Wëëlö Mana Göör Pøølli Baŋ Jø Röm 7:7 - Wëël Jwøk

⁷ ?'Ba agïnaŋø noo caanø nø? ?Ø doo köö, ni ciik Jwøk beeye raay? Ba doo løny. Onää bäŋ ciik Jwøk, raay ba daa ŋääö. Ni rääc par gïr ŋat mør ba daa ŋääö, onää kär caan ciik Jwøki, ni «Kärï pädö.»

Wëëlö Mana Göör Pøølli Baŋ Jø Röm 7:7 Iomraidhean Croise

Wïlöölö 3:6

'Ba kanya ö dhaage na neen jaath na gïn mo orømø ki cam, ni nëëni na gïn mo mïërö ki nyeŋŋe, na jaath mo beer mo døøya waŋ dhaanhø mo riek, ena lwötö ri nyi gø ni cam gø, ni mëëk mør cwøre thuwø; ni ö cwøre ni cam gø.

2 Camiel 11:2

'Ba dïcäŋ aciel ki kur abøøya, nyeya aö maal ki bäät pëëm mare ni caath tiete yi øtø mare mana en bäät øtø maal; 'ba kanya cäädhe kaace, ena lwïthö piny ni jïte ki dhaagø mo lwøk. 'Ba dhaagø manøgø beeye dhaagø mo kïte mïërö døc.

Bwøth Wøk 20:17

«Kär cwïnyï päl ki po wadu; ni ba päth cwïnyï kiper cï wadu, wala ŋat tïïc mare ma dïcwøø wala dhaagø, wala rwaath mare wala arëën mare; këël gïn mør jaak mo mar wadu, kär cwïnyï päl kipere.»

Mikiya 2:2

Geni, cwïnyge døøŋŋø ki pwöth ni macge geni, ni päl cwïnyge ki uudi ni lwørge geni. Geni, jap dhaanhø wø lwørge lwørø ki paac mare, ni lwørge pwöth dhaanhø.

Mathiew 5:28

'Ba aani, a caana gø jïïu, ni ŋat wø neen dhaagø ni ee parø ki cwïnye, onø kännö ki luk ki gø ki cwïnye.

Luk 12:15

Ni kööe jïge, «Caarru wïthu ni gwøgu rou ki bëët päl cwïny bäre. Kiper dhaanhø bäŋ wø kwøw kiper jammi na thööth jïre.»

Luk 20:16

Eni öö ni 'näk jø puur moøgø ni cïp pwöthögø ceŋ jø møøk.» 'Ba na wïnyge gïnögø, gena köö, «Wui, gïnögø kär tägö!»

Moa Tïïc Nyïïatwieli 20:33

Bäŋ ŋat mo gwete yaa parø, wala warkey, wala abïïe.

Wëëlö Mana Göör Pøølli Baŋ Jø Röm 13:9

'Ba moa cem Jwøki, na kööe, ni «Kärï kännö ki luk, ni kärï nägö ki dhaanhø, ni kärï kwätö, ni kärï pädö,» ki møga bëët na cem, ena ri luummi na aciel en, na køp, ni «Ï doo mëër ki ŋat mør kaawat man wø mëërï ki dëërï.»

Wëëlö Mana Göör Pøølli Baŋ Jø Röm 3:20

Kiper bäŋ dhaanhø mo jïëc ni mare beer nyïm Jwøk ki køør tïïe moa en ri ciik Jwøk. Kiper beeye ciik Jwøk ni wø ö dhaanhe wø ŋäc raay ki køøre.

Wëëlö Mana Göör Pøølli Baŋ Jø Röm 3:5

?'Ba ni näk rääö marø beeye ni wø nyooth gø ni ŋøl luup mar Jwøk beeye adïëri, agïnaŋø nø noo caanø? ?Aŋø, ø doo köö ni mar Jwøk raac kany wø wëëre ki øøni? (Man caana en, caana kaawat man wø caan dhaanhe jaak.)

Wëëlö Mana Göör Pøølli Baŋ Jø Röm 4:1

?'Ba agïnaŋø noo caanø kiper kwarø ma Eeberam na kälø ree?

