Wëëlö Mana Göör Pøølli Baŋ Jø Röm 8:23 - Wëël Jwøk

²³ Ni paa gïïa näk ocwääö keerge ni wø cooyi, 'ba këël øøni ki dëëtø, øøna näk këël wï Jwøk mo Jwïëc Jwøk, ø wø cooyø ki cwïnynyø kany poodø ni ø køya kanyo ŋec øøni ni øøna nyïïe, ni beeye kanyo wiil dëëtø yie.

Wëëlö Mana Göör Pøølli Baŋ Jø Röm 8:23 Iomraidhean Croise

2 Luup Nyeye 31:5

'Ba luubö manøgø kanya wïnye jaak, jø Icriel gena put kännö ki wïth jammi mo thööth, ni beege thwöth beel moa kwøŋ ciek, ki kwøk nyïïomøki mo nyärö, ki mädhi, ki mäth kïïnynye, ki wïth caammi bëët moa ciek yïth pwöth moge. Japøgøøni akälge ni thööth na paac wïth jammi moge bëët moa en jïge.

Luk 20:36

Ni ge ba maar thøø këët, kiper ge röömi ka nyïïatwiet maal, ni gena nyïï Jwøk, na nyïï duun wøk ki yi thøø.

Luk 21:28

'Ba kanyo täk gïïögø, tïŋŋu wïthu ni neennu maal, kiper pïëm mano piem uuni ki gø, kare onø cäännö.»

Wëëlö Mana Göör Pøølli Baŋ Jø Röm 5:11

'Ba patha manøgø keere, 'ba ø kanynyø thuwø ki nyeŋ Jwøk ki køør Kwääyø ma Jecu Krictø, ŋata joodø døøn kanya ciel ki køøre.

Wëëlö Mana Göör Pøølli Baŋ Jø Röm 5:3

'Ba paa manøgø keere, 'ba ø kanynyø thuwø yïth gïï ni leth ni jwørø en, kiper mana ŋääø gø ni gïï wø leth wø jwør dhaanhe wø käla tëënnö,

Wëëlö Mana Göör Pøølli Baŋ Jø Röm 5:5

'Ba ŋäädhe cwïnynyø bäŋ wø wëëk pädhö. Kiper mëëc Jwøk okïth cwïnynyø ni päl ki køør Jwïëc Jwøk na en kur keere na cïp jïïø.

Wëëlö Mana Göör Pøølli Baŋ Jø Röm 7:24

Wui, a na dhaanhø mo oränynyö en! ?Aŋa noo piem aani cer dëëri ni bëën thøø en?

Wëëlö Mana Göör Pøølli Baŋ Jø Röm 8:19

Kiper jammi bëët moa näk ocwääc Jwøki ge koora kanyo nyooth nyïï Jwøk yie, ni nyeŋge ege peerø.

1 Körin 1:7

Ni tïme ni bäŋ muuy mar Jwøk mo tøør jïïu, kany poodu nou koora Kwääyø ma Jecu Krictø noo nyoodhi,

2 Körin 1:22

Ni mooc dëëtø ki ŋïï mare, ni kïth Jwïëye cwïnynyø na kuri.

2 Körin 7:5

'Ba këël na pïïcwa Macedönia, bäŋ jwöm mo ewa joodø. Waana jïtö ki gïï mo leth ki yïth jammi bëët. Ŋaap atïmö ni ena bäätwa, ni tïm cwïnywa ni lääŋŋa gïn mør.

Galeecia 5:5

'Ba waani, wa jïta bëënynyö man ni ŋääthwa en, ki køør Jwïëc Jwøk ki ri ŋäädhe.

Epeca 1:14

Ni beeye kuri mar olaaw marø këël mano wïïl øøni wøk, ø na näk jiye, ni tïme ni ø pwøya ajieme.

Epeca 4:30

Kär cwïny Jwïëc Jwøk na en kur keere wëëgu ränynyö, ŋata jootu ŋïï ree kiper cäŋo wïïr kwöri mou yie.

Epeca 5:9

Kiper nyïëdi mo wø nywøl tarri wø joota ri gïï wø näk adïëri bëët, na beyø ni näkge wøpe.

2 Timöthi 4:8

'Ba køør man nø, Kwäärö, ŋata näk ŋøl mare adïëri, adun wø cïp jï jøøa beyø na kan kipera, omëëk aani dïcäŋöca. 'Ba ba mëëk a keera, 'ba omëëk jiy bëët mo wø mëër ki öönynye.

Tayta 2:13

kany poodø ni ø koora kanyo gwïëth øøni na ŋäädhø, noo nëën ajiem Jwøø na dwøŋ, ni beeye Pïëmi ma Jecu Krictø,

Ibaru 9:28

Kaawat manøgø thuwø Krictø na cïp yie aciel keere nee raac jiy mo thööth kääre, ocäŋ duuö, ni ba ööi kaper raay nee kääre, 'ba oööi ni piema jø wø koor eni.

1 Piter 1:7

kiper manøgønø, nee ŋäädhe maru na näk adïëri na pere letha eni ki warkey ni wø päänynyi ki maac këël na ŋääi ni ränynyö, nee känne ki pwøc, ka ajiem, ki wödö yi cäŋo nyooth Jecu Krictø yie.

1 Jøøn 3:2

Omëëya, øøna nyïï Jwøk ennø. 'Ba kïdö mano bëëdø ki gø poot ba nëëni. 'Ba ŋääø ni kanyo ööe ø tïmö kaamare. Kiper eno neenø keda man wø bëëde.