Wëëlö Mana Göör Pøølli Baŋ Jø Röm 8:16 - Wëël Jwøk

¹⁶ beeye Jwïëc Jwøk kiree ni wø cäänö na aciel ki jwïëyø ni øøna nyïï Jwøk.

Wëëlö Mana Göör Pøølli Baŋ Jø Röm 8:16 Iomraidhean Croise

Odheea 1:10

'Ba kwään jø Icriel poot tïmö ni caala akwöny deŋ naama dwøŋ ni wø ba løny ki røm wala ki kwaan; ni købi ki geni, ni «Uuna wäät Jwøa kwøw;» yi paac mana wara købi jïge yie, no «U patha jiya.»

Mathiew 5:9

«Gwïëth en bäät jø wø tïïc bëët-mëër, kiper geno cwøl ni nyïï Jwøk.

Luk 20:36

Ni ge ba maar thøø këët, kiper ge röömi ka nyïïatwiet maal, ni gena nyïï Jwøk, na nyïï duun wøk ki yi thøø.

Jøøn 1:12

'Ba jøøa jïëy ki eni bëët na ŋääth nyeŋŋe, amooe ki teek ki man tïmge na nyïï Jwøk.

Moa Tïïc Nyïïatwieli 5:32

'Ba waana lïŋŋe kiper gïïögø, këël Jwïëc Jwøk thuwø na en kur keere na cïp Jwøki jï jø wø leŋ dwøre.»

Wëëlö Mana Göör Pøølli Baŋ Jø Röm 8:14

Kiper jiy bëët mo wø bwøth Jwïëc Jwøki, gena nyïï Jwøk.

Wëëlö Mana Göör Pøølli Baŋ Jø Röm 8:19

Kiper jammi bëët moa näk ocwääc Jwøki ge koora kanyo nyooth nyïï Jwøk yie, ni nyeŋge ege peerø.

Wëëlö Mana Göör Pøølli Baŋ Jø Röm 8:23

Ni paa gïïa näk ocwääö keerge ni wø cooyi, 'ba këël øøni ki dëëtø, øøna näk këël wï Jwøk mo Jwïëc Jwøk, ø wø cooyø ki cwïnynyø kany poodø ni ø køya kanyo ŋec øøni ni øøna nyïïe, ni beeye kanyo wiil dëëtø yie.

Wëëlö Mana Göör Pøølli Baŋ Jø Röm 8:26

Kaawat manøgø thuwø, Jwïëc Jwøk wø kønya øøni kiper mana jägø. Kiper lam mana døø lämö ki gø kuuø. 'Ba beeye Jwïëc Jwøk ki dëëre ni wø kwääö kiperø nyïm Jwøk, ni eni jwöŋö ki cwïnye bäre ki dwøl mo ba maar caan ki dhøk.

Wëëlö Mana Göör Pøølli Baŋ Jø Röm 9:26

«'Ba yi kanya kwøŋ ge cäännö yie kiree, no ‹U patha jiya,› bee geni noo cwøl ni ‹nyïï Jwøa kwøw.› »

Wëëlö Mana Göör Pøølli Baŋ Jø Röm 9:8

'Ba manøgø nyootha gø ni patha nyïëdi mo wø nywöli ki ec jaak noo tïmö na nyïï Jwøk, 'ba beege nyïëdi mo wø nywöli ki køør buuk ni wø jïëc ni gena nyïïkwaaye.

2 Körin 1:12

'Ba atöör marwa beeye en, kiper ŋäcwa ki cwïnywa ni waana bëëdö pinyi en ki bëëtö mana en kur keere na käl baŋ Jwøk, ni bäŋ atade yie, ni kadha bëëtö mana beetwa nyïmmu. Ni bëëtö marwa ba käl ri riek waŋ mar pinyi en, 'ba käla ri met yi Jwøk.

2 Körin 1:22

Ni mooc dëëtø ki ŋïï mare, ni kïth Jwïëye cwïnynyø na kuri.

2 Körin 5:5

'Ba ŋata jiiŋ waani kiper gïnögø kiree beeye Jwøk, ŋata wëëk Jwïëye waani na kuri.

2 Körin 6:18

«Noo caan Wuuö Jwøki na en teeki jïre, ni ‹Aano tïmö ni aana Wuuö jïïu, ni tïmu ni uuna wääta ki nyïïa.› »

Galeecia 3:26

Kiper uuna wäät Jwøk bëët ki køør mana ŋääthu Krictø Jecu.

Galeecia 4:6

'Ba kiper mana näk uuna wääte, Jwøk Jwïëc Wääde ajääŋŋe yïth cwïnynyø, ni wø jwöŋi na «Abba, Awuuö.»

Epeca 1:13

Ni beeye ki køøre na ö uuni thuwø, u na wïny luumma näk adïëri, luumma nyään na met na jootu pïëm ree man piem uuni ki gø, ni jïëyu ni ŋääthu eni, ni mooc uuni ki ŋïï na näk Jwïëc Jwøk na en kur keere, na kwøŋ buuk.

Epeca 4:30

Kär cwïny Jwïëc Jwøk na en kur keere wëëgu ränynyö, ŋata jootu ŋïï ree kiper cäŋo wïïr kwöri mou yie.

Tiet Ciik 14:1

«Uuni, uuna jic Wuuö Jwøk na näk Jwøu; kanyo näk mo dhaanhø jwöŋö kiper dhaanhø mo othøw, kär dëëre pwöde ki gïn mo beth, ni ba gwäär wïïe wøk.

1 Jøøn 3:1

Neennu a mëër mo nyïëdi na wëëk Wuue øøni, ki man cwøl øøni ni øøna nyïï Jwøk, ni näk adïëri. 'Ba gïn wø ö pinynyi wø kuc øøni, beeye kiper mana kuc eni.

1 Jøøn 3:10

Ni beeye gïnögø noo joot jø wø näk nyïï Jwøk ki jø wø näk nyïï anägö. 'Ba ŋat wø ba tïïc gïn mo beer, ki ŋat wø ba mëër ki coki, patha mar Jwøk.

1 Jøøn 3:2

Omëëya, øøna nyïï Jwøk ennø. 'Ba kïdö mano bëëdø ki gø poot ba nëëni. 'Ba ŋääø ni kanyo ööe ø tïmö kaamare. Kiper eno neenø keda man wø bëëde.

1 Jøøn 4:13

Ni beeye gïn en ni ŋääø gø ni ø bëëdö dëëre, ni bëëde dëëtø, kiper mana mëëk Jwïëye øøni.

1 Jøøn 5:10

ni ŋat wø jïëy ki O Jwøk, lïŋ ena cwïnye kiree. 'Ba ŋat wø ba jïëy ki Jwøk, døøya Jwøk twöt, kiper na käre jïëy ki lïŋ mana køp Jwøki kiper Wääde.

Mana Nyooth 21:7

'Ba ŋato böödö, olaaw manøgø oci jïre, ni tïma ni aana Jwøk mare, ni tïme na wääda.