Wëëlö Mana Göör Pøølli Baŋ Jø Röm 8:1 - Wëël Jwøk

¹ Kiper manøgønø, kawaane bäŋ ajäla bäät jø wø en dëër Krictø Jecu.

Wëëlö Mana Göör Pøølli Baŋ Jø Röm 8:1 Iomraidhean Croise

Aydheea 54:17

Bäŋ gïr leny mo di thäädhö kiper ränynyö marï mo thura kare. Jiy bëët moo kïth luup bäätï kar løøk böötï böötö. Manøgø beeye muuy mana cïp jï jic Wuuö Jwøk, ni beeye na tïmö ni bëënynyö marge mana cïba jïge. Luummögø caana aani, a na Wuuö Jwøk.»

Edhikiel 18:9

mo eni cäädhi ka køør luup 'moa ni ciik 'moa ee gwøø na kare, teeŋ ŋatøgø nø beeye dhaanhø mo bëëtö mare tiir; ka adïëri møn, eni bëëdö ni kwøw. Luummögø caana aani, a na Kwäärö Wuuö Jwøk.

Jøøn 14:20

'Ba dïcäŋöca oŋäyu naa ena ri Wära, ni enu raa, ni ena røgu.

Jøøn 15:4

Bëëdu dëëra, 'ba aano bëëdö dëëtu. Kiper ba løny jïïu keeru ki man kännu ki nyïëdi ni näk mou ba bëëdö dëëra, kaa mana ba lønye jï bat jaath ki man ŋweele ki nyïëdi keere, ni näk mo ba bëëdö ri jaath.

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Wëëlö Mana Göör Pøølli Baŋ Jø Röm 16:3

Määthu Paricka ka Akwila, jø wø tïïö ki aani na aciel ki nyeŋ Krictø Jecu.

Wëëlö Mana Göör Pøølli Baŋ Jø Röm 16:7

Määthu Andarönika ki Junia na näk jø powa, jøøa ena øt twöc ki geni. Gena jiy mo nyeŋge lïëŋ dï nyïïatwieli, ni ge ena ri Krictø naa poodi.

Wëëlö Mana Göör Pøølli Baŋ Jø Röm 5:1

'Ba kawaane na tïme ni øøno jïëö ni marø beer ki køør ŋäädhe, yïthakiyø ki Jwøk ajïtö ki bëët-mëër ki køør Kwääyø ma Jecu Krictø.

Wëëlö Mana Göör Pøølli Baŋ Jø Röm 5:16

Ni muuy mana cïp ba caal gïna duu luumma baac dhaanhe acielli. Kiper mana ŋøl piny na öö ki køør luubö mana näk aciel na dhal, akännö ka ajäl thøø. 'Ba muuy mana cïp na öö ki køør luup moa thööth na dhal, akännö ki jöö man ŋun jiy ki gø.

Wëëlö Mana Göör Pøølli Baŋ Jø Röm 7:17

Kiper manøgønø, patha aani këët ni wø tïïc gø, 'ba beeye raay ni wø bëëdö cwïnya.

Wëëlö Mana Göör Pøølli Baŋ Jø Röm 7:20

'Ba ni näk maa tïïya gïna ba daa manynyø, patha aani këët ni wø tïïc gø, 'ba beeye raay ni wø bëëdö cwïnya.

Wëëlö Mana Göör Pøølli Baŋ Jø Röm 8:11

'Ba ni näk Jwïëc ŋata tïŋ Jecu maal ki yi thøø bëëdö cwïnynyu, ŋata tïŋ Krictø Jecu maal ki yi thøø, dëëtu ni bëën thøø enø ocäŋ wëëk kwøw thuwø ki køør Jwïëye ni bëëdö cwïnynyu enø.

Wëëlö Mana Göör Pøølli Baŋ Jø Röm 8:14

Kiper jiy bëët mo wø bwøth Jwïëc Jwøki, gena nyïï Jwøk.

Wëëlö Mana Göör Pøølli Baŋ Jø Röm 8:2

Kiper kwøw mana cïp Jwïëc Jwøki ki ri Krictø Jecu, aana päde cer raay ki thøø.

