Wëëlö Mana Göör Pøølli Baŋ Jø Röm 8:3 - Wëël Jwøk

³ Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

Wëëlö Mana Göör Pøølli Baŋ Jø Röm 8:3 Iomraidhean Croise

Kwään Jiy 21:9

Ni ö Modhe ni tïïe ki thwör jwïël ni lïër gø bäät jaath mo ocwöth piny; ni ö jøøa näk okaac thwöre bëët ni jïtge ki køny kanya neenge gø.

Kwään Jiy 28:22

Køøre nø, nywø ateea aciel thuwø dou cïbö no olämi mar wëën raay, nee tïme no okïdi kiperu.

Maak 15:27

'Ba da jø ageem ariiø ma agurge buute thuwø, na aciel ena bäät cwïïe, ni maya ena bäät caame.

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Jøøn 9:24

Kanyøgø ŋata näk ocøør acäŋge cwøllø ri rietge ni köge jïre, ni «Pwøc ka Jwøk. Ŋäcwa ni nyenøgø ŋat raay.»

Moa Tïïc Nyïïatwieli 13:39

Ni beeye ki køøre no ö jøw ojïëy bëët ni ŋääthge noo pädi yïth jammi bëët moa ba doo maar lønyø jï ciik Modhe ki man pät uuni.

Wëëlö Mana Göör Pøølli Baŋ Jø Röm 3:20

Kiper bäŋ dhaanhø mo jïëc ni mare beer nyïm Jwøk ki køør tïïe moa en ri ciik Jwøk. Kiper beeye ciik Jwøk ni wø ö dhaanhe wø ŋäc raay ki køøre.

Wëëlö Mana Göör Pøølli Baŋ Jø Röm 6:6

Ŋääø ni gïïa kwøŋ en cwïnynyø anäk bäät jaadha no odëëdö ki eni na aciel, kiper nee dëël mana päŋ ki raay nee ränynye, nøø tïmø ni ø patha laaŋe jï raay këët.

Wëëlö Mana Göör Pøølli Baŋ Jø Röm 7:18

Kiper ŋääa ni bäŋ gïn mo beer jïra mo en dëëra. Løny jïra ki man caya gïn mo beer, 'ba ba løny jïra ki man tïïa gø.

Wëëlö Mana Göör Pøølli Baŋ Jø Röm 8:32

?Ŋata kär män Wääde kiree, 'ba acïbe kiperø bëët, jammi bëët ba dee mëëga øøni ki eni na aciel?

Wëëlö Mana Göör Pøølli Baŋ Jø Röm 9:3

Doo beer kee aani ki dëëra, aano cienø, ni ŋul aani wøk dëër Krictø kiper nyïïmera, na näk tuuŋwa na jø powa.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Galeecia 3:13

'Ba Krictø acïëni mana doo en bäätø kiper ciik Jwøk, awëënne, kiper mana tïme ni cien kaperø. Kiper ogöörö, na «Acïëni oen bäät jiy bëët mo wø 'näk no oŋaap bäät jaath.»

Galeecia 3:21

?Aŋø, ciik Jwøk nø, atïmö ni män ki gïïa buuk Jwøki? Ba doo løny! Kiper onää da ciik Jwøk mo ocïbö mo maara cïpö ki kwøw, bëënynyö doo ena køør ciik Jwøk.

Pilipay 2:7

'Ba dëëre adwøk piny, ni tïme ni mare rømi ka bëët laŋ, ni nywöli ni nëëna dhaanhø.

Ibaru 10:12

'Ba Krictø, kanya ööe na nø cïp dëëre no olämi yie aciel na bäre bäre kiper raay, ena pï bäät cwïï Jwøk.

Ibaru 10:14

'Ba beeye ki køør olämi aciel keere na ö eni na tïïc jøøa näk ocïp kur keerge no othur karge na bäre bäre.

Ibaru 2:14

Kiper manøgønø, na tïme ni jøøgø beege jic dëël ki remø, eni ki dëëre, ena tïmö na dhaanhø kaamarge, kiper nee ŋata en teek thøø cere na näk anägö, nee raanynye ki køør thøwe,

Ibaru 2:17

Ni beeye tiere na kwøŋi tïïc ni caala nyïïmenni ki yi bëëte bäre, kiper nee eni tïme na Kwääy Lam Mo Dwøŋ yi tïï Jwøk, mo yie bäth mo oŋäädhö, nee raac jiy wëënne.

Ibaru 4:15

Kiper Kwääy Lam Mana Dwøŋ man na marø en, paa ŋat mo cwïnye ba maar pädhö ki gïr jäk marø. 'Ba beeye ŋata päänynyi ki yïth jammi bëët kaamarø, 'ba eni kär pädhö.

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.