Wëëlö Mana Göör Pøølli Baŋ Jø Röm 8:2 - Wëël Jwøk

² Kiper kwøw mana cïp Jwïëc Jwøki ki ri Krictø Jecu, aana päde cer raay ki thøø.

Wëëlö Mana Göör Pøølli Baŋ Jø Röm 8:2 Iomraidhean Croise

Edhikiel 1:21

Kany wø ö gïïa kwøwi noo cääthge, ge cääthö thuwø; ni kany wø ö gïïa kwøwi noo cuŋge, ge cuŋŋö thuwø; ni kany wø ö gïïa kwøwi noo määtge, ge määtö na aciel ki geni thuwø; kiper jwïëc gïïö ni kwøw yøø ena yïth gïïögø ni caal tiet jïëthe yøø.

Jøøn 4:10

Ni løgi ya Jecu jïre, «Onää muu Jwøk ŋäyï, ki ŋat cäänö ki ïïni en, ni ‹Mooc aani ki pïï naa mätha›, eni diï pëënynyö, ni dee cïpö jïrï ki pï kwøw.»

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Jøøn 6:63

Beeye Jwïëc Jwøk ni wø cïpi ki kwøw; 'ba teek mar dhaanhø bäŋ gïn tïïe. 'Ba luupa caana jïïu kännö ki kwøw ki ri Jwïëc Jwøk.

Jøøn 8:32

Ni dou adïëri ŋääö ni ö adïëri ni pät uuni.»

Jøøn 8:36

Kiper manøgøøni, ni näk uuno pät Wäädö, uuno pädö møn.

Wëëlö Mana Göör Pøølli Baŋ Jø Röm 16:3

Määthu Paricka ka Akwila, jø wø tïïö ki aani na aciel ki nyeŋ Krictø Jecu.

Wëëlö Mana Göör Pøølli Baŋ Jø Röm 3:27

?Ni näk ma enøgønø, gïna døø töödö kipere, age eni? Bäŋgø. ?A køør ŋø? ?Køør tïïe? Patha eni. 'Ba beeye ki køør ŋäädhe.

Wëëlö Mana Göör Pøølli Baŋ Jø Röm 5:21

kiper nee met yi Jwøk tïme ni dwøŋŋa eni ki køør bëënynyö mano cööp ri kwøw mana näk adïëri mo bäŋ cuŋŋe ki køør Jecu Krictø na näk Kwääyø, kaawat mana ö raayi na dïïm jiy dïkwøŋ na känne ki thøø.

Wëëlö Mana Göör Pøølli Baŋ Jø Röm 6:14

Kiper raay ba doo tïmö na kwäärö bäätu, kiper mana tïme nou ba bëën ciik Jwøk, 'ba u bëënna met yi Jwøk.

Wëëlö Mana Göör Pøølli Baŋ Jø Röm 6:18

ni uuna pät ceŋ raay, ni tïmu ni uuna laaŋe mo gïïa beyø.

Wëëlö Mana Göör Pøølli Baŋ Jø Röm 6:22

'Ba kawaane na nø pät uuni ceŋ raay, ni tïmu na laaŋe mo Jwøk, gïna duue jïïu, uuna tïmö nou ena kur keeru na mo Jwøk, ni cuŋŋe beeye kwøw mana näk adïëri mo bäŋ cuŋŋe.

Wëëlö Mana Göör Pøølli Baŋ Jø Röm 7:21

'Ba kawaane nø, a jooda møn, ni kany wø manynya man tïïa ki gïn mo beer, raay karge cään.

Wëëlö Mana Göör Pøølli Baŋ Jø Röm 7:23

'ba da gïn mør mo wø jooda joodø thäk dëëra mo këëdö ki luubö mana en wïïa, ni tïïya aani ni aana laŋ raay mo otwöö, ni bëëdö thäk dëëra.

Wëëlö Mana Göör Pøølli Baŋ Jø Röm 7:4

Kaawat manøgø thuwø, nyïïmera, uuna nø thøw ni ciik Jwøk jïre bäŋ teek bäätu këët ki køør dëër Krictø, nou tïmu ni uuna moe, eni na tïŋ maal ki yi thøø, kiper nøø tïïø ki gïï mo beyø jï Jwøk.

Wëëlö Mana Göör Pøølli Baŋ Jø Röm 8:1

Kiper manøgønø, kawaane bäŋ ajäla bäät jø wø en dëër Krictø Jecu.

1 Körin 15:45

Beeye na gööri na en nø, ni «Dhaanhø mana dïkwøŋ na näk Adam atïmö ni ree da jwïëy mo kwøw,» 'ba Adam mana en cään atïmö na jwïëy man wø cïp kwøw.

2 Körin 3:17

Kiper Wuuö beeye na Jwïëy. Ba kany wø en Jwïëc Wuuö yie, jiy opädö kanyøca.

2 Körin 3:6

ŋata wëëk wa rømø ki man tïnywa luubö mana nyään na tuut Jwøki ki jiy, na näk patha ciik mo ogöörö, 'ba ena ri mo Jwïëc Jwøk. Kiper ciik mana näk ogöörö wø duua thøø, 'ba Jwïëc Jwøk wø cïpa kwøw.

Galeecia 2:19

'Ba ki køør ciik Jwøk beeye na thøøa, ni tïma naa ba en tiet ciik Jwøk, kiper naa kwøa jï Jwøk.

Galeecia 5:1

'Ba øøna pät Krictø, nee ø bëëdö ni øøno pädö. Kiper manøgønø, cuŋŋu nou teek. Ni ba cäŋu jïëy ki bëët laŋ ni caal twöc.

Galeecia 6:2

Beerra man ö ŋati man nø ni køny watge maya ki gïïa peek na kääre, nee ciik Krictø thur kare jïïu na enøgønø.

Jeemeth 1:25

'Ba ŋat wø raŋ ciik Jwøk na näk kare døøc, na näk beeye jöör pät jiy, ni put bëëtö ri gø ni ena ŋat tïïc man wø tïïc gø, ni ba tïme na ŋat wø wïny luubö jaak ni wø wïïe wïl, teeŋ ŋatøgøøni ogwïëth kiper mana tïïe.

Mana Nyooth 11:11

'Ba køør nïrögø na adäk ki thääŋö yøø, jwïëc kwøw aöö ki baŋ Jwøk ni ci dëëtge, ni öge maal ni cuŋge ki tietge. Ni jït cwïny jøøa neen geni ki lwär mo päl.

Mana Nyooth 22:1

Kanyøgøøni naam pï kwøw anyoodhe jïra, mo tøŋ døc keda wïlli, ni kwönni ka ri wäl Jwøk ge ki Nyidiel,