Wëëlö Mana Göör Pøølli Baŋ Jø Röm 7:4 - Wëël Jwøk

⁴ Kaawat manøgø thuwø, nyïïmera, uuna nø thøw ni ciik Jwøk jïre bäŋ teek bäätu këët ki køør dëër Krictø, nou tïmu ni uuna moe, eni na tïŋ maal ki yi thøø, kiper nøø tïïø ki gïï mo beyø jï Jwøk.

Wëëlö Mana Göör Pøølli Baŋ Jø Röm 7:4 Iomraidhean Croise

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Aydheea 62:5

Kaawat man wø ö dïcwøø wø nywøm nyakøø, ï na Jerucalem thuwø wäätï omëëyi ki ïïni; kaawat man wø ö dïcwøø wø mïn yie kany wø tïŋ cïïe na dhaagø thiinh, Jwøk marï thuwø yie mïnnö ki ïïni.

Mathiew 26:26

'Ba kanya pootge ni ge cämö, Jecu alwötö ki møø, ni gwïëth gø, ni pøt gø, ni mëëk gø bääŋi, ni kööe, ni «Lwørru ni cammu gø. Man beeye dëëra.»

Maak 4:20

'Ba köödhi moa jør yi ŋöömma beer beege jø wø wïny luum Jwøk, ni jïëcge gø, ni känge ki nyeŋ. Ni møøk käla pïëradäk, ni møøk käla pïërabïciel, ni kän møga ki dïpa.»

Jøøn 15:8

'Ba beeye gïn wø käl ajiem jï Wära, ni näk mou kännö ki nyïëdi mo thööth ni dëëtu you nyoodhø ni uuna bääga.

Jøøn 3:29

'Ba ŋat wø nyöömmi beeye na wää dhaagø thiinh. 'Ba lwöm wää nywömmi ni wø cuŋŋi ni wïnynya mare, yie wø mïnnö døc kany wø wïny dwør wää nywömmi. Ni beeye na mïn yia døøc kawaane.

Jøøn 6:51

'Ba beeye aani na møk kwøw mana öö ki maal na ö piny. Noo dee ŋat mo cam møgøgøøni, eni okwøw na bäre bäre. 'Ba møgo cïba kiper nee jø piny kwøwge, beeye dëëra.»

Wëëlö Mana Göör Pøølli Baŋ Jø Röm 6:11

Kaawat manøgø uuni thuwø, wär dëëtu caarru ni uuno thøw ni raay bäŋ teek bäätu këët, ni cäŋu kwøwø jï Jwøk ki ri Krictø Jecu.

Wëëlö Mana Göör Pøølli Baŋ Jø Röm 6:14

Kiper raay ba doo tïmö na kwäärö bäätu, kiper mana tïme nou ba bëën ciik Jwøk, 'ba u bëënna met yi Jwøk.

Wëëlö Mana Göör Pøølli Baŋ Jø Röm 6:2

Ba doo løny. ?Øøni na näk othøw ni teek raay bäŋgø bäätø këët, øøna døø poodø ni ø bëëdö yïth raay nidïï?

Wëëlö Mana Göör Pøølli Baŋ Jø Röm 6:22

'Ba kawaane na nø pät uuni ceŋ raay, ni tïmu na laaŋe mo Jwøk, gïna duue jïïu, uuna tïmö nou ena kur keeru na mo Jwøk, ni cuŋŋe beeye kwøw mana näk adïëri mo bäŋ cuŋŋe.

Wëëlö Mana Göör Pøølli Baŋ Jø Röm 7:3

Kiper manøgønø, ni näk mo eni cøø ni bëëde ki dïcwøø mør ni cwøre poot kwøw, eni di cwølø ni kääbi. 'Ba ni näk mo cwøre othøw, eno pädö ri gïna caan ciiki. Køøre ni näk mo eni nywøm dïcwøø mørri nywømø, mare patha käp.

Wëëlö Mana Göör Pøølli Baŋ Jø Röm 7:6

'Ba kawaane øøna dööŋ wøk ri ciik Jwøk, ni thøø jï gïna kwøŋ øøni mak ki teek, ni tïme ni ø ba tïny luubö mana kwøŋ göör na näk oruuö, 'ba ø tïnynya kwøw mana nyään na en ri Jwïëc Jwøk.

