Wëëlö Mana Göör Pøølli Baŋ Jø Röm 6:21 - Wëël Jwøk

²¹ ?'Ba kanyøca nø, agïnaŋø na duu japøka ni wïthu olää ki ge kawaane yøø? Cuŋ japøgø beeye thøø.

Wëëlö Mana Göör Pøølli Baŋ Jø Röm 6:21 Iomraidhean Croise

1 Nyeye 2:26

'Ba nyeya aköö jï Abiethaar na näk Kwääy Lam Mana Dwøŋ, ni «Ci ya Anathöth kanya en pwöthi moï yie. Doo na ï rømi ka thøø cøøn. 'Ba ennø, ï ba nääa, kiper ïïni acanduk man wø nyooth luumma tuut Wuuö Jwøki ki jiy atïïyï nee kääri nyïm wära ma Deebit, ni caan ïïni na aciel ki wära bëët.»

Edhera 9:6

ni kööa, «Wui Jwøk, ï na Jwøk mara, aani wïïa laay ki man tïŋa wïïa maal baŋï, ï na Jwøk mara, kiper gïïa bacwa atïmö ni thööth ni kaala wïthwa, ni ö raayi mowa ni thöönhge no okëët maal.

Jööp 33:27

Køøre nø, eni wär ki duut nyïm jiy, ni kööe, ni ‹Aana bääyö møn, ni raanynya gïna näk adïëri, 'ba ajäla mana dee aani jäälö ki gø kär tïïc Jwøki.

Jööp 40:4

ni «Aani, aana dhaanhø jaak mo bäŋ kare. ?Olønye jïra nidïï ki man dwöga baŋï ki luubö? Aani dhaa miia miiø ki cera.

Jööp 42:6

Kiper manøgønø, aani dëëra ajääla, ni køba raay 'moa naa bëëdö yi tør ki yi bur.»

Pwöc Leec Wïc 1:31

kiper manøgø nø, gïïo duu uutjïëth tïïe moge obelge, ni jäŋge ki gïïo jootge ki køør riek waŋ marge.

Pwöc Leec Wïc 14:12

Da jöö mo wø nëënö ni mïërö jï dhaanhø, 'ba aŋuunne coonya baŋ thøø.

Pwöc Leec Wïc 16:25

Da jöö mo wø nëënö ni mïërö jï dhaanhø, 'ba aŋuunne coonya baŋ thøø.

Aydheea 3:10

Caannu jï jøøa bëëtö marge beer ki man näk mo tïmö ni beer jïge, kiper yïthge omïnni ki køør tïïe moge na beyø.

Jeremaya 12:13

Jiya, geno piidhø ki beel, 'ba gïïo jootge beege koodhi keerge. Dëëtge oöölge døc, 'ba bäŋ gïn mo jootge. 'Ba wïthge olää gïno jootge, ki køør wëër mara, a na Wuuö Jwøk, noo liel kaamar maac bäätge.»

Jeremaya 17:10

«Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Jeremaya 3:3

Kiper manøgø nø, køth amäni, ni bäŋe køth mo opädhö ki cwiir. 'Ba ï poot bëëdö kaamar dhaagø mo waŋe nëëni na waŋ kääbi, ni wïïï ba laay na bäre bäre.

Jeremaya 31:19

Kiper ki køør mana gaawa wøk, rewa acäŋwa løgø; ki køør mana pwöny waani, kööthwa agøøcwa; nyeŋwa atïmö ni law ni lää wïthwa, kiper ajøøŋ mar gïïa tïïcwa dïkwøŋ ena bäätwa.› »

Jeremaya 8:12

?Aŋø, wïthge alääö ki gïna tïïcge na raac eci ki gø? Jïre bäär, wïthge kär lääö na bäre, ni nyeŋge kär tïmö ni law. Kiper manøgønø, kanyo jääla geni, ge puta ränynyö, ni thøwge ki jiy na aciel.

Edhikiel 43:11

'Ba ni näk mo wïthge lää ni caarge wïthge ki japa reyø na tïïcge bëët, yi jöö mana geer Øt Jwøk ki gø wär caanï jïge nee ŋäcge; ni beeye yi øt jöö mare mana jiiŋŋi ki gø, ki yi jöö mana tïïc dhøgi moe ki gø, ki yi jöö bäre mana geeri ki gø, ki yi jöör bëëtö mare bäre ki ciik moe. Luup moøgø bëët wär göör piny nyïmge, nee yi jöö mana geer Øt Jwøk ki gø nee ŋäcge ni cääthge ki køør ciik moe.

Daniel 12:2

'Ba jiy mo thööth moa no othøw no okoony piny yi ŋöömö, ge päy, ni møøk cøøa yi kwøw mana näk bëëdö na bäre bäre, ni møøk cøøa kar lään wïc ki kar ataa mo bëëdö na bäre bäre.

Wëëlö Mana Göör Pøølli Baŋ Jø Röm 1:32

'Ba këël na ŋäcge luumma cem Jwøki, ni jø wø tïïc teeŋ gïïögø, marge wø rømi ka thøø, ge poot bëëdö ni ge tïïya teeŋ gïïögø, ni ge jïëy ki jø wø tïïc teeŋ gïïögø thuwø.

