Wëëlö Mana Göör Pøølli Baŋ Jø Röm 8:24 - Wëël Jwøk

²⁴ Kiper beeye ŋääthögø na piem øøni ki køøre. 'Ba gïn mo nëënö ni ŋäädhi, manøgø patha ŋäädhe. ?Aŋa wø ŋääth gïn mo ee nø neen?

Wëëlö Mana Göör Pøølli Baŋ Jø Röm 8:24 Iomraidhean Croise

Pwöc Leec Wïc 14:32

Ŋata raac wø ränynyö ki køør tïïe moe na reyø, 'ba ŋata mare beer kanyo thøøe, da kare mo di ŋäädhö mo cøøa yie.

Jeremaya 17:7

«'Ba gwïëth ena bäät ŋat wø ŋääth Wuuö Jwøk, ni ŋäädhe mare ena dëër Wuuö Jwøk.

Dhekaraya 9:12

Wui, u na jø twöc mo cwïnyge da ŋäädhe en, døøu kar gwøk røk mana teek; kiper a caana gø jïïu dïcäŋi ni jammi moa jwørru coola coolø jïïu ki gwïëth mo opöödhö.

Wëëlö Mana Göör Pøølli Baŋ Jø Röm 12:12

'Ba yïthu mïnge ki ri ŋäädhe maru, ni cïbu cwïnynyu piny ki gïïo leth ni wø pïï dëëtu, ni lämu cooth.

Wëëlö Mana Göör Pøølli Baŋ Jø Röm 15:13

'Ba Jwøk ni wø cïp ŋäädhe, cwïnynyu opääŋe ki met ec mo päl ki mëër ki køør mana jïëyu, kiper nee ŋäädhe maru pälle ki køør teek Jwïëc Jwøk na en kur keere.

Wëëlö Mana Göör Pøølli Baŋ Jø Röm 15:4

Kiper gïïa kwøŋ göör nïr acääŋŋe, göör kaper nee ø pwönyge, nee ø jïtö ki ŋäädhe ki køør tëënnö ki cøm cwïny man wø joodø yïth weet Jwøk.

Wëëlö Mana Göör Pøølli Baŋ Jø Röm 4:18

'Ba eni gïn mo ba doo maara ŋääth aŋäädhe, ni eni doo tïmö na kwar juurre mo thööth, keda mana kwøŋi caan jïre, ni «Nyïïkwaayï otïmö ni thööth na yøøgønø.»

Wëëlö Mana Göör Pøølli Baŋ Jø Röm 5:2

Ni beeye ki køøre na jïtø ki karø ri met ec man ni cuŋŋø ree en, ni kanynyø kiper mana ŋäädhø noo nywaaø ajiem mar Jwøk.

Wëëlö Mana Göör Pøølli Baŋ Jø Röm 8:20

Kiper gïïo no ocwääö yøø omänö ki man cööp marge kare. Ni manøgø patha luumge, 'ba beeye luum ŋata bëënge, ni mooya ge ki ŋäädhe,

1 Körin 13:13

'Ba kawaane, ŋäädhe, ki ŋäädhe mar nyïm, ki mëër, gïï na adäk ii, bëëdö ni nut. 'Ba mana dwøŋŋa eni dï gïïögø beeye mëër.

2 Körin 4:18

Kiper wa ba neet gïï mo nëënö, 'ba wa neeta gïï mo ba nëëni. Kiper gïï wø nëëni wø laara jøølø, 'ba gïï wø ba nëëni beege gïïa näk adïëri na näk bäŋ cuŋŋe.

2 Körin 5:7

Kiper wa cäädhi ka ŋäädhe, ni patha gïn mo di neenø.

Galeecia 5:5

'Ba waani, wa jïta bëënynyö man ni ŋääthwa en, ki køør Jwïëc Jwøk ki ri ŋäädhe.

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

Köløcia 1:27

'Ba gïna nyooth Jwøki jïge ki met yie, beeye ni moa beyø døc na näk rege da ajiem, na en ri luumma näk tiere okwøŋ kan, awëëk pällö dï juurre; ni luummögø beeye ni Krictø ena cwïnynyu, ŋata näk gïïa beyø na en nyïm ŋääth ka ree.

Köløcia 1:5

kiper gïna ŋääth na näk okanø jïïu maal. Ni beeye mana kwøŋu wïnynyö ri luubö mana näk adïëri, ni beeye luumma nyään na met,

1 Thecalönika 5:8

'Ba kiper mana näk mo øøna wäät dïcäŋ, beerra man gwøø dëëtø, ni kïthø kwöt nywïënyö mar ŋäädhe ki mëër kööthø, ni ö pïëmmi mana piem øøni ki gø ni wø ŋäädhø ni kïthø gø wïthø kaamar cöör nywïënyö.

2 Thecalönika 2:16

'Ba kawaane, Kwääyø ma Jecu Krictø ki dëëre, ki Jwøk na näk Wääø, ŋata mëër ki øøni, na mooc øøni ki cøm cwïny mo bäŋ cuŋŋe, ki ŋäädhe ma wøp mar nyïm ki køør met yie,

Tayta 3:7

kiper nee ø ŋunni ki met yie, nee ø tïmø ni øøna lwiidhi ri ŋäädhe mar kwøw mana näk adïëri mo bäŋ cuŋŋe.

Ibaru 11:1

'Ba ŋäädhe beeye wø tïïc jap wø ŋääth yi nyïm ni ŋäc na adïëri, ni nyøtha jammi mo wø näk ba nëëni, ni nutö.

1 Piter 1:21

'Ba beeye ki køøre na tïmu nou ŋäätha Jwøk, eni na duu Krictø wøk ki yi thøø, ni mooc gø ka ajiem. Kiper manøgønø, jïëy maru ki ŋäädhe maru ena ri Jwøk.

1 Piter 1:3

Pwøc en jï Jwøk, eni na Wää Kwääyø ma Jecu Krictø; kiper beeye ki køør met yie na dwøŋ na cäŋ ø nywøllø ni ø nyärö, ni jït cwïnynyø ki ŋäädhe mo kwøw ki køør duun Jecu Krictø wøk ki yi thøø.

1 Jøøn 3:3

'Ba jiy bëët mo wø ŋääth eni na enønø, dëëtge wø døøcge mo ciil ki raay, kaawat mare na ciil.