Wëëlö Mana Göör Pøølli Baŋ Jø Röm 5:10 - Wëël Jwøk

¹⁰ Kiper ni näk kanya poodø ni øøna jø män, øøno cäŋ dwøk kanya ciel ki Jwøk ki køør thøw Wääde, ?a kawaane nø, na cäŋø døø kanya ciel, a teeŋ pïëm mo nyïëdi noo piem øøni ki gø ki køør kwøwe?

Wëëlö Mana Göör Pøølli Baŋ Jø Röm 5:10 Iomraidhean Croise

2 Luup Nyeye 29:24

Køøre dïlämme nyöök atëëe moøgøøni a'näkge ni kønyge rem moge bäät gïn wø cïp olämme bääte no okïdi kiper raac jø Icriel bëët, kiper ocaan nyeya no olämme mo wø waaŋ bäre ko olämme mo wø cïp kiper wëën raay doo tïïö kiper jø Icriel bëët.

Edhikiel 45:20

Ni cäŋï teeŋ gïnögø tïïyö thuwø ri bïriet nïne mo dwäänögø kiper jøøa tïïö ki raay mo ba kamge wala mo kucge, niï tïïya gø no okïdi kiper øt Jwøk.

Daniel 9:24

«Cwiiri abïriiø kwöre ma pïërabïriiø akwaan kiper jø pou ki pääny maru na en kur keere, ki man mwön bääyö yïth cwiiri moøgø, ki man thum raayi, ki man tïïc okïdi kiper gïïa bayi, ki man ö bëënynyö mana näk bëëdö na bäre bäre, ki man thur gïna nyooth kare ki luupa køp nyïïkuk Jwøki, ki man ö kar lam na en kur keere na pere leth ni jøri ki maaw.

Ciik Kiper Dïlämme 6:30

'Ba olämi man nø mar wëën raay man wø remme kïth yo oduŋkaany røømmø nee tïïc no okïdi yi kanya en kur keere, rïŋŋe ba cam. Eni di waaŋø ki maac bäre.

Jøøn 14:19

Ki kany mo thiinh a ba neen jø pinynyi këët, 'ba aano neennu. 'Ba kiper na kwøa, uuno kwøw thuwø.

Jøøn 5:26

Kiper kaawat man bëët Wuue ni kwøw ena cere, Wäädö thuwø teek kwøw awii cere.

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Jøøn 6:57

Wuuö ni wø bëëdö ni kwøw beeye na jääŋ aani, ni kwøa en kiper Wuuö. Kaawat manøgø, ŋat wø cam aani, okwøw ki køøra.

Wëëlö Mana Göör Pøølli Baŋ Jø Röm 11:28

'Ba ki kur luumma nyään na met, jø Icriel atïmö na nyïïmän Jwøk, kiper nee luumma nyään ni met ci jïïu, u na juurre; 'ba ki kur jïër mare, gena omëëye ki køør kwäcge.

Wëëlö Mana Göör Pøølli Baŋ Jø Röm 5:11

'Ba patha manøgø keere, 'ba ø kanynyø thuwø ki nyeŋ Jwøk ki køør Kwääyø ma Jecu Krictø, ŋata joodø døøn kanya ciel ki køøre.

Wëëlö Mana Göör Pøølli Baŋ Jø Röm 5:6

Kanya poodø ni røgø ba maarø køny, Krictø athuunh jø raay ki kanya wäŋŋi ni kare.

Wëëlö Mana Göör Pøølli Baŋ Jø Röm 8:32

?Ŋata kär män Wääde kiree, 'ba acïbe kiperø bëët, jammi bëët ba dee mëëga øøni ki eni na aciel?

Wëëlö Mana Göör Pøølli Baŋ Jø Röm 8:34

?Aŋa noo jääl dhaanhø? ?Beeye Krictø Jecu? Patha eni, kiper beeye eni na thøw, ni tïŋ maal ki yi thøø, ni en bäät cwïï Jwøk, ni wø kwääö kiperø.

Wëëlö Mana Göör Pøølli Baŋ Jø Röm 8:7

Kiper cwïny man wø näk ocïp køør dëël, män ki Jwøk, ni dwør ciik Jwøk ba leŋe, ni ba maar lønyø jïre ki man leŋ gø.

2 Körin 5:20

Kiper manøgønø, waana kar dhøk mo Krictø, ni Jwøk jiy wø köömme ka køørwa. Wa kwaaya uuni ki køør Krictø ki man døøu kanya ciel ki Jwøk.

2 Körin 5:21

Kiper ŋata kuc raay atïïe na ŋat raay kiperø, kiper nee ø bëënynyø ki beeny Jwøk ki køøre.

Epeca 2:16

nee ø dwøk baŋ Jwøk karøbëët na dëël aciel ki køør thøø mare bäät jaadha no odëëdö, ni raanynya män na eno nø.

Epeca 2:3

'Ba gïïögø bëët, øøna kwøŋ bëëtö yïthge na bëënnø japa reyø na many cwïnynyø, na caadhø køør gïï wø many dëëlli ki cwïny, ni bëëdø ni øøna jø raay kaamar jøw bëët, ni wëëc Jwøk ena bäätø.

Ibaru 2:17

Ni beeye tiere na kwøŋi tïïc ni caala nyïïmenni ki yi bëëte bäre, kiper nee eni tïme na Kwääy Lam Mo Dwøŋ yi tïï Jwøk, mo yie bäth mo oŋäädhö, nee raac jiy wëënne.

Ibaru 7:25

Kiper manøgønø, løny jïre ki man køny jø wø nyänh buut Jwøk ki køøre na bäre bäre, kiper mana bëëde ni kwøw cooth, ni kwaaya Jwøk kiperge.

1 Jøøn 2:1

Nyïïa, u ni therø, a gööra luubö man baŋu kiper nou ba bääyu. 'Ba ni näk da ŋat mo bääyö, jïïø da ŋat mo ena kurø buut Wuuö, ni beeye Jecu Krictø na beer.

1 Jøøn 4:10

'Ba mëër beeye en, ni patha øøni na mëër ki Jwøk, 'ba beeye eni na mëër ki øøni ni jääŋ Wääde nee tïme no olämi kiper raay moø.

Mana Nyooth 1:18

Ni beeye aani ni kwøw. Kiper aana thøw møn, 'ba kawaane aana cäŋ kwøwø, këël na bäre bäre. Ni muktääe mo thøø ki kar bëët jwïëc jøøa näk othøw ena cera.