Wëëlö Mana Göör Pøølli Baŋ Jø Röm 8:36 - Wëël Jwøk

³⁶ Kaawat mana gööri, ni «Beeye kiperï ni bëëtwa ni wa di nääŋŋö cooth, ni waano tïmö kaamar dïëk mo di ŋarø.»

Wëëlö Mana Göör Pøølli Baŋ Jø Röm 8:36 Iomraidhean Croise

Aydheea 53:7

Ena caari ni wëëgi jwør gïï mo leth, 'ba eni dhee käre tuuö; ena lïŋö kaamar nyidiel mo køøla baŋ ŋaal, ni neekïïl kaamar røømmø mo ena nyïm jø wø nyaar jïëye, ni dhee käre tuuö.

Jeremaya 11:19

'Ba kanya pooda, aana bëëdö kaamar nyidiel mo mwöl mo kïtha kuna ŋaali, ni kuua ni da acaare mo reyø mo ege caarø kipera, ni ge köö, ni «Raanynyø ŋatøgø ki kare bäre; dïïrø wïïe dï jøøa kwøw bäät piny, nee nyeŋŋe put rwäänyö na bäre bäre.»

Jeremaya 12:3

'Ba ï na Wuuö Jwøk, a ŋäyï; na a wø nëënö jïrï cooth, ni raŋï cwïnya man näk a bëëda nidïï ki baŋï. Wui Wuuö Jwøk, peec jøøgø niï kïtha ge baŋ ŋaal kaamar dïëk; kïth geni kur keerge kiper dïcäŋo ŋaal ge yie.

Jeremaya 51:40

Ge peea baŋ ŋaal kaamar nyïïdïëk, kaamar nyöök rööm ki nyöök atëëe.» Luummögø caana Wuuö Jwøki.

Jøøn 16:2

Uuno mänge ki ciin uut acook lam. 'Ba ka adïëri møn, da caa mo öö, mo jø wø 'näk uuni caarge caarø ni ge tïnynya Jwøk.

Moa Tïïc Nyïïatwieli 20:24

'Ba jwïëya patha yaa caarø ni gïn mo pere leth jïra, mo daa gwøø. 'Ba mana manynya keere beeye ki man thööra tïïc mara, ki tïïc mana wëëk Kwäärö ma Jecu aani ki man køba gïr luumma nyään na met mar met yi Jwøk.

Moa Tïïc Nyïïatwieli 8:32

'Ba luupa kwaane yi wëël Jwøk beege ii, ni «Eni dhee käre jaalø, keda diel mo køøla baŋ ŋaal, wala nyidiel mo lïŋö cer ŋat wø nyaar jïëye.

1 Körin 15:30

?A waani nø, aŋø ni wø enwa dhøk gïï mo leth cooth en?

1 Körin 15:31

Aani, a wø ena um thøø cooth, nyïïmera, ni gïnögø caana kiper atöör mara na en cwïnya kiperu ki køør Krictø Jecu, eni na Kwääyø.

1 Körin 4:9

Kiper yaa caarø ni Jwøk waani na nyïïatwieli, waana nyoodhe ni canna waani dï jiy bëët, ni wa caala jiy mo okööp thøø. Kiper waana tïmö na gïï mo di neet nyïïatwiet maalli neetø ki jiy bëët dï piny.

2 Körin 1:9

Ka adïëri møn, acaarwa ni luum thøø onø ŋøl bäätwa. 'Ba beeye kiper nee wa ba göökwa dëëtwa, 'ba, nee wa göökwa ri Jwøk ni wø tïŋ jiy maal ki yi thøø.

2 Körin 11:23

?Gena jiy mo tïnynya Krictø? Theemma aani. Ŋääa naa cäänö kee aana bøøl. Aani, kadha öölö mara, ni kadha aani ki tööyö uut tööc. Aana pööti ki kwör pöödö mo ba kwaan, ni bødha kwör mo thööth ki thøø.

2 Körin 6:9

Ni caar wa ni wa kuc, këël na ŋäc wa døøc. Ni wa wø cööpa kany mo cään ki thøø, 'ba wa wø cäŋa kwøw. Waani, wa di pöötö, 'ba wa bäŋ wø 'näk.

Pilipay 3:10

kiper naa tïma naa ŋäya eni, ki teek duunne wøk ki yi thøø, naa tïma naa nywaaga gïïa leth na jwøre, ni tïma kaamare ri thøwe;