Wëëlö Mana Göör Pøølli Baŋ Jø Röm 6:13 - Wëël Jwøk

¹³ Ni käru nou wëëga thäk dëëtu raay ni gena gïï wø tïïc gïï mo reyø. 'Ba cïpu dëëtu jï Jwøk ni uuna jiy mo okäl wøk ki yi thøø, ni cäŋge kwøw. Ni cïpu thäk dëëtu jï Jwøk na gïï wø tïïc gïï mo beyø.

Wëëlö Mana Göör Pøølli Baŋ Jø Röm 6:13 Iomraidhean Croise

2 Luup Nyeye 30:8

'Ba ennø, kär wïthu døøyu mo teek kaawat mana tïïc kwäyu, 'ba beerra man wïnynyu luum Wuuö Jwøk, ni dønynyu kar bëëtö mare na en kur keere, na näk ee cïp kur keere na bäre bäre, ni tïnynyu Wuuö Jwøk, Jwøk maru, nee wëër mare ni wø liel kaamar maac nee paanye bäätu.

Pwöc Leec Wïc 12:18

Luup mo laar ka caan ni wïc kär caarø, cööbö kaamar opëëllö, 'ba lëëp jøøa wïthge leer käla køny.

Aydheea 55:7

Beerra man ö ŋata raaci ni wec jöö mare, ni ö ŋata näk bëëtö mare ba tiir ni tiir acaara mare; beerra man ö eni ni duu baŋ Wuuö Jwøk, Wuuö Jwøk bäth ec mare onyoodhe jïgø; beerra man ö eni ni duu baŋ Jwøk marø, kiper Wuuö Jwøk wëënnö mare dwøŋ.

Edhikiel 18:4

Ka adïëri møn, jwïëy mo jiy bëët beege 'moa; jwïëy mo wëëe ki jwïëy mo obwöre beege 'moa ge bëët. Ŋat wø tïïö ki raay bee eni noo thøw.

Daniel 3:28

Kanyøgø Nabukedenecör aput köö, ni «Pwøc en jï Jwø Cidarak, eni ki Micak ka Abedenagø, Jwøa jääŋ nyïïatwiel maal mare na piem jiye, jøøa ŋääth eni. Geni, dwør nyeya akwierge, ni per dëëtge kär leth jïge, ni kweerge ki man tïnyge jwøk mør wala ki man wøørge gø, 'ba beeye Jwøge keere.

Luk 15:24

Kiper wääda man en athøw, 'ba acäŋ kwøwø. Ni rwäänye, ni cäŋi jootø.› Ni mïn yïthge.

Luk 15:32

'Ba beeye gïn ma wøp ki man kwäägø ni mïn yïthø, kiper coku man en athøw, 'ba acäŋ kwøwø. Ni rwäänye, ni cäŋi jootø.› »

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Wëëlö Mana Göör Pøølli Baŋ Jø Röm 1:29

Ni cwïnyge bëëdö ni päŋ ki teeŋ gïïa reyø bëët, ki raay, ki päl cwïny, ki cøl cwïny. Ni cwïnyge päŋ ki gwön, ki 'näk jiy, ki wëëye, ki cwøk, ka aranya. Ni gena dïwääc nyeŋŋi,

Wëëlö Mana Göör Pøølli Baŋ Jø Röm 12:1

Kiper manøgønø, nyïïmera, a kwaya uuni ki køør met yi Jwøk na päl ki man cïpu dëëtu no olämi mo kwøw ni ena kur keere, na gïn wø jïëc Jwøki, ni beeye lam maru ni wø en cwïnynyu.

Wëëlö Mana Göör Pøølli Baŋ Jø Röm 6:11

Kaawat manøgø uuni thuwø, wär dëëtu caarru ni uuno thøw ni raay bäŋ teek bäätu këët, ni cäŋu kwøwø jï Jwøk ki ri Krictø Jecu.

Wëëlö Mana Göör Pøølli Baŋ Jø Röm 6:16

?Aŋø, kuyu ni ni näk dëëtu you cïbö jï ŋat mør ni uuna laaŋe mo leŋa luupe, u puta tïmö ni uuna laaŋe jï ŋata dwøre leŋŋu? 'Ba ni näk mou leŋa dwør raay, cuŋŋe beeye thøø, 'ba ni näk mou leŋa dwør Jwøk, cuŋŋe beeye bëënynyö.

Wëëlö Mana Göör Pøølli Baŋ Jø Röm 6:19

'Ba man caana en, a cäänö keda man wø caan dhaanhe, kiper mana tïme ni teek jïïu ki man laar ci cwïnynyu. 'Ba kawaane cïpu thäk dëëtu jï gïïa beyø nee tïmge ni ena kur keerge na mo Jwøk, kaawat mana kwøŋu thäk dëëtu cïp jï gïï mo patha adïëri ki rääö mo raac døc.

