Wëëlö Mana Göör Pøølli Baŋ Jø Röm 8:34 - Wëël Jwøk

³⁴ ?Aŋa noo jääl dhaanhø? ?Beeye Krictø Jecu? Patha eni, kiper beeye eni na thøw, ni tïŋ maal ki yi thøø, ni en bäät cwïï Jwøk, ni wø kwääö kiperø.

Wëëlö Mana Göör Pøølli Baŋ Jø Röm 8:34 Iomraidhean Croise

Jööp 33:24

ni nyootha bäth ec mare jïgø, ni kööe, ni ‹Piem eni dhi thøø, kiper aana jïtö ki gïn mo wïïla eni wøk,›

Jööp 34:29

?'Ba ni näk mo eno lïŋö, aŋa noo köö ni eno bääyö? ?A ni näk mo täärnyïme ee kanø, aŋa noo joot gø? Eni, jiy ki wïth juurre bëët ena tiere,

Aydheea 50:8

Kiper Wuuö Jwøk ni wø ŋun aani nut buuta. ?Aŋa nø noo pïëmö ki aani? Beerra man ö ŋateca ni ööe nee dëëtwa raŋwa ki gø! ?Aŋa ni many løøk ki aani? Beerra man ö ŋateca baŋa!

Aydheea 53:12

Kiper manøgønø, eno mooa ki kure dï moa teek, ni putge gø pääŋŋö na aciel ki ge na teek, kiper eni dëëre akïth yi thøø, ni kwaani røk jø adhala. 'Ba eni ki dëëre beeye na käär raay mo jiy mo thööth, na lämö kiper jø adhala.»

Jeremaya 50:20

'Ba noo tïme ni yïth nïröke, yi kar kaace, gïïa bac jø Icrielli ki raay mo jø Juuda omanynyi, 'ba bäŋgø mo joot; kiper a na Wuuö Jwøk, geni noo wiia na moo dööŋ wëënna wëënnö.

Kwään Jiy 7:15

ni cïpe ki rwaath aciel, ki nywø røømmø aciel, ki nyidiel aciel ma røømmø ma nywøk mo cwiine aciel no olämme mo wø waaŋ bäre;

Mathiew 20:28

kaawat man bëët Wär Dhaanhø en ni kär öö nee tïnynyi, 'ba eni ööi kaper nee jø møøk tïnynye, ni cïpa jwïëye na wïïdi kiper jiy mo thööth.»

Maak 16:19

'Ba kanyøgønø, na ö Kwäärö ma Jecu na nø cääne ki bääge, ena kïth maal, ni pï bäät cwïï Jwøk.

Jøøn 14:19

Ki kany mo thiinh a ba neen jø pinynyi këët, 'ba aano neennu. 'Ba kiper na kwøa, uuno kwøw thuwø.

Jøøn 16:23

'Ba dïcäŋöca bäŋ gïn mo pëënynyu a ki gø. Adïëri møn, a caana gø jïïu, ni gïn wäro pëënynyu Wuuö ki gø ki nyeŋŋa, ocïbe jïïu.

Moa Tïïc Nyïïatwieli 2:24

'Ba ena tïŋ Jwøki maal ki yi thøø ni pät gø cer thøø, kiper ba doo løny jï thøø ki man mak gø.

Wëëlö Mana Göör Pøølli Baŋ Jø Röm 14:13

Kiper manøgønø, kär dëëtø jällø këët, 'ba beerra man caarø wïthø ni ba kïthø jöör cöögø ki gïn mo cwanynya tiel wala dïdëët.

Wëëlö Mana Göör Pøølli Baŋ Jø Röm 14:9

Ni beeye na thøw Krictø kipere ni cäŋ kwøw, kiper nee tïme na Kwääy jøøa thøw ki moa kwøw.

Wëëlö Mana Göör Pøølli Baŋ Jø Röm 4:25

ŋata wëëk thøø kiper moa dhalø, ni cäŋi tïŋ maal kiper nøø jïëc ni marø beer.

Wëëlö Mana Göör Pøølli Baŋ Jø Röm 8:1

Kiper manøgønø, kawaane bäŋ ajäla bäät jø wø en dëër Krictø Jecu.

Wëëlö Mana Göör Pøølli Baŋ Jø Röm 8:27

'Ba ŋat wø dar cwïny jiy, gïna en cwïny Jwïëc Jwøk ŋääe, kiper beeye Jwïëc Jwøk ni wø kwääö kiper jø Jwøk keda mana many Jwøki.

Köløcia 3:1

'Ba ni näk uuno tïŋ maal nø ki Krictø, beerra man manynyu moa en maal, ni beeye kanya en Krictø yie, no opï piny kur cer cwïï Jwøk.

Ibaru 1:3

ŋata joot ajiem Jwøk dëëre, ni kït Jwøk kiree ena dëëre, ŋata bëën jammi bëët ki dwøre na teek. 'Ba eni, kanya nø wëën ajäl raay, ena pï piny bäät cwïï Kwääya dwøŋ ni en maalø.

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

Ibaru 9:24

Kiper Krictø kär døny yi kanya en kur keere mana näk tïïc ka ceŋ, man wø nyooth kanya en kur keere mana näk adïëri. 'Ba ena ci maalø kiree, ni eni cuŋŋö nyïm Jwøk ennø kiperø.

1 Piter 3:18

Kiper Krictø thuwø athøw kiper raay yie aciel na bäre bäre, ŋata beer na thuunh jøøa reyø, kiper nee ø kïth baŋ Jwøk, ki køør mana 'näk dëëre ni cäŋi wëëk kwøw ki ri jwïëy.

1 Piter 3:22

ŋata aa maal, ni en bäät cwïï Jwøk, ni bëët nyïïatwiet maal, ki kwääri, ki teek bäre ni ge leŋa dwøre.

Mana Nyooth 1:18

Ni beeye aani ni kwøw. Kiper aana thøw møn, 'ba kawaane aana cäŋ kwøwø, këël na bäre bäre. Ni muktääe mo thøø ki kar bëët jwïëc jøøa näk othøw ena cera.