Wëëlö Mana Göör Pøølli Baŋ Jø Röm 8:27 - Wëël Jwøk

²⁷ 'Ba ŋat wø dar cwïny jiy, gïna en cwïny Jwïëc Jwøk ŋääe, kiper beeye Jwïëc Jwøk ni wø kwääö kiper jø Jwøk keda mana many Jwøki.

Wëëlö Mana Göör Pøølli Baŋ Jø Röm 8:27 Iomraidhean Croise

1 Luup Nyeye 28:9

«'Ba kiperï, ï na wääda ma Cølöman en, bëëdï ni Jwøk ŋäyï, ni beeye Jwøa näk Jwø wäru, ni tïnynyï gø ki cwïnyï bäre ka acaayï bäre; kiper Wuuö Jwøk cwïny jiy nëënö jïre bëët, ni jammi bëët mo wø caar jiyi ŋääe. Ni näk mo iï manynyø, ree nyoodhe nyoodhø jïrï; 'ba ni näk mo iï wiiø, ï kwiere kwierø na bäre bäre.

1 Luup Nyeye 29:17

Wui ï na Jwøk mara, ï ŋääa ni cwïny jiy nëënö jïrï, ni mëëyï wø nyoothï nyoodhø jï jøøa cwïnyge thïïŋ. 'Ba aani ki køør leec cwïny mara, gïïögø bëët acïba ki met ec mara. 'Ba ennø, jiyï moi ni kany ii ajooda ni ge cïpö jïrï ki muuce ki met ec.

Dut Pwøc 139:1

Pwöc Leec Wïc 17:3

Gwel-bïrö ki warkey beeye maa thäth ni wø raŋi ki gø, 'ba cwïny dhaanhø, beeye Wuuö Jwøk ni wø raŋ gø.

Jeremaya 11:20

'Ba ï na Wuuö Jwøk, ï na wïth jammi bëët, ni wø ŋøl luup na adïëri, ï ni wø raŋ cwïny jiy ka acaacge bëët, wëëk a neen cool kwör marï mano tïïyï dëëtge, kiper luubö mara yaa cïp cerï.

Jeremaya 17:10

«Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Jeremaya 20:12

Wui Wuuö Jwøk, ï na wïth jammi bëët, ï ni wø raŋ jøøa marge beer, ni wø neet cwïny ka acaare, wëëk a neen cool kwör marï mano tïïyï dëëtge, kiper luubö mara yaa cïp cerï.

Mathiew 6:8

Käru tïmö kaamarge. Kiper Wääu ni en maal gïn wø cannu ki gø ŋääe ni eni poot käru pëënynyö.

Luk 16:15

'Ba Jecu aköö jïge, ni «Beeye uuni ni wø pwøc dëëtu keeru nyïm jiy nou beyø, 'ba cwïnynyu ŋäc Jwøki. Kiper gïn wø näk wøp døc ki jï jiy, beeye gïna raaca eni ki jï Jwøk.

Jøøn 14:13

Gïn wäro pëënynyu ki nyeŋŋa, otïïa, kiper nee Wuuö jïte ka ajiem ki ri Wäädö.

Jøøn 21:17

Ni cäŋ köö ri dääge, «?Cayman o Jøøn, ï mëër ki aani?» Kanyøgø Piter cwïnye apädhö kiper na pëënynyi ya Jecu kwöre adäk, ni «?Ï mëër ki aani?» ni kööe jïgø, ni «Kwäärö, kawaane jammi bëët ŋäyï. Ni ŋäyï ki man näk maa mëër ki ïïni.» Ni kö Jecu jïre, «Piith dïëga.

Moa Tïïc Nyïïatwieli 1:24

Ni lämge, ni köge, ni «Wui Wuuö, ï ni wø ŋäc cwïny jøw bëët, nyooth ŋata jierï jïwa dëët jøøi na ariiø ii,

Moa Tïïc Nyïïatwieli 15:8

'Ba Jwøk ni wø ŋäc cwïny, mare anyoodhe na adïëri kanya wëëk Jwïëc Jwøk na en kur keere geni, kaawat mana tïïe jïïø.

Wëëlö Mana Göör Pøølli Baŋ Jø Röm 8:34

?Aŋa noo jääl dhaanhø? ?Beeye Krictø Jecu? Patha eni, kiper beeye eni na thøw, ni tïŋ maal ki yi thøø, ni en bäät cwïï Jwøk, ni wø kwääö kiperø.

Wëëlö Mana Göör Pøølli Baŋ Jø Röm 8:6

Ki man cïp cwïny køør dëël beeye thøø. 'Ba ki man cïp cwïny køør Jwïëc Jwøk beeye kwøw ki bëët-mëër.

Epeca 2:18

Ni beeye ki køøre na jïtø ki jöö karøbëët man cøø baŋ Wuuö ki ri Jwïëc Jwøk na näk aciel.

1 Thecalönika 2:4

'Ba wa wø cäänö kaawat mana ö Jwøki na jïëc waani ki man caanwa luumma nyään na met, ni paa nee yïth jiy døøcwa mo met, 'ba wa wø tïïya mo wø mïn yi Jwøki ki ge, ŋat wø pääny cwïnywa.

Ibaru 4:13

'Ba bäŋ gïn mo okanø røk moa no ocwääö bëët, 'ba jammi bëët ena wøgø, ni nëënö jï Jwøk jaak, eni noo cuŋŋø nyïme.

Jeemeth 5:16

Kiper manøgønø, køpu raay mou yïthakiyu keeru, ni lämu kiperu keeru, kiper nee dëëtu wø jöönge. 'Ba lam ŋat mo beer jïre da teek mo dwøŋ døc ki man tïïc jammi ni cööpge karge.

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.