Wëëlö Mana Göör Pøølli Baŋ Jø Röm 7:18 - Wëël Jwøk

¹⁸ Kiper ŋääa ni bäŋ gïn mo beer jïra mo en dëëra. Løny jïra ki man caya gïn mo beer, 'ba ba løny jïra ki man tïïa gø.

Wëëlö Mana Göör Pøølli Baŋ Jø Röm 7:18 Iomraidhean Croise

Wïlöölö 6:5

Ni ö Wuuö Jwøki ni joot rääö mar dhaanhø no opällö bäät piny, ni gïï wø caar dhaanhe bëët ki cwïnye beege gïï mo reyø keerge.

Wïlöölö 8:21

Ni ö Wuuö Jwøki ni ŋwääc gïna duuŋ ni met, ni kööe ki cwïnye, ni «Aani køør man nø, piny ba cäŋa ciennø këët kiper gïna tïïc dhaanhe. Kiper acaac dhaanhø man wø caare ki cwïnye ki mana täge thïnhö cøøn beeye acaara mo raac cooth. Aani thuwø gïïa näk kwøw bëët ba cäŋa raanynyø këët kaawat mana tïïa en.

Jööp 14:4

?Aŋa ni løny jïre ki man tïïc gïn mo ba waany ni waany? Bäŋ dhaanhø mo løny jïre!

Jööp 25:4

?Aŋø, bëët dhaanhø tïme ni tiir nidïï nyïm Jwøk? ?Dhaanhø man no onywøl dhaage en, bëëtö mare tïme ni waany nidïï?

Aydheea 64:6

Kiper waani bëët, waana tïmö kaamar dhaanhø mo ba waany, ni ö japa beyø bëët na tïïcwa ni tïmge kaamar nywan abïï mo ree da gïn mo raac; waani bëët, waana tïmö kaamar bøøŋ jaath mo otal, ni ö raayi mowa ni køølge wa kaawat man wø tïïc jamø.

Mathiew 15:19

Kiper acaare moa reyø wø ööi ka yi cwïny, teeŋ ka 'näk, ki luk, ki käp, ki käw, ki caan gïn mo patha adïëri, ki waac nyeŋ.

Luk 11:13

?'Ba ni näk u na näk jø raay muuö ŋäyu ki man cïpu ki muuce mo beyø jï nyïïu, a Wääu ni en maal nø, okääŋe nidïï ki man cïp Jwïëc Jwøk na en kur keere jï jø wø pëëny eni?»

Jøøn 3:6

Gïn wø nywøl dëëlli beeye dëël, 'ba gïn wø nywøl Jwïëc Jwøki beeye jwïëy.

Wëëlö Mana Göör Pøølli Baŋ Jø Röm 13:14

'Ba dëëtu wär cïpu jï Kwäärö ma Jecu Krictø, ni ba wëënnu dëël ki jöö man tïïc gïï wø manynye.

Wëëlö Mana Göör Pøølli Baŋ Jø Röm 7:15

Ni gïna tïïa gïï kipere kuua. Kiper a bäŋ wø tïïc gïna daa tïïö, 'ba beeye gïna mäna ki gø kiree ni wø tïïa.

Wëëlö Mana Göör Pøølli Baŋ Jø Röm 7:19

Kiper a bäŋ wø tïïc gïna beer na daa manynyø. 'Ba beeye raay na ba daa manynyø ni wø tïïa.

Wëëlö Mana Göör Pøølli Baŋ Jø Röm 7:25

'Ba pwøc en jï Jwøk ki køør Jecu Krictø na näk Kwääyø. 'Ba kawaane nø, a tïnynya ciik Jwøk ki luumma en wïïa, 'ba ki rïŋ dëëra a tïnynya mo raay.

Wëëlö Mana Göör Pøølli Baŋ Jø Röm 7:5

Kanya poodø ni ø bëënna moa wara cac dëëlli, gïïa reyø na wara nieŋø køørge, gena jiec ciik Jwøki, ni tïïge thäk dëëtø ni känge ki gïï mo duua thøø.

Galeecia 5:17

Kiper gïï wø cac dëëlli män ki gïï wø many Jwïëc Jwøki. Ni ö Jwïëc Jwøki ni mäne ki gïï wø many dëëlli. Kiper gïïögø män ki rege, ni ge mäna uuni ki mana dou tïïö.

Galeecia 5:24

'Ba jøøa näk mo Krictø Jecu, gïï wø many dëëlli agurge bäät jaadha no odëëdö, ki jape na reyø wø caye.

Pilipay 2:13

Kiper beeye Jwøk ni wø tïïö cwïnynyu, ni mooya uuni ki teek ki man tïïyu moe na met yie ki ge.

Pilipay 3:12

Naa ba caan gø ni moøgø bëët onø ö jïra, wala aano nø thur kara. 'Ba dëëra yaa maa, nee tïïa na mara, kiper Krictø Jecu aana nø tïïe na mare.

Tayta 3:3

Kiper øøni ki dëëtø, øøna kwøŋ bëëtö ni øøna bøøre, na jø adhala, ni wïthø omaaŋŋø, ni øøna laaŋe jï gïïa reyø na en cwïnynyø, ki teeŋ gïïa many dëëtø bëët, ni thöörø ruun 'moø bëët ni cwïnynyø cøl ki jiy ni ø gwönö, ni jiy män ki øøni, ni ø män ki røgø.

1 Piter 4:2

kiper nee nïre moa no odööŋ moo beede piny, nee ba beede këët ni cwïnye onieŋ køør gïïa reyø ni wø many dhaanhe, 'ba nee bëën moa many Jwøki.