Wëëlö Mana Göör Pøølli Baŋ Jø Röm 7:5 - Wëël Jwøk

⁵ Kanya poodø ni ø bëënna moa wara cac dëëlli, gïïa reyø na wara nieŋø køørge, gena jiec ciik Jwøki, ni tïïge thäk dëëtø ni känge ki gïï mo duua thøø.

Wëëlö Mana Göör Pøølli Baŋ Jø Röm 7:5 Iomraidhean Croise

Mathiew 15:19

Kiper acaare moa reyø wø ööi ka yi cwïny, teeŋ ka 'näk, ki luk, ki käp, ki käw, ki caan gïn mo patha adïëri, ki waac nyeŋ.

Jøøn 3:6

Gïn wø nywøl dëëlli beeye dëël, 'ba gïn wø nywøl Jwïëc Jwøki beeye jwïëy.

Wëëlö Mana Göör Pøølli Baŋ Jø Röm 1:26

Kiper manøgønø, gena wec Jwøki ki man bëëtge ni cwïnyge onieŋ ri gïï wø lää wïci ki ge. Ni ö määrge ni wiilge bëëtö mana dege bëëdö ki gø, ni tïïge ki gïï mo ba doo maara tïïc.

Wëëlö Mana Göör Pøølli Baŋ Jø Röm 3:20

Kiper bäŋ dhaanhø mo jïëc ni mare beer nyïm Jwøk ki køør tïïe moa en ri ciik Jwøk. Kiper beeye ciik Jwøk ni wø ö dhaanhe wø ŋäc raay ki køøre.

Wëëlö Mana Göör Pøølli Baŋ Jø Röm 4:15

Kiper ciik Jwøk käla ajäla, 'ba kany mo bäŋ ciik Jwøk, bäŋ gïn mo caan no odhalø yie.

Wëëlö Mana Göör Pøølli Baŋ Jø Röm 5:20

'Ba ciik Jwøk aci yie thuwø kiper nee rääc luumma dhal nyoodhe ni päl. 'Ba kanya ö raayi na pälle, met ec opällö ni kadha eni,

Wëëlö Mana Göör Pøølli Baŋ Jø Röm 6:13

Ni käru nou wëëga thäk dëëtu raay ni gena gïï wø tïïc gïï mo reyø. 'Ba cïpu dëëtu jï Jwøk ni uuna jiy mo okäl wøk ki yi thøø, ni cäŋge kwøw. Ni cïpu thäk dëëtu jï Jwøk na gïï wø tïïc gïï mo beyø.

Wëëlö Mana Göör Pøølli Baŋ Jø Röm 6:19

'Ba man caana en, a cäänö keda man wø caan dhaanhe, kiper mana tïme ni teek jïïu ki man laar ci cwïnynyu. 'Ba kawaane cïpu thäk dëëtu jï gïïa beyø nee tïmge ni ena kur keerge na mo Jwøk, kaawat mana kwøŋu thäk dëëtu cïp jï gïï mo patha adïëri ki rääö mo raac døc.

Wëëlö Mana Göör Pøølli Baŋ Jø Röm 6:21

?'Ba kanyøca nø, agïnaŋø na duu japøka ni wïthu olää ki ge kawaane yøø? Cuŋ japøgø beeye thøø.

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

Wëëlö Mana Göör Pøølli Baŋ Jø Röm 7:23

'ba da gïn mør mo wø jooda joodø thäk dëëra mo këëdö ki luubö mana en wïïa, ni tïïya aani ni aana laŋ raay mo otwöö, ni bëëdö thäk dëëra.

1 Körin 15:56

Kac mar thøø beeye raay. Ni teek mar raay beeye ciik Jwøk.

2 Körin 10:3

Kiper këël man bëëtwa piny en, wa ba leny teeŋ leny man wø këël jø pinynyi.

Galeecia 3:10

Kiper jiy bëët mo wø ŋääth tïïe moa en ri ciik Jwøk, acïëni ena bäätge. Kiper ogöörö, na «Acïëni oen bäät jiy bëët mo wø ba gwøk jammi bëët moa näk ogöör yi wëël ciik Jwøk, ki man tïïcge ge.»

Galeecia 5:24

'Ba jøøa näk mo Krictø Jecu, gïï wø many dëëlli agurge bäät jaadha no odëëdö, ki jape na reyø wø caye.

Epeca 2:11

Kiper manøgønø, parru wïthu ni u nywöli ni uuna juurre dïkwøŋ, nou cøøri nou patha odaŋø ki jï jøøa näk odaŋø, ni beeye daŋ man wø tïïc ki cenø dëël.

Epeca 2:3

'Ba gïïögø bëët, øøna kwøŋ bëëtö yïthge na bëënnø japa reyø na many cwïnynyø, na caadhø køør gïï wø many dëëlli ki cwïny, ni bëëdø ni øøna jø raay kaamar jøw bëët, ni wëëc Jwøk ena bäätø.

Köløcia 3:5

Kiper manøgønø, 'nägu jap piny ni en cwïnynyu, teeŋ kaa käp, ki rääö, ki gïïa reyø wø nieŋ cwïnynyu køørge, ki many raay, ki päl cwïny, na näk beeye wøør juu møøk.

Tayta 3:3

Kiper øøni ki dëëtø, øøna kwøŋ bëëtö ni øøna bøøre, na jø adhala, ni wïthø omaaŋŋø, ni øøna laaŋe jï gïïa reyø na en cwïnynyø, ki teeŋ gïïa many dëëtø bëët, ni thöörø ruun 'moø bëët ni cwïnynyø cøl ki jiy ni ø gwönö, ni jiy män ki øøni, ni ø män ki røgø.

Jeemeth 1:15

Køøre gïn wø nieŋ ri gø, wø jïtö ki nyey ni nywøl raay. 'Ba kany wø døøŋ raayi, wø käla thøø.

Jeemeth 4:1

?Agïnaŋø ni wø käl lenye ki wëëye dïïu? ?Aŋø, patha gïïa reyø ni wø nieŋ cwïnynyu køørge ni wø këëdi yïth cwïnynyu?

1 Jøøn 3:4

Jiy bëët mo wø bääö wø dhala ciik Jwøk. Kiper bääyö beeye dhal ciik Jwøk.