Wëëlö Mana Göör Pøølli Baŋ Jø Röm 8:30 - Wëël Jwøk

³⁰ 'Ba jøøa näk ee miiø, ee cwølø thuwø. Ni jøøa näk ee cwølø, ee jïëö thuwø ni marge beer. Ni jøøa näk ee jïëö ni marge beer, ee jiemø thuwø.

Wëëlö Mana Göör Pøølli Baŋ Jø Röm 8:30 Iomraidhean Croise

Aydheea 41:9

ïïna käla ki teegi mo piny, niï cwöla ka kany mo bäär døc, ni kööa, ni ‹Ïïna dhaanhnha;› aani, ï yaa nø jier niï ba kwiera këët.

Jøøn 17:22

'Ba ajiem mana cïpï jïra acïba jïge, nee ge tïmge na aciel kaawat marø na nägø aciel,

Jøøn 17:24

Awuuö, a manynya geni thuwø, ge na cïpï jïra, nee bëëtge ki aani na aciel kanyo ena yie, na ajiem mana cïpï jïra nee neenge, kaawat mana mëërï ki aani, ki mana täge ni piny poot kär caa.

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Wëëlö Mana Göör Pøølli Baŋ Jø Röm 1:6

këël uuni ki dëëtu, u na cwøl nou tïmu na mo Jecu Krictø.

Wëëlö Mana Göör Pøølli Baŋ Jø Röm 11:29

Kiper muuce mo Jwøk ki cwönne paa gïï mo di wellø.

Wëëlö Mana Göör Pøølli Baŋ Jø Röm 8:1

Kiper manøgønø, kawaane bäŋ ajäla bäät jø wø en dëër Krictø Jecu.

Wëëlö Mana Göör Pøølli Baŋ Jø Röm 8:21

ki man näk mo gïïa näk ocwääö ki dëëtge käla wøk cer laŋ ni wø tøpge yie, ni jootge pät mana pät nyïï Jwøk ki gø ni bëëdö ka ajiem.

Wëëlö Mana Göör Pøølli Baŋ Jø Röm 8:28

'Ba ŋääø ni Jwøk tïïö ri jammi bëët nee bëënyge jï jøw wø mëër ki eni, jøøa näk ee cwølø keda mana manynye.

1 Körin 1:2

A göönna baŋ jø acooŋ Jwøk moa en yi Körin, jøøa näk ocïp kur keerge ki ri Krictø Jecu, na cwøl ni jø Jwøk na aciel ki jøø ni en kwörögø bëët ni wø cøør nyeŋ Kwääyø ma Jecu Krictø, na näk Kwääyge, ni näk marø.

1 Körin 1:9

'Ba Jwøk dwøre ba dak, ŋata cwøl uuni ki man dwätu ki wääde ma Jecu Krictø na näk Kwääyø.

1 Körin 2:7

'Ba wa wø caana leec wï Jwøk mana kuc na näk okanø, na näk ocooŋ Jwøki ki cwïnye ni piny poot kär cwääö kiper nee ø mooc ka ajiem.

1 Körin 6:11

'Ba teeŋ bëëtö manøgø beeye bëët jø møøk dïïu na poode. 'Ba uuna lwøk, ni cïp uuni kur keeru, ni uuno jïëö ni maru beer ki nyeŋ Kwäärö ma Jecu Krictø, ki ri Jwïëc Jwøø.

2 Körin 4:17

Kiper gïn ni thiinh ni leth noo laar pöödhö en, jiiŋŋa waani kiper ajiem mana näk adïëri na näk bäŋ cuŋŋe na bäŋ gïn pääri ki gø.

Galeecia 1:15

'Ba eni na cïp aani kur keera naa poot kär nywølø, na cwøl aani ki met ec mare,

Galeecia 1:6

Aani, yia athäŋŋö kiper na laaru eni wec na cwøl uuni yi mëëc Krictø, ni løøu røgu baŋ teeŋ luubö mør mo nyään.

Galeecia 5:8

'Ba teeŋ gïnögø ba käl baŋ ŋata kwøŋ uuni cwøl.

Epeca 1:11

Ni beeye ki køøre na ö waani na kwøŋ Krictø ŋääth na miek na jier nee wa bëëtwa ni wa pwøya ajieme, keda mana many ŋat wø tïïc jammi bëët keda man wø näk ee cooŋø ki cwïnye.

Epeca 1:5

Ni ø ee kwøŋ miek ki mëëye nøø tïmø ni øøna wääte ki køør Jecu Krictø kaawat mana manynye,

Epeca 2:6

Ni tïŋ øøni maal, ni wëëk ø pïïn kanya ciel ki eni maalø ki ri Krictø Jecu,

Epeca 3:11

Ni beeye gïna näk ee kwøŋ cooŋ ki cwïnye cøøn kanya poot pinynyi, ni beeye na wëëk thur kare ennø ki ri Krictø Jecu na näk Kwääyø,

Epeca 4:4

Kiper beeye dëël aciel ki Jwïëc Jwøk aciel, keda mana cööl u ŋäädhe aciel mano en nyïm na cwøl u kipere,

Köløcia 3:4

'Ba kanyo ö Krictø, ŋata näk kwøw marø, noo nyooth ree, uuni thuwø, dëëtu onëëni ki eni na aciel ka ajiem.

1 Thecalönika 2:12

ni cømwa cwïnynyu, ni caanwa gø jïïu, ki man bëëdu ki bëëtö mo beer mo orømø ki Jwøk, ŋat wø cøør uuni yi buye kiree ni mooc uuni ka ajiem.

2 Timöthi 2:11

Man beeye luubö ma adïëri: Ni näk øøno thøw ki eni, øøno kwøw thuwø ki eni na aciel.

Ibaru 9:15

Kiper manøgønø, ena nyïjöö mar luumma tuut na nyään, kiper nee olaaw mana näk adïëri na bäŋ cuŋŋe na buuk nee ci jï jøøa cwøl, kiper mana tïme ni da ŋat mo othøw man wø wïïl geni wøk yïth moa dhalge ri luumma kwøŋ tuut na bëënge.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

1 Piter 3:9

Kär nou dwøga raay jï ŋato tïïc raay dëëtu, wala ajaany jï ŋato jany uuni, 'ba mana dou tïïö, u doo gwïëtha eni. Ni beeye gïnögøøni na cwøl uuni kipere, nou gwïëth.

1 Piter 5:10

'Ba køøre, nou nø jwørru gïïö ni leth yøø ki kany mo thiinh, Jwøa näk Jwø met ec bäre, ŋata cwøl uuni ya ajieme mana näk bäŋ cuŋŋe ki ri Krictø, oööi ki dëëre ni dwøk u karu, ni wëëk u tëënnö, ni këël tietu piny.

2 Piter 1:10

Kiper manøgønø, nyïïmera, putu cwïnynyu cïp ri cwödö mana cwøl uuni ki gø ki mana jier u, nee tïme na adïëri. Kiper ni näk gïnögø tïïyu tïïö, u ba maara pädhö.

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 19:9

Ni ö nyïïatwiel maal manøgø ni kööe jïra, «Göör gïn: Gwïëth en jï jøøa cwøl baŋ cam nywöm mar Nyidiel.» Ni kööe jïra, ni «Moi beege luup Jwøk na näk adïëri.»