Wëëlö Mana Göör Pøølli Baŋ Jø Röm 6:16 - Wëël Jwøk

¹⁶ ?Aŋø, kuyu ni ni näk dëëtu you cïbö jï ŋat mør ni uuna laaŋe mo leŋa luupe, u puta tïmö ni uuna laaŋe jï ŋata dwøre leŋŋu? 'Ba ni näk mou leŋa dwør raay, cuŋŋe beeye thøø, 'ba ni näk mou leŋa dwør Jwøk, cuŋŋe beeye bëënynyö.

Wëëlö Mana Göör Pøølli Baŋ Jø Röm 6:16 Iomraidhean Croise

Wïlöölö 4:7

?Aŋø, ni näk mo marï beer, täärnyïmï ba doo bëëdö ni leer? 'Ba ni näk mo marï ba beer, raay bëëdö no omøør piny dhi øtø marï; ni manynya ïïni. 'Ba gïna diï tïïö beeye ki man böötï gø.»

Mathiew 20:4

Ni kööe jïge, ‹Uuni thuwø, cou yi pwödhö mara. Aano cïpi jïïu ki gwel mo rømø ki tïïc mano tïïyu.› Køøre gena ci pwödhö.

Mathiew 6:24

«Bäŋ dhaanhø mo løny jïre ki man tïny kwääri ariiø. Kiper eni løny ki man männe ka aciel ni mëëre ki maya. Wala cwïnye wëëge aciel, ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.

Jøøn 8:34

Ni løgi ya Jecu jïge, na «Adïëri møn, a caana gø jïïu, ni jiy bëët mo wø tïïc gïïa reyø, gena laaŋe mo raay.

Wëëlö Mana Göör Pøølli Baŋ Jø Röm 11:2

Jwøk jiye käre kwierø, jøøa kwøŋ ŋäc cøøn. ?Aŋø, gïn wø caan Wëël Jwøki kiper Ilaaja kuyu, kanya dwaalle nyïm Jwøk kiper gïna tïïc jø Icrielli?

Wëëlö Mana Göör Pøølli Baŋ Jø Röm 12:1

Kiper manøgønø, nyïïmera, a kwaya uuni ki køør met yi Jwøk na päl ki man cïpu dëëtu no olämi mo kwøw ni ena kur keere, na gïn wø jïëc Jwøki, ni beeye lam maru ni wø en cwïnynyu.

Wëëlö Mana Göör Pøølli Baŋ Jø Röm 6:17

'Ba pwøc en jï Jwøk kiper uuni na kwøŋ bëëtö na laaŋe mo raay, uuna tïmö nou leŋa pwöc ki cwïnynyu bäre, mana cïp jïïu,

1 Körin 3:16

?Aŋø, kuyu ni uuna øtø mar Jwøk, ni Jwïëc Jwøk wø bëëdö dëëtu?

1 Körin 5:6

Atöör maru ba beer. ?Kuyu ni thømmø mo thiinh møø bäre mo ocoodø wø wänynyö ki gø?

1 Körin 6:2

?Aŋø, kuyu ni jø Jwøk beege noo ŋøl luum pinyi? ?'Ba ni näk luum pinyi beeye uuni noo ŋøl gø piny, aŋø, u doo dhällö ki man ŋøllu luup moi ni thenh thenh ii piny?

1 Körin 6:3

?Kuyu ni beeye øøni noo ŋøl luup nyïïatwiet maal piny? ?Aŋø nø, ni ba ŋølø luup bëët pinyi en?

1 Körin 6:9

?Aŋø, kuyu ni jø wø tïïc gïïa reyø, buc Jwøk ba doo maara ci jïge? Käru cøøgi. Bäŋ kääpe, wala jiy mo lama jwøk mør, wala jø lugi, wala cwøw wø døø røkge ki niine,

1 Körin 9:13

?Aŋø, kuyu ni jø wø tïïö yi Øt Jwøk, wø cama caap Øt Jwøk, ni jø wø tïïö kar gïn wø cïp olämme bääte wø jïta ro olämme mo wø cïp bääte?

1 Körin 9:24

?Aŋø, kuyu ni jø wø reŋi, wø läätö bëët, 'ba beeye dhaanhø aciel keere ni wø jïti ki gïn wø mëëk eni? 'Ba reŋu nø ki ŋwïëögø nee ci jïïu.

Jøcua 24:15

'Ba ni näk mo määnö jïïu ki man tïnynyu Wuuö Jwøk, dïcäŋi ennø, jëëtu ki jwøk mana dou tïnynyö; ni näk mo beeye juu moa tïny kwäyu kanya enge løø Naam Upareeti løøga, wala juu mo jø Amör ni bëëdu yi ŋöömge en, jierru; 'ba aani ki jø paara bëët, Wuuö Jwøk tïnywa tïnynyö.»

2 Piter 2:19

Ni wø køpge købø jïge, ni «Uuno bëëdö ki wïthu,» 'ba ge ki dëëtge gena laak gïïa reyø. Kiper gïn wø bööt dhaanhø, eni tïmö na laŋ gïnöca.