Wëëlö Mana Göör Pøølli Baŋ Jø Röm 8:32 - Wëël Jwøk

³² ?Ŋata kär män Wääde kiree, 'ba acïbe kiperø bëët, jammi bëët ba dee mëëga øøni ki eni na aciel?

Wëëlö Mana Göör Pøølli Baŋ Jø Röm 8:32 Iomraidhean Croise

Wïlöölö 22:12

Ni kö nyïïatwielli, ni «Kär cerï ŋaapï bäät nyilaal; kär dee gïn mo tïïyï ki gø, kiper kawaane ennø møn, aŋääa niï lwäär ki Jwøk, kiper wäädï ma aciel keere kärï mänö ki aani.»

Aydheea 53:10

'Ba beeye mana many Wuuö Jwøki ki man wëëk gø caarø ni jwør gïï mo leth, ni cïp jwïëc gø no olämi man wëën bääyö mar jiy ki gø. 'Ba cwiiye otïmö ni thööth, ni neen beenhnhø mano en yi nyïm. Gïïa met yi Jwøki ki ge otïïe ni wëëk ge thur karge.

Mathiew 3:17

Ni put dwølli öö ki maal ni kööe, ni «Man beeye Wääda na mëëra ki gø, na met yia ki mare.»

Mathiew 7:11

?'Ba ni näk u na näk jø raay muuö ŋäyu ki man cïpu ki muuce mo beyø jï nyïïu, a Wääu ni en maal, okääŋe nidïï ki man cïp gïï mo beyø jï jø wø pëëny eni?

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Wëëlö Mana Göör Pøølli Baŋ Jø Röm 11:21

Kiper ni näk Jwøk bäät jaadha näk jaath paac käre wiiø, ï ba wiie thuwø.

Wëëlö Mana Göör Pøølli Baŋ Jø Röm 4:25

ŋata wëëk thøø kiper moa dhalø, ni cäŋi tïŋ maal kiper nøø jïëc ni marø beer.

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

Wëëlö Mana Göör Pøølli Baŋ Jø Röm 8:28

'Ba ŋääø ni Jwøk tïïö ri jammi bëët nee bëënyge jï jøw wø mëër ki eni, jøøa näk ee cwølø keda mana manynye.

1 Körin 2:12

'Ba kawaane ø kär wëëk jwïëc piny, 'ba ø wëëga Jwïëy mana öö ki baŋ Jwøk, kiper nee tiet muuce moa wëëk Jwøki øøni nee kwanyø.

2 Körin 4:15

Ni gïïögø bëët tïïc kaperu, kiper kanyo nyaa met yi Jwøki baŋ jiy, nee dwøk met ec jï Jwøk pälle, ni jït Jwøki ka ajiem.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

2 Körin 6:10

Ni kïmwa, 'ba yïthwa wø poot mïnnö cooth. Wa wø cännö, 'ba jiy mo thööth poot wëëkwa kwärö. Ceŋwa wø dar, ni poot jammi bëët na mowa.

1 Jøøn 4:10

'Ba mëër beeye en, ni patha øøni na mëër ki Jwøk, 'ba beeye eni na mëër ki øøni ni jääŋ Wääde nee tïme no olämi kiper raay moø.

Mana Nyooth 21:7

'Ba ŋato böödö, olaaw manøgø oci jïre, ni tïma ni aana Jwøk mare, ni tïme na wääda.