Wëëlö Mana Göör Pøølli Baŋ Jø Röm 8:39 - Wëël Jwøk

³⁹ wala gïï mo ena maal, wala gïï mo ena piny tiet ŋøøm, wala gïn mør jaak dëët moa näk ocwääö bëët, bäŋ gïrpiny aciel dïge mo doo maara lønyø jïre ki man pää øøni ki mëëc Jwøk ni en dëër Krictø Jecu na näk Kwääyø.

Wëëlö Mana Göör Pøølli Baŋ Jø Röm 8:39 Iomraidhean Croise

Pwöc Leec Wïc 20:5

Acaare moa en cwïny dhaanhø wø ena yie na caal kut, 'ba ŋat mo wïïe da acaara tiet luup wø käle wøk.

Obeec Dudi 3:4

'Ba kanya pöödha ki buutge mo thiinh, ŋata mëëra ki gø ki cwïnya aputa joot, ni puta gø mak ni mäna gø ki wääth, ni kïtha gø po mera, yi øtø mare, eni na nywøl aani.

Aydheea 10:33

Ka adïëri møn, Kwäärö Wuuö Jwøk, eni na wïth jammi bëët, bäät jenni oŋøt piny ki teek mo dwøŋ døc mo di lwäärö, ni ö jenni moa døøŋŋø dïge ni bami piny, ni ö mo wø bëëdö ni bäyö ni dwøgi piny.

Aydheea 24:21

Dïcäŋeca, Wuuö Jwøk gïïa jïge da teek maalø jääle jäälö kwöra enge yïthge maal, ni jääl nyeye mo piny bäät piny.

Daniel 4:11

Jaath manøgø apiith, ni døøŋ dëëre ni tïme ni teek, ni ö bärri mare ni pïïe maal; ni tïme ni nëënö teegi mo piny bäre.

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Jøøn 16:27

Kiper Wuuö ki dëëre mëër ki uuni, kiper na mëërru ki aani ni jïëyu naa käla baŋ Wuuö.

Jøøn 17:26

Nyeŋŋï anyoodha jïge, 'ba cäŋa ka nyoothø, kiper nee mëër mana mëërï ki aani ki gø, nee tïme ni ena cwïnyge, ni ena rege.»

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Wëëlö Mana Göör Pøølli Baŋ Jø Röm 1:7

Uuni bëët na mëër Jwøki ki u yi Röm, a göönna baŋu, u na no ocwølø nou tïmu na jø Jwøk. Met ec bëëde bäätu ki bëët-mëër man wø ööi ki baŋ Jwøk na näk Wääø, ki Kwäärö ma Jecu Krictø.

Wëëlö Mana Göör Pøølli Baŋ Jø Röm 11:33

Wui, a teeŋ kwäya ŋø ni en jï Jwøk en, ki leec wïc ki ŋäc jammi bëët! A teeŋ ŋøla ŋø ni tiere ba maar kwany na en jïre, ki uutjïëthe mo tietge ba maar joot!

Wëëlö Mana Göör Pøølli Baŋ Jø Röm 5:8

'Ba Jwøk mëëye ee nyoodhø jïïø, kiper kanya poodø ni øøna jø raay beeye kanya thøw Krictø kiperø.

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

Wëëlö Mana Göör Pøølli Baŋ Jø Röm 8:1

Kiper manøgønø, kawaane bäŋ ajäla bäät jø wø en dëër Krictø Jecu.

Wëëlö Mana Göör Pøølli Baŋ Jø Röm 8:35

?Aŋa noo pää øøni ki mëëc Krictø? ?Aŋø, beeye gïïo leth noo jwørø, wala moo thäŋ yïthø ki ge, wala caannø, wala meel, wala wääth dëël, wala kany mo raac ma kar thøø, wala opëëllö?

2 Körin 11:3

'Ba aana lwäyö ni wïthu di maaŋŋø ni weyu mëër mana näk adïëri ni en cwïnynyu kiper Krictø, kaawat mana tïïc thwölli ki riek waŋe na ööe ni cøøk Iip.

2 Körin 2:11

kiper nee ø ba bööt Ceethanni. Kiper atade moe paa gïï mo kuuø.

Epeca 1:4

kaawat mana ö eni ni jier øøni ni kïth øøni dëër Krictø kanya poot pinynyi ni kär cwääö, kiper nøø tïmø ni ø ena kur keerø na mo Jwøk ni bäŋ ajäla dëëtø nyïme.

Pilipay 3:12

Naa ba caan gø ni moøgø bëët onø ö jïra, wala aano nø thur kara. 'Ba dëëra yaa maa, nee tïïa na mara, kiper Krictø Jecu aana nø tïïe na mare.

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.

Pilipay 3:8

Ni jammi bëët ataa møn, kiper mana beerra eni døc beeye ki man ŋääa Krictø Jecu na näk Kwääya. Ni beeye kipere na taaa jammi bëët, ni neeta geni kaamar juu mo owetø, kiper nee Krictø ci jïra,

2 Thecalönika 2:4

noo cuum ree, ni män ki gïï wø cøøri bëët ni juu, wala gïï wø wøør, këël mano ööe no opï bäät køøme yi Øt Jwøk Mana Dwøŋ, ni kööe, ni eni ki dëëre beeye na Jwøk.

1 Jøøn 4:16

Kiper manøgønø, ŋääø ni yøø jïëø ni Jwøk mëër ki øøni. Jwøk a mëër. Ni ŋat wø bëëdö ri mëër, bëëdö ri Jwøk, ni Jwøk wø bëëdö dëëre.

1 Jøøn 4:19

Ø mëër kaper na kwøŋ mëër ki øøni.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.

Mana Nyooth 13:14

Ni eni wø cøøga jø wø bëëdö bäät piny ki køør ŋïïce na näk owëëk eni nee tïïe buut Läänögø. Ni kööm geni ni cwääge ki kït Lääna näk dëëre da ŋwel opëëllö, na kwøw.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

Mana Nyooth 2:24

'Ba maru, u na jø møga ni en yi Thayatira, u na näk kär jïëy ki pwöc moøgø, na kär kwany gïï wø cwøl jø møøki ni jap Ceethan moa teek, a køpa gø jïïu, ni bäŋ gïn mør mo u ööla öölö ki gø.

Mana Nyooth 20:3

ni leeŋ gø yi buur, ni cïëk gø ni mwön gø bääte, kiper nee mïëri ba cøøge këët këël kanyo thum cwiiyøgø na kuma enø. Køør manøgønø, eni di pädö ki kany mo thiinh.

Mana Nyooth 20:7

'Ba kanyo thum cwiiyøgø na kuma yøø, Ceethan opät øt tööc mana en yie,