Wëëlö Mana Göör Pøølli Baŋ Jø Röm 7:23

'ba da gïn mør mo wø jooda joodø thäk dëëra mo këëdö ki luubö mana en wïïa, ni tïïya aani ni aana laŋ raay mo otwöö, ni bëëdö thäk dëëra.

Wëëlö Mana Göör Pøølli Baŋ Jø Röm 7:5

Kanya poodø ni ø bëënna moa wara cac dëëlli, gïïa reyø na wara nieŋø køørge, gena jiec ciik Jwøki, ni tïïge thäk dëëtø ni känge ki gïï mo duua thøø.

1 Körin 6:15

?Aŋø, kuyu ni dëëtu beeye thäk dëër Krictø? ?Kiper manøgønø, thäk dëër Krictø daa kälö ni døøya ge thäk dëër kääbi? Ba doo løny.

1 Körin 6:20

kiper u ŋeew ka gïn mo pere leth. Kiper manøgønø, jiemmu Jwøk ki rïŋ dëëtu.

1 Körin 6:9

?Aŋø, kuyu ni jø wø tïïc gïïa reyø, buc Jwøk ba doo maara ci jïge? Käru cøøgi. Bäŋ kääpe, wala jiy mo lama jwøk mør, wala jø lugi, wala cwøw wø døø røkge ki niine,

2 Körin 10:4

Kiper jap leny mowa, patha mo piny, 'ba jïge da teek Jwøk ki man nyakge kwör wø teek.

2 Körin 5:14

Kiper mëëc Krictø wa ee maa, kiper ewa jïëö ni da dhaanhø aciel mo othøw kiper jiy bëët. Kiper manøgønø, jiy bëët athøw.

2 Körin 5:15

'Ba ena thuunh jiy bëët, kiper nee jøøa kwøw bëënge eni na thøw kiperge ni tïŋi maal, ni ge ba bëën dëëtge këët.

2 Körin 8:5

Ni tïïcge gïnögø ni kaala mana ŋääthwa baŋge, kiper dëëtge akwøŋge wëëk Wuuö ki waani ki køør Jwøk na tïïc gïnögø cwïnyge.

Epeca 5:14

Ni beeye na købi, «Ni päyï nø, ï no obutö, ni ööï maal ki yi thøø. 'Ba Krictø ïïno mooe ki tar.»

Tiet Ciik 25:16

Kiper ŋat mo tïïya teeŋ tïïögø na tïï møt enø, Wuuö Jwøk na näk Jwøu yie raac ki gø.

Pilipay 1:20

Kiper yaa ŋäädhø døc ni wïïa ba doo lää bäre bäre, 'ba cwïnya yaa maa døc kawaane kaawat man wø bëëda cooth, nee Krictø wøør ki dëëra, nee mara kwøw wala thøø.

Köløcia 2:13

'Ba u na näk othøw yïth gïïa dhallu, ni mo dëëtu paa odaŋø, uuna tïïc Jwøki nou kwøw ki eni na aciel, ni wec moa dhalø bëët,

Köløcia 3:5

Kiper manøgønø, 'nägu jap piny ni en cwïnynyu, teeŋ kaa käp, ki rääö, ki gïïa reyø wø nieŋ cwïnynyu køørge, ki many raay, ki päl cwïny, na näk beeye wøør juu møøk.

2 Thecalönika 2:12

kiper nee jiy bëët moa näk yïthge met ka gïï mo reyø, na näk kär jïëy ki gïna näk adïëri, nee ge jääl.

2 Timöthi 2:15

Put dëërï mak døøc niï ciï nyïm Jwøk ni ïïna ŋat mo ee jïëö, na ŋat tïïc mo wïïe ba lääy, ni luum adïëri iï gwøø døøc na wøp.

Jeemeth 4:1

?Agïnaŋø ni wø käl lenye ki wëëye dïïu? ?Aŋø, patha gïïa reyø ni wø nieŋ cwïnynyu køørge ni wø këëdi yïth cwïnynyu?

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.

1 Piter 4:2

kiper nee nïre moa no odööŋ moo beede piny, nee ba beede këët ni cwïnye onieŋ køør gïïa reyø ni wø many dhaanhe, 'ba nee bëën moa many Jwøki.

1 Jøøn 1:9

'Ba ni näk mo ø bëëdö ni ø køpa raay moø, mare beer ni dwøre ba dak. Eni raay 'moø owiie, ni peny øøni yïth gïïa ba beyø bëët.