Wëëlö Mana Göör Pøølli Baŋ Jø Röm 8:34

?Aŋa noo jääl dhaanhø? ?Beeye Krictø Jecu? Patha eni, kiper beeye eni na thøw, ni tïŋ maal ki yi thøø, ni en bäät cwïï Jwøk, ni wø kwääö kiperø.

Wëëlö Mana Göör Pøølli Baŋ Jø Röm 8:39

wala gïï mo ena maal, wala gïï mo ena piny tiet ŋøøm, wala gïn mør jaak dëët moa näk ocwääö bëët, bäŋ gïrpiny aciel dïge mo doo maara lønyø jïre ki man pää øøni ki mëëc Jwøk ni en dëër Krictø Jecu na näk Kwääyø.

Wëëlö Mana Göör Pøølli Baŋ Jø Röm 8:4

Ni manøgø tïïe kaper nee bëënynyö mana many ciik Jwøki nee thur kare dëëtø, ø wø caath køør Jwïëc Jwøk ni patha køør mo dëël.

Wëëlö Mana Göör Pøølli Baŋ Jø Röm 8:9

'Ba uuni, u ba en ri mo dëël. U ena ri mo Jwïëc Jwøk, ni näk Jwïëc Jwøk bëëdö cwïnynyu møn. Kiper ŋat wø Jwïëc Krictø tøør cwïnye, ŋatøgø patha mare.

1 Körin 1:30

Ni beeye eni na kïth uuni dëër Krictø Jecu, ŋata tïïc Jwøki na leec wïc marø, na näk ŋata jïëc ø kipere, ni cïp ø kur keerø na mo Jwøk, na wïïl ø wøk.

1 Körin 15:22

'Ba keda man wø thøw jiyi bëët ki kur Adam, kaawat manøgø thuwø, jiy bëët owëëk kwøw ki kur Krictø.

2 Körin 12:2

Da ŋat mo ŋääa ni ena dëër Krictø mo ojudhö ni kïthi yi dää maal køør cwiiri ma apaar kurŋween mo opöödhö, 'ba nee eni ena ri dëël wala ba en ri dëël kuua. Ŋäya Jwøki.

2 Körin 5:17

Kiper manøgønø, ni näk mo dhaanhø ena dëër Krictø, eno cwääö ni nyään. Ni ö bëëtö mana näk oruuö ni aae, ni tïm jammi bëët ni nyärö.

Galeecia 3:13

'Ba Krictø acïëni mana doo en bäätø kiper ciik Jwøk, awëënne, kiper mana tïme ni cien kaperø. Kiper ogöörö, na «Acïëni oen bäät jiy bëët mo wø 'näk no oŋaap bäät jaath.»

Galeecia 3:26

Kiper uuna wäät Jwøk bëët ki køør mana ŋääthu Krictø Jecu.

Galeecia 3:28

'Ba kawaane bäŋ ŋat Juuth wala ŋat Gïrïïk këët, ni bäŋe laŋŋø wala ŋat mo bëëdö ka wïïe keere, ni bäŋe thwønh wala maath, kiper uuna tïmö ni uuna aciel dëër Krictø Jecu.

Galeecia 5:16

'Ba a caana gø jïïu, ni caathu køør Jwïëc Jwøk, ni ba jïëyu ki gïï wø cac dëëlli.

Galeecia 5:25

'Ba ni näk mo ø bëënna Jwïëc Jwøk, wär cäädhø køør mo Jwïëc Jwøk thuwø.

Epeca 1:1

Aana Pøøl na nyïïatwiel mar Krictø Jecu ki køør mana many Jwøki. A määtha u na jø Jwøk ni wø ŋääth ki ri Krictø Jecu.

Pilipay 3:9

kiper naa joot naa ena dëëre, naa ba en dëëre kaper bëënynyö mana näk mara keera ni wø en ri ciik Jwøk, 'ba beeye bëënynyö man wø joot ki køør ŋäädhe ki ri Krictø, ni beeye bëënynyö man wø ööi ki baŋ Jwøk na näk ogöök ri ŋäädhe,