Wëëlö Mana Göör Pøølli Baŋ Jø Röm 7:11 - Wëël Jwøk

¹¹ Kiper raay ajïtö ki jöö ri mana cem Jwøki ni cøøkge aani ni 'näkge aani ki gø.

Wëëlö Mana Göör Pøølli Baŋ Jø Röm 7:11 Iomraidhean Croise

Wïlöölö 3:13

Kanyøgø Wuuö Jwøk aköö jï dhaagø, na «?Agïnaŋø ni iï tïïö en?» Ni kö dhaage, ni «Aana cøøk thwölli ni cäma.»

Aydheea 44:20

Teeŋ ŋatøgø tïmö ni cama bur, ni bee cwïny man wø cøøk dhaanhø na tïïc eni nee gaa wøk. Ni ba løny jïre ki man piem dëëre, ni dëëre ba pëënynye, na «?Aŋø, man paa tööt ni cer cwïïa en?»

Jeremaya 17:9

Cwïny dhaanhø yie da cwøk mo kaala jammi bëët, ni rääye okadhø døc; ?Aŋa noo ŋäc acaac gø?

Jeremaya 49:16

Wui, u ni wø bëëdö yïthakic kïte, ni bäät thuuri moa bäyö you maaø, lwär mana lwäär uuni ki gø, ka atöör mana en cwïnynyu, wïthu amaaŋge. Këël kwör bëëte mou doo ena maal kaamar øt odhuuth, u 'duua pinyi en ki kaace.

Obadiya 1:3

Atöör mana en cwïnyï ïïna nøøne, ï na no ogëët bäät kïte, ni tïïyï kar bëëtö marï ni ena maal, ni bee ïïni ni wø cään dëëre keere, na ‹?Aŋa noo dwøk aani piny yïth ŋøøm?› »

Wëëlö Mana Göör Pøølli Baŋ Jø Röm 3:20

Kiper bäŋ dhaanhø mo jïëc ni mare beer nyïm Jwøk ki køør tïïe moa en ri ciik Jwøk. Kiper beeye ciik Jwøk ni wø ö dhaanhe wø ŋäc raay ki køøre.

Wëëlö Mana Göör Pøølli Baŋ Jø Röm 7:13

?Aŋø, beeye gïna beer nø, na käl thøø dëëra? Ba doo løny. Beege raay na tïïc thøø dëëra ki køør gïna beer, kiper nee raay nyooth ni beeye raay møn, nee rääcge joot ni reyø døc ki køør mana cem.

Wëëlö Mana Göör Pøølli Baŋ Jø Röm 7:8

'Ba raay ajïtö ki jöö ri mana cem Jwøki, ni kïth cwïnya ki teeŋ par gïï mo thööth døc. Kiper kanya bäŋe ya ciik Jwøk, raay bëëdö no othøw.

Epeca 4:22

Weyu bëëtö maru mana dïkwøŋ na kwøŋu bëëtö ki gø na raac ki køør japa reyø na nieŋ cwïnynyu køørge na cøøk uuni.

Ibaru 3:13

'Ba beerra man köömmu røgu keeru cooth, kany poode na dïcäŋi en, nee bäŋe ya dhaanhø aciel dïïu mo cwïnye tïmö ni teek kiper mano cøøgi ya raayi.

Jeemeth 1:22

'Ba bëëdu ni uuna jø wø tïïc luum Jwøk, ni ba tïmu nou wïnynya luubö keere nou cøøga dëëtu.

Jeemeth 1:26

'Ba ni näk da ŋat mo dëëre ee caarø ni ena ŋat Jwøk, ni leebe käre gwøø, eni cøøga ree keere, ni lam mare bäŋ tiere.