Wëëlö Mana Göör Pøølli Baŋ Jø Röm 6:23 - Wëël Jwøk

²³ Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

Wëëlö Mana Göör Pøølli Baŋ Jø Röm 6:23 Iomraidhean Croise

Wïlöölö 2:17

'Ba jaath wø ŋäc gïn mo beer ki gïn mo raac ki køøre, kär nyïïe camï. Kiper dïcäŋo kööï ni nyaare camï camø, ï puta thøø møn.»

Wïlöölö 3:19

Cam marï ojootï ki køør kwäk marï këël mano tïme ni ŋuuda thøø marï no døøï yi ŋöömö, kiper ï käla ree. Ï käla ri ŋöömö; køøre ï døøa yi ŋöömö.»

Pwöc Leec Wïc 11:19

Ŋat wø bëëdö ri bëënynyö mana näk adïëri, jïtö ki kwøw, 'ba ŋat wø caath køør raay wø käla thøø bääte keere.

Aydheea 3:11

Wui, otïmö ni leth jï jø raay! Ränynyö ööa bäätge! Kiper gïïa reyø na tïïcge ki ceŋge døøa wïthge.

Aydheea 3:9

Gïïa reyø na tïïcge nëënö täärnyïmge, ni ge bëëdö ni ge nyøtha raay moge kaamar Cødam, ni raay moge ba maarge kan. Wui, otïmö ni leth jïge, kiper gïïa reyø na kälge bäätge!

Edhikiel 18:20

Kiper ŋat wø tïïö ki raay bee eni noo thøw. Nyilaal ba doo jäälö kiper raay moa tïïc wänni, ni wuuö ba doo jäälö kiper raay moa tïïc wääde. Ŋata beer wø maga japa beyø na tïïe, ni ŋata raac japa reyø na tïïe dwøga wïïe.

Edhikiel 18:4

Ka adïëri møn, jwïëy mo jiy bëët beege 'moa; jwïëy mo wëëe ki jwïëy mo obwöre beege 'moa ge bëët. Ŋat wø tïïö ki raay bee eni noo thøw.

Mathiew 25:46

«Kanyøgø jøøgø geno ci kar ajäla mo bäŋ cuŋŋe, ni ö jøøa marge beer ni cige kar kwøw mana näk adïëri na bäŋ cuŋŋe.»

Jøøn 10:28

Ni cïpa jïge ki kwøw mana näk adïëri mo bäŋ cuŋŋe. 'Ba ge ba doo maara ränynyö, ni bäŋ ŋat mo doo gwëën ge wøk cera.

Jøøn 17:2

kaa mana wëëgï gø teek bäät jiy bëët, kiper nee cïpe ki kwøw mana näk adïëri mo bäŋ cuŋŋe jï moa cïpï jïre bëët.

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Jøøn 4:36

Ŋat wø kää wø jïtö ki jammi, ni cooŋ moa no ociek kiper kwøw mana näk adïëri na bäŋ cuŋŋe, kiper nee dïpïïdhi ki dïkääy tïmge ni yïthge met bëët.

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Jøøn 6:27

Kär røgu ööllu kiper cam man wø ränynyi, 'ba tïïu kiper cam mano bëëdö, ni beeye mano këët ri kwøw mana näk adïëri mo bäŋ cuŋŋe, mano cïp Wär Dhaanhe jïïu. Kiper beeye eni na ö Jwøki na näk Wuuö na jïëe ki eni ni kïth ŋïï mare dëër gø.»

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Jøøn 6:68

Ni løgi ya Cayman Piterri jïre, «?Wui Kwäärö, waano ciwa baŋ ŋa? Luum kwøw mana näk adïëri na näk bäŋ cuŋŋe ena baŋï.

Wëëlö Mana Göör Pøølli Baŋ Jø Röm 1:32

'Ba këël na ŋäcge luumma cem Jwøki, ni jø wø tïïc teeŋ gïïögø, marge wø rømi ka thøø, ge poot bëëdö ni ge tïïya teeŋ gïïögø, ni ge jïëy ki jø wø tïïc teeŋ gïïögø thuwø.

