnynyu enø.

Wëëlö Mana Göör Pøølli Baŋ Jø Röm 8:2

Kiper kwøw mana cïp Jwïëc Jwøki ki ri Krictø Jecu, aana päde cer raay ki thøø.

1 Körin 15:23

'Ba tïŋ maal ki yi thøø da kare kiper jiy bëët. Dïkwøŋ beeye Krictø na bwödhö ki tïŋ maal, 'ba kanyo ö Krictø, beeye kar jøøa en dëëre ki man tïŋ ge maal.

1 Körin 3:16

?Aŋø, kuyu ni uuna øtø mar Jwøk, ni Jwïëc Jwøk wø bëëdö dëëtu?

1 Körin 6:17

'Ba ŋat mo odwätö ki Kwäärö wø tïmö na jwïëy aciel ki eni.

1 Körin 6:19

?Aŋø, kuyu ni rïŋ dëëtu beeye øt Jwøk mar Jwïëc Jwøk na en kur keere ni en cwïnynyu, na jootu baŋ Jwøk? Uuni, u ba bëëdö ka wïthu,

2 Körin 10:7

Uuni, u neeta dëët jiy wøk. 'Ba ni näk da ŋat mo ree ee ŋäädhö ni ena dhaanh Krictø, beerra man ŋäc gø ni waana jø Krictø thuwø, kaawat mare.

2 Körin 6:16

?Wala Øt Jwøk ojïëe ki gïï wø lam nidïï? Kiper øøna øtø mar Jwøa kwøw, kaawat mana caan Jwøki, ni «Aano bëëdö ki geni ni cäädha dïge, ni tïma ni aana Jwøk marge, ni tïmge na jiya.»

Galeecia 4:6

'Ba kiper mana näk uuna wääte, Jwøk Jwïëc Wääde ajääŋŋe yïth cwïnynyø, ni wø jwöŋi na «Abba, Awuuö.»

Galeecia 5:24

'Ba jøøa näk mo Krictø Jecu, gïï wø many dëëlli agurge bäät jaadha no odëëdö, ki jape na reyø wø caye.

Epeca 1:13

Ni beeye ki køøre na ö uuni thuwø, u na wïny luumma näk adïëri, luumma nyään na met na jootu pïëm ree man piem uuni ki gø, ni jïëyu ni ŋääthu eni, ni mooc uuni ki ŋïï na näk Jwïëc Jwøk na en kur keere, na kwøŋ buuk.

Epeca 2:22

Ni beeye eni na ö uuni thuwø ni wø geer u ree, kiper nou tïmu na kar bëëtö mar Jwøk ki køør Jwïëye.

Epeca 3:17

nee Krictø bëëde cwïnynyu ki køør ŋäädhe, nou cuŋŋu nou teek ri mëër,

Pilipay 1:19

kiper ŋääa ki cwïnya ni cuŋ gïn en otïmö ni beeye pïëm man piem aani ki gø, ki køør laam mou, ki køny mar Jwïëc Jecu Krictø.

2 Timöthi 1:14

Gwøk gïna näk adïëri na wëëk ïïni, ki køør Jwïëc Jwøk na en kur keere ni bëëdö cwïnynyø.

1 Piter 1:11

Ni pëëge na a teeŋ dhaanhø mo nyïëdi, wala a cäŋa ŋø na cään Jwïëc Krictø na en cwïnyge kiper gø, kanya køpge gïïa leth moo jwør Krictø, ka ajiem mano joode cään.

1 Jøøn 3:24

Jiy bëët mo wø gwøk gïïa ceme wø bëëdö dëëre, ni en dëëtge. Ni beeye ki køør Jwïëc Jwøk na wëëk øøni ni ŋääø gø ni eni bëëdö dëëtø.

1 Jøøn 4:13

Ni beeye gïn en ni ŋääø gø ni ø bëëdö dëëre, ni bëëde dëëtø, kiper mana mëëk Jwïëye øøni.

1 Jøøn 4:4

U ni therø, uuna mo Jwøk, ni jwïëyögø you nø böötø. Kiper ŋat en cwïnynyu en dwøŋŋa eni ki ŋati ni en piny en.

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 20:15

'Ba ni näk da ŋat mo nyeŋŋe kär joodø no ogöör yi Wëël Kwøw, eni wø leeŋa yi naama liel ki maac mo jïye keec ni lïëth døc.