Wëëlö Mana Göör Pøølli Baŋ Jø Röm 5:12

'Ba raay atägö bäät piny ki køør dhaanhø aciel, ni ö thøøe ni ööe ki køør raay, ni tïm thøøe ni nyaa bäät jiy bëët, kiper mana näk jiy obääyö bëët.

Wëëlö Mana Göör Pøølli Baŋ Jø Röm 6:16

?Aŋø, kuyu ni ni näk dëëtu you cïbö jï ŋat mør ni uuna laaŋe mo leŋa luupe, u puta tïmö ni uuna laaŋe jï ŋata dwøre leŋŋu? 'Ba ni näk mou leŋa dwør raay, cuŋŋe beeye thøø, 'ba ni näk mou leŋa dwør Jwøk, cuŋŋe beeye bëënynyö.

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

Wëëlö Mana Göör Pøølli Baŋ Jø Röm 7:5

Kanya poodø ni ø bëënna moa wara cac dëëlli, gïïa reyø na wara nieŋø køørge, gena jiec ciik Jwøki, ni tïïge thäk dëëtø ni känge ki gïï mo duua thøø.

Wëëlö Mana Göör Pøølli Baŋ Jø Röm 8:13

Kiper ni näk mou bëëdö nou tïïya gïï wø cac dëëlli, u thøw. 'Ba ni näk tïïe mo dëël you wëëk thøø ki køør Jwïëc Jwøk, uuno kwøw.

Wëëlö Mana Göör Pøølli Baŋ Jø Röm 8:6

Ki man cïp cwïny køør dëël beeye thøø. 'Ba ki man cïp cwïny køør Jwïëc Jwøk beeye kwøw ki bëët-mëër.

2 Körin 4:2

Waani tïï atade ni wø määnö akwierwa, ni wa ba caath jöör riek waŋ, wala ki man wiilwa luum Jwøk. 'Ba dëëtwa ewa nyoodhø jï jiy bëët nyïm Jwøk ki køør luumma näk adïëri ni wø køpwa ni wïnyö jaak.

2 Körin 7:11

Neennu a teeŋ acaara mo nyïëdi na jootu ki køør kïmmö manøgø ni wø many Jwøki, na a teeŋ piew cwïny mo nyïëdi na laaru dëëtu nyooth nou beyø, na a teeŋ räny cwïny mo nyïëdi, ki lwär, ki äp cwïny, ki cïp cwïny køør gø, ka ajäla na cïpu. Ki yïth japøgø bëët røgu anyoothu ni bäŋ gïn mo ogwäyö jïïu ri luummögø.

Tiet Ciik 17:6

Teeŋ ŋatøgø wär näk ki køør gïno caan jøøa tïïc gïnögø buutge, ni beege jiy ariiø wala jiy adäk. 'Ba kär dee dhaanhø mo 'näk ki køør gïn mo caana dhaanhe acielli.

Tiet Ciik 21:22

«'Ba ni näk mo dhaanhø otïïö ki raay mo rømi ka thøø, ni nääi, ni lïëri ri jaath,

Pilipay 3:19

'Ba cuŋ marge beeye ränynyö, ni jwøge beeye ec, ni lään wïc marge ege tïïö na ajiem, ni cwïnyge ege cïp køør jap piny.

Ibaru 10:29

?'Ba a teeŋ rääc ajäla mo nyïëdi nø, na caarru noo rømi ki ŋat mo O Jwøk ee raanynyø, ni käre rem luumma tuut wøørø, mana tïïc eni ni ena kur keere, ni jøøŋ Jwïëc Jwøk ni wø cïp met ec?

Ibaru 6:8

'Ba ni näk tuya koodhi yie ko otwelø, bäŋ gïn mo rømi ki gø këët, 'ba kare cään ka cien ni cuŋŋe beeye waaŋ.

Jeemeth 1:15

Køøre gïn wø nieŋ ri gø, wø jïtö ki nyey ni nywøl raay. 'Ba kany wø døøŋ raayi, wø käla thøø.

Jeemeth 5:20

wär ŋääe ni ŋat wø duu ŋat raay kare, ni mäna gø ki jööre na raac, piema jwïëc ŋatøca ki thøø, ni raay mo thööth ogëëŋe.

1 Piter 4:17

Kiper nïr løøk anø öö, ni tägi ka jø Jwøk. ?'Ba ni näk mo tägi ka øøni, a cuŋ mar jø wø ba leŋ luum Jwøk na nyään na met obëëde nidïï?

1 Jøøn 2:28

'Ba kawaane, u ni therø, bëëdu ree, kiper kanyo ööe nee cwïnynyø dee ŋäädhe, ni ba kwalø dëëtø ki eni ni wïthø olää ki öönynye.

Mana Nyooth 16:6

Kiper jiy rem jø Jwøk ki mo nyïïkuk Jwøk akønyge piny, ni läwï ge wëëk remø nee maathge. Ni beeye mana røm rege.»

Mana Nyooth 20:14

Kanyøgø thøø ki kar bëët jwïëc jøøa näk othøw aleeŋ yi naama liel ki maac. Manøgø beeye thøø mano en cään, mar naamo liel ki maac.