Wëëlö Mana Göör Pøølli Baŋ Jø Röm 2:7

Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.

Wëëlö Mana Göör Pøølli Baŋ Jø Röm 5:12

'Ba raay atägö bäät piny ki køør dhaanhø aciel, ni ö thøøe ni ööe ki køør raay, ni tïm thøøe ni nyaa bäät jiy bëët, kiper mana näk jiy obääyö bëët.

Wëëlö Mana Göör Pøølli Baŋ Jø Röm 5:17

'Ba ni näk thøø odïmö ki køør luumma näk aciel na dhal dhaanhe acielli, a teeŋ kwøw mo nyïëdi noo kwøw jø wø ci met yi Jwøki mana päl jïge ki bëënynyö mana cïp ki køør ŋatøgø na aciel enø, na näk Jecu Krictø!

Wëëlö Mana Göör Pøølli Baŋ Jø Röm 5:21

kiper nee met yi Jwøk tïme ni dwøŋŋa eni ki køør bëënynyö mano cööp ri kwøw mana näk adïëri mo bäŋ cuŋŋe ki køør Jecu Krictø na näk Kwääyø, kaawat mana ö raayi na dïïm jiy dïkwøŋ na känne ki thøø.

Wëëlö Mana Göör Pøølli Baŋ Jø Röm 6:16

?Aŋø, kuyu ni ni näk dëëtu you cïbö jï ŋat mør ni uuna laaŋe mo leŋa luupe, u puta tïmö ni uuna laaŋe jï ŋata dwøre leŋŋu? 'Ba ni näk mou leŋa dwør raay, cuŋŋe beeye thøø, 'ba ni näk mou leŋa dwør Jwøk, cuŋŋe beeye bëënynyö.

Wëëlö Mana Göör Pøølli Baŋ Jø Röm 6:21

?'Ba kanyøca nø, agïnaŋø na duu japøka ni wïthu olää ki ge kawaane yøø? Cuŋ japøgø beeye thøø.

Wëëlö Mana Göör Pøølli Baŋ Jø Röm 8:13

Kiper ni näk mou bëëdö nou tïïya gïï wø cac dëëlli, u thøw. 'Ba ni näk tïïe mo dëël you wëëk thøø ki køør Jwïëc Jwøk, uuno kwøw.

Wëëlö Mana Göör Pøølli Baŋ Jø Röm 8:38

Kiper ŋääa døøc ni thøø, wala kwøw, wala nyïïatwiet maal, wala gïïa jïge da teek maalø, wala gïï ni nutö ii, wala japo ööi, wala moa jïge da teek,

Wëëlö Mana Göör Pøølli Baŋ Jø Röm 8:39

wala gïï mo ena maal, wala gïï mo ena piny tiet ŋøøm, wala gïn mør jaak dëët moa näk ocwääö bëët, bäŋ gïrpiny aciel dïge mo doo maara lønyø jïre ki man pää øøni ki mëëc Jwøk ni en dëër Krictø Jecu na näk Kwääyø.

Wëëlö Mana Göör Pøølli Baŋ Jø Röm 8:6

Ki man cïp cwïny køør dëël beeye thøø. 'Ba ki man cïp cwïny køør Jwïëc Jwøk beeye kwøw ki bëët-mëër.

Galeecia 3:10

Kiper jiy bëët mo wø ŋääth tïïe moa en ri ciik Jwøk, acïëni ena bäätge. Kiper ogöörö, na «Acïëni oen bäät jiy bëët mo wø ba gwøk jammi bëët moa näk ogöör yi wëël ciik Jwøk, ki man tïïcge ge.»

Tayta 1:2

kiper mana ŋääthge kwøw mana näk adïëri mo bäŋ cuŋŋe mana buuk Jwøki cøøn, eni na kuc tööt.

Jeemeth 1:15

Køøre gïn wø nieŋ ri gø, wø jïtö ki nyey ni nywøl raay. 'Ba kany wø døøŋ raayi, wø käla thøø.

1 Jøøn 2:25

'Ba gïna buue jïïø beeye kwøw mana näk adïëri mo bäŋ cuŋŋe.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»