Wëëlö Mana Göör Pøølli Baŋ Jø Röm 8:2

Kiper kwøw mana cïp Jwïëc Jwøki ki ri Krictø Jecu, aana päde cer raay ki thøø.

1 Körin 10:16

?Aŋø, athöönh gwïëth man wø dwøgø pwøc kipere, paa dwätö eni ri rem Krictø? ?A møø man wø pøtø, paa dwätö eni dëër Krictø?

2 Körin 11:2

Kiper gïru yaa keeø ki keec man wø näk mar Jwøk. Kiper u yaa miiø jï Krictø, nou cïba jïre keda dhaagø thiinh mo dëëre joota cwøre keere.

Galeecia 3:13

'Ba Krictø acïëni mana doo en bäätø kiper ciik Jwøk, awëënne, kiper mana tïme ni cien kaperø. Kiper ogöörö, na «Acïëni oen bäät jiy bëët mo wø 'näk no oŋaap bäät jaath.»

Galeecia 5:18

'Ba ni näk uuno bwøth Jwïëc Jwøki, luum ciik Jwøk ba en bäätu këët.

Epeca 2:15

ki køør mana dïïm ciik moa cem ki luupa en yïthge ki rïŋ dëëre, kiper nee cwääc na dhaanhø aciel mo nyään ki ree na kar ariiø, ni tïïya bëët-mëër,

Pilipay 1:11

nou bëëdu ni cwïnynyu päŋ ki nyïï bëënynyö mo wø ööi ki køør Jecu Krictø, nee Jwøk jiem ni pwøi ki køøru.

Pilipay 4:17

'Ba aani, a ba neet køny, 'ba a neeta gïna beer ni wø meet ree, noo cïp jïïu.

Köløcia 1:10

nou bëëdu ki bëëtö mo beer mo rømø jï Wuuö, ni tïïyu gïï wø met yie ki geni keerge, nou kännö ki nyïëdi yïth tïïe moo beyø moo tïïyu bëët, ni meetu mana ŋäyu kiper Jwøk,

Köløcia 1:22

kawaane, uuna dwøk baŋe ki køør thøw Jecu, na cïp rïŋ dëëre, kiper nou kïth nyïme nou ena kur keeru, ni bäŋ ajäla dëëtu, ni bäŋ gïn mo jøøŋŋi dëëtu nyïme,

Köløcia 1:6

na ö baŋu, kaawat mana keethe møn yi piny bäre ni känne ki nyïëdi ni nyaae, kaawat mana tïïc dïïu thuwø dïcäŋa wïnynyu gø yie, ni kwanynyu tier met yi Jwøk ka adïëri,

Köløcia 2:14

ni wec luubö mana doo caanø dëëtø, na dee marø ŋøl piny ki køøre. Luummögøøni alwøre, ni guri bäät jaadha no odëëdö.

Köløcia 2:20

?'Ba ni näk uuno thøw ki Krictø na aciel jï juu mo bäät piny, aŋø ni poot bëëdu keda uuna mo piny en? ?Na aŋø wø leŋŋu dööt jiy mo wø köö,

Ibaru 10:10

Ni beeye manøce na many Jwøki na tïïc øøni ni ø ena kur keerø, ki køør dëër Jecu Krictø na cïp no olämi yie aciel na bäre bäre.

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.

Mana Nyooth 19:7

Yïthø mïnge ni kanynyø ni jiemø eni, kiper nywöm mar Nyidiel apïï, ni dhaagø thiinh mare dëëre ee nø jiiŋŋø.

Mana Nyooth 21:9

Kanyøgø nyïïatwiel aciel røk nyïïatwiet maal moa näk abïriiø, jøøa käär kuuya näk abïriiø na päŋ ki jap räny piny moa näk abïriiø na näk aŋuudi ena öö ni luupe ki aani, ni kööe, ni «Ööï, nee dhaagø thiinh na näk cï Nyidiel nyutha ïïni.»