Wëëlö Mana Göör Pøølli Baŋ Jø Röm 8:17 - Wëël Jwøk

¹⁷ 'Ba ni näk øøna nyïïe nø, øøna lwiidhi, na lwiidhi mo Jwøk, ni øøna lwiidhi ki Krictø na aciel, ni näk mo ø jwøra gïï mo leth ki eni na aciel, kiper nøø jiem ki eni na aciel thuwø.

Wëëlö Mana Göör Pøølli Baŋ Jø Röm 8:17 Iomraidhean Croise

Mathiew 16:24

Kanyøgø Jecu bääge aluumme ni kööe, ni «Nee da dhaanhø mo manynya man ö køøra, eni dëëre wär taae, ni käär jaadhe na näk odëëdö, ni caath køøra.

Mathiew 25:21

«Ni kö kwääye jïgø, na ‹Atïïyï na wøp, ïïna laŋŋø mo beer mo di ŋäädhö. Ïïna tïmö niï di ŋäädhö ki jammi mo nøk. 'Ba ennø, jammi mo thööth ocïba cerï. Ööï nee met yi kwääyï bëëde bäätï.›

Luk 12:32

«Käru lwäär, u na pïïth mo thiinh en. Kiper Wääu yie met ki man wëëk bura uuni.

Luk 24:26

?Aŋø, paa gïïögø na doo pïï dëër Krictø ki man jwør gïï mo leth, ni ci ya ajieme na enønø?»

Jøøn 17:24

Awuuö, a manynya geni thuwø, ge na cïpï jïra, nee bëëtge ki aani na aciel kanyo ena yie, na ajiem mana cïpï jïra nee neenge, kaawat mana mëërï ki aani, ki mana täge ni piny poot kär caa.

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

Moa Tïïc Nyïïatwieli 20:32

'Ba kawaane, uuna wiia cer Jwøk, ki luum met ec mare, ni beeye noo wëëk u tëënnö, ni mëëk olaawi uuni na aciel ki jøøa näk ocïp kur keerge bëët na mo Jwøk.

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

Wëëlö Mana Göör Pøølli Baŋ Jø Röm 5:17

'Ba ni näk thøø odïmö ki køør luumma näk aciel na dhal dhaanhe acielli, a teeŋ kwøw mo nyïëdi noo kwøw jø wø ci met yi Jwøki mana päl jïge ki bëënynyö mana cïp ki køør ŋatøgø na aciel enø, na näk Jecu Krictø!

Wëëlö Mana Göör Pøølli Baŋ Jø Röm 8:3

Kiper gïna ba maar lønyø jï ciik Jwøk ki man tïïc gø kiper mana døøyi ya dëëlli mo jääk, atïïc Jwøki kanya jääŋ Wääde kiree, ki dëël mo caala dëër dhaanhø ni da raay en, ni tïme no olämi kiper raay, ni jääl raay ri dëël.

1 Körin 2:9

'Ba, kaawat man ii göörö en, ni «Gïï mo poot bäŋ waŋ mo oneen ge, wala ïth mo owïny ge, ni bäŋ cwïny ŋat mo odïët ge, beege gïïa jiiŋ Jwøki kiper jø wø mëër ki eni.»

2 Körin 1:5

'Ba kaawat man bëëtwa cooth en ni wa jøøya teeŋ gïïa leth na jwør Krictø, cwïnywa ocøm thuwø cooth ki køør Krictø.

2 Körin 1:7

'Ba ŋäädhe marwa kiperu kär dak. Kiper ŋäcwa ni keda man bëëdu en nou nywaaga gïï wø leth ni wø jwørwa, cwïnynyu ocøm thuwø ki teeŋ cøm cwïny marwa.

Galeecia 3:29

'Ba ni näk uuna mo Krictø, uuna nyïïkwaac Eeberam møn, ni uuna lwiidhi, kaawat mana kwøŋ buuk.

Galeecia 4:7

'Ba kawaane, kiper mana tïïc Jwøki, ï patha laŋŋø këët, 'ba ïïna wäädö. 'Ba ni näk ïïna wäädö, ïïna lwiidhø møn.

Epeca 3:6

Ni beeye ni juurre atïmö na lwiidhi ki jø Jwøk na aciel, ni gena dëël aciel, ni karge dagø ri buuk mana buuk ki ri Krictø Jecu ki køør luumma nyään na met.

Pilipay 1:29

'Ba ocïbö jïïu kiper nyeŋ Krictø, ki man jwørru gïï mo leth kipere, ni paa man jïëyu ni ŋääthu eni keere.

Pilipay 3:10

kiper naa tïma naa ŋäya eni, ki teek duunne wøk ki yi thøø, naa tïma naa nywaaga gïïa leth na jwøre, ni tïma kaamare ri thøwe;

Köløcia 1:24

'Ba kawaane, yia amïnnö ki gïïa leth ni wø jwøra kiperu. 'Ba ki dëëra man, a thööra gïïa dööŋ ri moa jwør Krictø kiper dëëre na näk acooŋ Jwøk.

Tayta 3:7

kiper nee ø ŋunni ki met yie, nee ø tïmø ni øøna lwiidhi ri ŋäädhe mar kwøw mana näk adïëri mo bäŋ cuŋŋe.

Ibaru 1:14

?Aŋø, ge paa jwïëy bëët ni wø tïny Jwøk, ni wø jääŋŋi kiper nee jø wø jïti ki pïëm man piem ge ki gø, nee bëënyge?

Ibaru 1:2

'Ba ki yïth nïne moi ii, ena cäänö ki øøni ki ri Wäädö, ŋata nyoodhe ni beeye lwiidhø mana en jammi bëët cere, ŋata ö eni thuwø na cwääc piny ki køøre,

Ibaru 6:17

Kiper manøgønø, kanya ö Jwøki na many man nyooth mare døøc mano tïïe jï lwiidhi ni wø ci buuki jïge, nee jootge ni luumme ba maar daaø, eni ree aput kïth yie ki kööŋ.

Jeemeth 2:5

'Ba wïnynyu nø, nyïïmera, u na mëëra ki uuni. ?Aŋø, Jwøk ba jier jø pinyi moa can na bëëde, nee kwärge ri ŋäädhe, ni ge tïmge na lwiidhi mo bura mana näk ee buuö jï jø wø mëër ki eni?

1 Piter 1:4

Ni joodø olaaw mana näk ba maar ränynyö, na näk bäŋ gïr raay ree, na näk ba jøøl, na näk okanø maal kiperu,

1 Piter 4:13

'Ba yïthu mïnge kaawat man bëëdu nou nywaaga gïïa leth na jwør Krictø, kiper nee yïthu mïnge ni ŋeethu kanyo nyooth ajiem mare.

Mana Nyooth 21:7

'Ba ŋato böödö, olaaw manøgø oci jïre, ni tïma ni aana Jwøk mare, ni tïme na wääda.

Mana Nyooth 3:21

«'Ba ŋato böödö, owëëga pïïn piny bäät wälla, keda mara na bööda, ni pïïa kanya ciel ki Wära bäät wälle.