Wëëlö Mana Göör Pøølli Baŋ Jø Röm 4:15

Kiper ciik Jwøk käla ajäla, 'ba kany mo bäŋ ciik Jwøk, bäŋ gïn mo caan no odhalø yie.

Wëëlö Mana Göör Pøølli Baŋ Jø Röm 5:20

'Ba ciik Jwøk aci yie thuwø kiper nee rääc luumma dhal nyoodhe ni päl. 'Ba kanya ö raayi na pälle, met ec opällö ni kadha eni,

Wëëlö Mana Göör Pøølli Baŋ Jø Röm 6:15

?Agïnaŋø nø? ?Ø doo bääö kiper mana bëënnø met yi Jwøk ni ø ba bëën ciik Jwøk këët? Ba doo løny.

Wëëlö Mana Göör Pøølli Baŋ Jø Röm 7:11

Kiper raay ajïtö ki jöö ri mana cem Jwøki ni cøøkge aani ni 'näkge aani ki gø.

Wëëlö Mana Göör Pøølli Baŋ Jø Röm 7:13

?Aŋø, beeye gïna beer nø, na käl thøø dëëra? Ba doo løny. Beege raay na tïïc thøø dëëra ki køør gïna beer, kiper nee raay nyooth ni beeye raay møn, nee rääcge joot ni reyø døc ki køør mana cem.

Wëëlö Mana Göör Pøølli Baŋ Jø Röm 7:5

Kanya poodø ni ø bëënna moa wara cac dëëlli, gïïa reyø na wara nieŋø køørge, gena jiec ciik Jwøki, ni tïïge thäk dëëtø ni känge ki gïï mo duua thøø.

Wëëlö Mana Göör Pøølli Baŋ Jø Röm 7:8

'Ba raay ajïtö ki jöö ri mana cem Jwøki, ni kïth cwïnya ki teeŋ par gïï mo thööth døc. Kiper kanya bäŋe ya ciik Jwøk, raay bëëdö no othøw.

1 Körin 15:56

Kac mar thøø beeye raay. Ni teek mar raay beeye ciik Jwøk.

Epeca 5:3

'Ba bëët käp, ki rääö, ki päl cwïny kär nee wïnyö dïïu na bäre bäre, kiper gïïögø beege gïïa ba beyø kiper jø Jwøk.

Tiet Ciik 5:21

« ‹Kär cwïnyï pädhö kiper cï wadu, ni ba päl cwïnyï ki øt wadu, wala pwödhö mare, wala ŋat tïïc mare ma dïcwøø wala dhaagø, wala rwaath mare wala arëën mare; këël gïn mør jaak mo mar wadu, kär cwïnyï päl kipere.›

Köløcia 3:5

Kiper manøgønø, 'nägu jap piny ni en cwïnynyu, teeŋ kaa käp, ki rääö, ki gïïa reyø wø nieŋ cwïnynyu køørge, ki many raay, ki päl cwïny, na näk beeye wøør juu møøk.

1 Thecalönika 4:5

ni ba en ri bëët käp, kaawat man wø tïïc juurre, jø wø kuc Jwøk.

Ibaru 7:19

Kiper bäŋ gïn mo otïïc ciik Modhe no othur kare. 'Ba ki løøk maya, ŋäädhe mar yi nyïm mana beerra eni, apïï, ni beeye gïn wø nyiigø buut Jwøk ki køøre.

Jøcua 7:21

Aani, ki røk jammi moa twier bëët, kanya jooda abïï mo mïërö mo tïïca paana cwøl ni Cinaar, ki warkey ma lwøŋŋø ma rumme ma pïërabïïc mar rumi mana cwøl ni cekel, ki gwel-bïrö ma rumme ma dïpe ariiø mar rumi mana cwøl ni cekel, cwïnya atïmö ni päl ki ge ni lwøra geni. 'Ba ennø, gïïögø okoony piny yo oduŋkaara mana näk mara, ni gwel-bïrö beeye ni en ya aŋuudi piny tiet gïïögø bëët.»